ព្រឹត្តិការណ៍ «សាទរកម្ពុជា» នឹងឈានចូលមកដល់នៅថ្ងៃទី ៣១ ខែធ្នូ ឆ្នាំ ២០២៤ នៅសួនច្បារមុខព្រះបរមរាជវាំង ចាប់ពីវេលាម៉ោង ៣ រសៀល រហូតដល់ម៉ោង ១ ទាបភ្លឺ។ កម្មវិធីដ៏ធំនេះ នឹងមានការចូលរួមទស្សនា និងលើកទឹកចិត្តដ៏ច្រើនកុះករពីប្រជាពលរដ្ឋជាតិ និងភ្ញៀវអន្តរជាតិ។

ព្រឹត្តិការណ៍ «សាទរកម្ពុជា» មានកម្មវិធីដ៏គួរឲ្យរំភើបជាច្រើនដូចជា ក្បួនដង្ហែដែលមានអ្នកចូលរួមប្រមាណជាង ៣០០០នាក់ ការរចនាតុបតែងដ៏ស្រស់ស្អាតជាច្រើនដែលផ្សារភ្ជាប់គំនិតច្នៃប្រឌិតបុរាណ និងសហសម័យ ល្បែងកំសាន្តទស្សវត្សរ៍ទី៨០ ស្តង់ម្ហូបអាហារ ២៥រាជធានីខេត្ត និងការសម្ដែងសិល្បៈទស្សនីយភាពចម្រុះ ដែលមានសិល្បៈករល្បីៗជាច្រើនរូប ក៏ដូចជាការរាប់ថយក្រោយឆ្លងឆ្នាំសកលជាមួយការបាញ់កាំជ្រួចផងដែរ។

ស្របពេលជាមួយគ្នានេះ លោកអ្នកនឹងបានជួបជាមួយ តារាចម្រៀង លោក វណ្ណដា, អ៊ួន បឋម (SAI) និងតារាល្បីៗ ប្រចាំព្រះរាជាណាចក្រកម្ពុជាជាច្រើនរូបទៀត ក្នុងព្រឹត្តិការណ៍ «សាទរកម្ពុជា»។

«សាទរកម្ពុជា» ជាវេទិកាសម្រាប់ប្រជាជនខ្មែរ ក្នុងការបើកបង្ហាញនូវអត្តសញ្ញាណរបស់ខ្លួន និងសាទរនូវអ្វីដែលជាអត្តសញ្ញាណរបស់យើង!