- 2016-12-04 07:50:35
- ជីវិតតារា
សន វិជ្ជបុត្រ ចែកទានដល់ ក្រុមតន្ត្រីពិការភ្នែក ច្រៀងតាមស្ដុប ក្នុងរាជធានីភ្នំពេញ
- 2016-12-04 07:50:35
- ចំនួនមតិ 0 | ចំនួនចែករំលែក 0
សន វិជ្ជបុត្រ ចែកទានដល់ ក្រុមតន្ត្រីពិការភ្នែក ច្រៀងតាមស្ដុប ក្នុងរាជធានីភ្នំពេញ
ចន្លោះមិនឃើញ
ជនពិការច្រៀងតាមស្ដុប ក៏ដូចជាតាមផ្សារមួយចំនួនក្នុងរាជធានីភ្នំពេញយ៉ាងតិច១០០នាក់ ត្រូវបាន លោក សន វិជ្ជបុត្រ តារាចម្រៀងក្នុងផលិតកម្ម M យកអំណោយជូន ព្រឹកមិញ អំណោយទាំងនោះមានដូចជា អង្ករ មី ត្រីខ ទឹកត្រី ទឹកស៊ីអ៊ីវ បន្លែជាដើម ។
អំណោយអស់ខាងលើ មួយចំណែកជារបស់លោកផ្ទាល់ និងមួយចំណែកធំជាការចូលរួមរបស់អ្នកនាង ថាច់ ផល្លា អតីតតារាសម្ដែងបច្ចុប្បន្នរស់នៅសហរដ្ឋអាមេរិក ព្រមទាំងសិល្បករ សិល្បការិនីជាច្រើនទៀត ហើយពិធីនេះបានធ្វើឡើងនៅវត្តនាគវ័ន រាជធានីភ្នំពេញ។
ជនពិការទាំង ១០០នាក់នេះ ត្រូវបានក្រុមការងាររបស់លោកប្រមូលមកពីតាមស្ដុបទាំងអស់ក្នុងរាជធានីភ្នំពេញ មានទាំងអស់១៦ក្រុម។ លោក សន វិជ្ជបុត្រ បានឲ្យដឹងថា ដោយមើលឃើញជនពិការច្រៀងនៅតាមភ្លើងស្ដុប មានជីវភាពក្រីក្រលំបាកខ្លាំងពេក បានធ្វើឲ្យលោកមានចិត្តអាណិតចង់ជួយ ហើយគម្រោងនៃការជួយនេះតាំងពីជាង១ឆ្នាំមុន ។
ការចំណាយលើ ការចែកអំណោយខាងលើ ម្ចាស់បទ "គេស្រលាញ់អូនគ្រាន់តែចង់ឡូយឆាយ" បានប្រាប់ថា សរុបជាទឹកប្រាក់ប្រហែលជាជាង ២ពាន់ដុល្លារ។
នេះមិនមែនជាលើកទី១ឡើយ ដែលតារាចម្រៀង លោក សន វិជ្ជបុត្រ ធ្វើអំពើសប្បុរសធម៌បែបនេះ កន្លងលោកធ្លាប់ ធ្វើផ្ទះឲ្យជនក្រីក្រចាស់ជរា បុកអណ្ដូង ក៏ដូចជាចែកអំណោយអ្នកសិល្បៈក្រីក្រជាច្រើនអ្នកទៀត ដោយអំណោយទាំងនោះ មួយចំនួនធំបានមកពីសប្បុរសជនខ្មែរនៅក្រៅប្រទេស។
តារាចម្រៀងមកកំណើតមកពីស្រុក បាភ្នំ ខេត្ត ព្រៃវែងរូបនេះ បានបញ្ជាក់ថា សកម្មភាពដែលខ្លួនកំពុងធ្វើអំពើសប្បុរសធម៌កន្លងមកនេះ មិនមែនជាការចង់បានប្រជាប្រិយភាពឬពាក់ព័ន្ធរឿងនយោបាយអ្វីឡើយ គឺជាកើតចេញពីទឹកចិត្តផ្ទាល់តែម្ដង។ លោក ថា ខ្លួននឹងបន្តសកម្មភាពសប្បុរសធម៌នេះបន្តទៀត ជាមួយគ្នាប្រសិនបើមានសប្បុរសជនផ្សេងទៀតចង់ចូលរួមជាមួយលោកបាន ខ្លួនស្វាគមន៍ជានិច្ច៕
