- 2016-11-21 09:57:49
- ព័ត៌មាន
ភីអិនអិន នឹងបង្ហាញខ្សែភាពយន្តភាគខ្មែរ ២ រឿង ឆាប់ៗនេះ
- 2016-11-21 09:57:49
- ចំនួនមតិ 0 | ចំនួនចែករំលែក 0
ភីអិនអិន នឹងបង្ហាញខ្សែភាពយន្តភាគខ្មែរ ២ រឿង ឆាប់ៗនេះ
ចន្លោះមិនឃើញ
ស្របពេលដែលខ្សែភាពយន្តភាគខ្មែរ ពីរ រឿង គឺរឿង «ម្ទេសហឹរប៉ះអំបិលប្រៃ» និងរឿង «សង្គ្រាមបេះដូង» កាន់តែខិតចូលមកដល់ភាគបញ្ចប់នាពេលឆាប់ៗខាងមុខនេះ ភីអិនអិនក៏នឹងត្រៀមចាក់ផ្សាយខ្សែភាពយន្តភាគខ្មែរថ្មីសន្លាង ២ រឿងបន្ថែមទៀតនាចុងឆ្នាំ២០១៦។
រឿង «សង្គ្រាមបេះដូង» នឹងត្រូវបញ្ចប់នៅថ្ងៃទី២៤ វិច្ឆិកា នេះហើយ។ ប្រិយមិត្តនឹងបានជួបជាមួយរឿងភាគខ្មែររសជាតិថ្មីមួយទៀតគឺរឿង «កែវភ្នែក»។
«កែវភ្នែក» ជារឿងដែលរៀបរាប់ពីការតស៊ូរបស់ម្ដាយពិការភ្នែកម្នាក់ដែលតស៊ូប្រឹងប្រែងគ្រប់យ៉ាង ព្រោះតែចង់ឲ្យកូនបានរៀនខ្ពង់ខ្ពស់ និងបានការងារធ្វើល្អក្នុងសង្គម។ ប៉ុន្តែកូនបែរជាមានអារម្មណ៍ខ្មាសគេ ព្រោះមានម្ដាយពិការភ្នែកទៅវិញ។ ក្នុងនាមជាម្តាយមិនដែលខឹងនឹងកូនទេ ហើយក៏មិនចង់ឃើញកូនបាក់ទឹកចិត្តក្នុងការរៀនសូត្រដែរ ម្តាយបានខិតខំរិះរកគ្រប់វិធីទាំងអស់ ដើម្បីឲ្យកូនមានទឹកចិត្តរៀនសូត្រ និងខិតខំទំនុកបម្រុងកូនគ្រប់បែបយ៉ាងរហូតកូនបានរៀនចប់ និងមានការងារធ្វើល្អ។
ខ្សែរឿងមនោសញ្ចេតនាកម្សត់ តស៊ូ របស់ម្តាយពិការភ្នែកម្នាក់នេះ នឹងមានបង្ហាញជូនរៀងរាល់ថ្ងៃព្រហស្បតិ៍ ដល់ថ្ងៃសៅរ៍ វេលាម៉ោង ៨:០០-៩:០០ យប់ ចាប់ពីថ្ងៃទី២៥ វិច្ឆិកា តទៅ។
ជាមួយគ្នានេះដែរ រឿង «ម្ទេសហឹរប៉ះអំបិលប្រៃ» ក៏នឹងចូលមកដល់ភាគបញ្ចប់នៅថ្ងៃទី៣០ វិច្ឆិកានេះហើយ។ រឿងភាគខ្មែរដែលចូលខ្លួនមកបម្រើអារម្មណ៍ប្រិយមិត្តបន្ទាប់ គឺរឿង «ភក្តីស្នេហ៍ទ្វេភព» ជារឿងប្លែក និងជាចំណីចក្ខុថ្មីសម្រាប់ទស្សិកជន។ តួឯកប្រុសក្នុងរឿងនេះគឺលោក អ៊ុន សុទ្ធា ចាប់ដៃគូជាមួយកញ្ញា មឿន ផាណែត។
រឿងនេះនិយាយពីស្នេហាស្មោះស្ម័គ្ររវាង នេន ទុំ និងនាងទាវ។ នេនទុំគឺជាអ្នកដែលពូកែខាងស្មូត ចំណែកនាងទាវ ក៏ជានារីម្នាក់ដែលមានរូបសម្រស់ល្អឯកដាច់គេនៅស្រុកត្បូងឃ្មុំ។ ទុំ និងទាវបានចាប់ចិត្តប្រតិព័ទ្ធលើគ្នាទៅវិញទៅមក នៅពេលដែលទុំទៅសូត្រមន្ត និងស្មូតនៅផ្ទះរបស់ទាវ។ ទុំក៏បានលាចាកសិក្ខាបទដោយពុំមានការយល់ព្រមពីលោកគ្រូឡើយ ដោយសារតែចិត្តចង់រួមរស់ជាមួយទាវ។ ប៉ុន្តែ ក្តីស្នេហារបស់ពួកគេទាំងពីរនាក់មិនបានសមដូចបំណងនោះឡើយ យាយផាន់តែងបំបែកពួកគេជានិច្ច រហូតពួកគេបានទៅកាន់ភពមួយទៀត។
ចង់ដឹងថាតើនឹងមានអ្វីកើតឡើងទើបបណ្ដាលឲ្យពួកគេអាចឆ្លងទៅកាន់ភពមួយផ្សេងទៀតបាន? តើពួកគេនឹងជួបឧបសគ្គអ្វីខ្លះ ហើយត្រូវដោះស្រាយដោយរបៀបណា? សូមកុំភ្លេចរង់ចាំតាមដានទស្សនារឿង «ភក្តីស្នេហ៍ទ្វេភព» ផ្សាយជូនរៀងរាល់ថ្ងៃចន្ទ ដល់ថ្ងៃពុធ វេលាម៉ោង ៨:០០-៩:០០ យប់ ចាប់ពីថ្ងៃទី៥ ធ្នូ នេះតទៅ។
សូមមើលឈុតខ្លី៖
