- 2016-11-09 08:48:30
- ព័ត៌មាន
Max Steel ភាពយន្តវិទ្យាសាស្ត្រអាមេរិកបែប Super Hero ល្អមើលចុងឆ្នាំ២០១៦
- 2016-11-09 08:48:30
- ចំនួនមតិ 0 | ចំនួនចែករំលែក 0
Max Steel ភាពយន្តវិទ្យាសាស្ត្រអាមេរិកបែប Super Hero ល្អមើលចុងឆ្នាំ២០១៦
ចន្លោះមិនឃើញ
ខ្សែភាពយន្តវិទ្យាសាស្ត្រថ្មីមួយទៀតចុងឆ្នាំ២០១៦ របស់អាមេរិកបែប Super Hero ទើបមកដល់បណ្ដារោងកុនកម្ពុជា នៅថ្ងៃពុធនេះតែម្ដង បន្ទាប់ពីដាក់សម្ពោធបញ្ចាំងកាលពីថ្ងៃចន្ទ ដើមសប្ដាហ៍នេះ។
"Max Steel" ដែលនិពន្ធដោយលោក Christopher Lee Yost អ្នកនិពន្ធរឿង Thor: The Dark Word រៀបរាប់ពីដំណើរជីវិតផ្សងព្រេងរបស់តួឯកឈ្មោះ Max McGrath និងមិត្តភ័ក្ដិជារ៉ូបូតពិភពផ្កាយឈ្មោះ Steel ក្នុងការស្វែងរកអាថ៌កំបាំងនៃថាមពលពិសេសដែលគំរាមកំហែងដល់ផែនដី និងរួមគ្នាការពារផែនដី។ ឪពុករបស់ Max ដែលជាអ្នកវិទ្យាសាស្ត្រដ៏អស្ចារ្យស្រាវជ្រាវរកឃើញថាមពលនោះ បានបន្សំទុកថាមពលដ៏ខ្លាំងពិសេសនៅក្នុងខ្លួន Max ហើយ Steel ត្រូវឪពុករបស់ Max បញ្ជាឲ្យតាមថែរក្សា Max។ ពេល Max ជួប Steel ហើយរួមកម្លាំងគ្នា ពួកគេក្លាយជារ៉ូបូតរួមគ្នា Super Hero ហៅថា Max Steel ដែលមានថាមពលពិសេសទប់ទល់នឹងការគំរាមកំហែងរបស់ពិភពផ្កាយ។
ឈុតឆាកប្រយុទ្ធរវាង Super Hero ការពារផែនដី និងថាមពលអាថ៌កំបាំងពិភពផ្កាយ ជឿថា អ្នកចូលចិត្តមើលរឿងបែបវិទ្យាសាស្ត្រ នឹងចូលចិត្តជាមិនខាន។
ចង់ដឹង អ្វីជាថាមពលពិសេសអាថ៌កំបាំងនៅក្នុងរឿង "Max Steel" ហើយឈុតប្រយុទ្ធគ្នាបែបវិទ្យាសាស្ត្រល្អមើលយ៉ាងណា សូមកុំភ្លេចទៅទស្សនានៅតាមរោងកុនធំៗនៅកម្ពុជា ដែលមានបញ្ចាំងពីថ្ងៃនេះតទៅ៕
