- 2016-12-15 23:44:00
- ជីវិតតារា
យ៉ាន លីនដា គ្មានសិទ្ធិហាមឃាត់កូនស្រីជាមួយអតីតស្វាមី
- 2016-12-15 23:44:00
- ចំនួនមតិ 0 | ចំនួនចែករំលែក 0
យ៉ាន លីនដា គ្មានសិទ្ធិហាមឃាត់កូនស្រីជាមួយអតីតស្វាមី
ចន្លោះមិនឃើញ
ការត្រឡប់មកខ្មែរវិញលើកនេះក្រោយជួបបញ្ហាខ្លះជាមួយអតីតស្វាមីកាលជាង១ឆ្នាំមុន យ៉ាន លីនដា ប្រាប់ថានាងគ្មានសិទ្ធិហាមឃាត់កូនស្រី បើសិននាងចង់ជួបជាមួយនឹងឪពុក ។
“ខ្ញុំមិនអាចហាមឃាត់ការជួបគ្នារវាងកូន និង ឪពុកគេបានទេ ហើយពួកគេក៏បានជួបគ្នារួចហើយដែរ ទោះបីខ្ញុំនិងអតីតស្វាមីមិនត្រូវគ្នាក៏ដោយ។ "។ លីនដា ថ្លែង។
រយៈពេលជាងមួយអាទិត្យហើយដែល យ៉ាន លីនដា និងក្រុមគ្រួសារបានមកដល់ស្រុកខ្មែរ ក្នុងនោះនាងប្រាប់ថា ការមកលេងស្រុកខ្មែរលើកនេះ ដោយសារកូនស្រីវិស្សមកាល និងចង់នាំក្រុមគ្រួសារមកលំហែកាយផង។
"ការពិតបងចង់មកលេងយូរហើយ ប៉ុន្តែបងនៅមិនទាន់ធ្វើចិត្តបាន ក្រោយពីមានបញ្ហា ស្របពេលនេះកូនស្រីវ៉ាកងធំ ហើយបងក៏បានធូរស្រាលចិត្តជាងមុន ចឹងក៏សម្រេចមកលេងខ្មែរតែម្តងទៅណាមួយបងក៏នៅជាប់កុងត្រាជាមួយកម្មវិធីខ្លះនៅខ្មែរនេះដែរ។ មកលើកនេះបានជាង២ខែដែរអាចថានឹងពាក់កណ្ដាលខែមករាបងត្រឡប់ទៅវិញហើយ"។ លីនដា បន្ថែម។
ទោះបីមានបញ្ហាធ្ងន់ធ្ងរជាមួយអតីតស្វាមី យ៉ែម សំអូន កាលពីជាង១ឆ្នាំមុន ត្រូវត្រឡប់ទៅប្រទេសអូស្រា្តលីវិញក្តី ប៉ុន្តែសិល្បៈ យ៉ាន លីនដា ថាមិនដែលនឹកចង់បោះបង់ឡើយ។ នាងអះអាងថា សិល្បៈ នាងបានតស៊ូយូរឆ្នាំហើយ ម្យ៉ាងចិត្តនៅស្រលាញ់ខ្លាំង ដូច្នេះនាងក៏បានសម្រេចចិត្តច្រៀងនៅក្នុងផលិតកម្មមួយនៅប្រទេសអូស្ត្រាលី ដែលថ្មីៗនេះទើបតែចេញ Teaser បទមួយចំណងជើងថា "Falling" និងមានត្រៀមបណ្តើរៗទៀត ប៉ុន្តែទាល់តែឆ្នាំ២០១៧ទើបចេញ៕
