- 2016-12-23 02:22:03
- ព័ត៌មាន
ពែកមី-គ្រឿន ៖ ហេតុអី កុំកុំ លី លានជា ទិនហ្វី ទស្សនិកជនមិនសាំ?
- 2016-12-23 02:22:03
- ចំនួនមតិ 0 | ចំនួនចែករំលែក 0
ពែកមី-គ្រឿន ៖ ហេតុអី កុំកុំ លី លានជា ទិនហ្វី ទស្សនិកជនមិនសាំ?
ចន្លោះមិនឃើញ
មានការលើកឡើងថា ភាពយន្តខ្មែររាល់ថ្ងៃ អ្នកដឹកនាំសម្ដែងជ្រើសរើសតួសម្ដែងមុខដដែលៗ ជាហេតុធ្វើឲ្យអ្នកទស្សនាធ្លាក់ចុះ។ប៉ុន្តែ នាយពែកមី និងនាយគ្រឿន បានច្រានចោល ដោយពួកគេបានលើកយកតារាល្បីរបស់ចិន កុំកុំ លី លានជា ទិនហ្វី ជាឧទាហរណ៍ ហេតុអ្វីទស្សនិកជនមិនសាំ?
តារាកំប្លែង២នាក់បងប្អូននេះថ្លែងថា ការយល់ឃើញរបស់មនុស្សមិនដូចគ្នាទាំងអស់គ្នាឡើយ ទស្សនិកជនខ្លះចង់ឃើញតួថ្មី ប៉ុន្តែភាគច្រើនតួថ្មីសម្ដែងអត់ដល់។ ឯទស្សនិកជនខ្លះទៀត ចង់ឃើញតារាក្នុងដួងចិត្តរបស់គេ ដូចនេះ ការសម្ដែងភាពយន្ត ប្រើតួសម្ដែងដដែលមិនមែនជាបញ្ហាឡើយ។
ពែកមី បានលើកឡើងទៀតថា បើសម្លឹងទៅលើភាពយន្តបរទេសវិញដូចជា តួ កុំកុំ លី លានជា ទិនហ្វី ជាដើមសម្ដែងរឿងជាច្រើន ហេតុអ្វីមិនសាំ។ " ចុះប្រុងឲ្យតារាសម្ដែងម្នាក់សម្ដែងតែ១រឿង ២រឿងឈប់សម្ដែងតែម្ដងឬយ៉ាងណា?" ពែកមី ថ្លែង។
តារាកំប្លែងមានកំណើតមកពីខេត្ត ស្វាយរៀងបន្ថែមថា ទស្សនិកជនដែលធុញទ្រាន់តួសម្ដែងដដែលៗ មិនមែនគ្រប់រឿងទាំងអស់ឡើយ គឺអាស្រ័យលើប្រភេទសាច់រឿង។ លោកថា ប្រសិនសិនជារឿងបែបកំប្លែង តារាកំប្លែងដូចជាពួកលោកសម្ដែងទស្សនិកជនអាចទទួលយកបាន ព្រោះជំនាញកំប្លែងនេះ គឺជាអាជីពរបស់ក្រុមលោកទៅហើយ។ សូមស្ដាប់វីដេអូ របស់ពែកមី គ្រឿនបកស្រាយ ពីបង្ហាខាងលើ៕
