Heineken® ត្រៀមរៀបចំកម្មវិធី Touch The Music មានមនុស្សយន្តសម្ដែង

2016-12-28 07:07:52
ព័ត៌មាន

2016-12-28 07:07:52
ចំនួនមតិ 0 | ចំនួនចែករំលែក 0

ចន្លោះមិនឃើញ

Heineken® នឹងរៀបចំកម្មវិធី “Touch The Music” ថ្មីចុងក្រោយ ក្នុងវេទិកាតន្ត្រីក្នុងតំបន់ Heineken Green Room ដែលទទួលបានជោគជ័យ និងកំពុងឈានចូលឆ្នាំទី២។ កម្មវិធីថ្មីអស្ចារ្យនេះបន្តពីកម្មវិធី “Can You See Music?” ឆ្នាំ២០១៥ របស់ Heineken® ជំរុញឱ្យភ្ញៀវចូលរួមកម្មវិធីនេះក្នុងបណ្តាប្រទេស ១០ និងទីក្រុង ១៧ ដើម្បីស្វែងយល់ពីវិធីថ្មីៗក្នុងការស្តាប់តន្ត្រីតាមកាយវិញ្ញាណ។

“Touch The Music” ធ្វើឲ្យកម្មវិធីវេទិកាតន្ត្រីសកល #LIVEYOURMUSIC របស់ Heineken® ឈានដល់កម្រិតមួយគួរឲ្យភ្ញាក់ផ្អើលនៅក្នុងព្រឹត្តិការណ៍នានា ដែលមានបង្ហាញមនុស្សយន្ត Sonic Droids កម្ពស់ខ្ពស់ជាងភ្ញៀវចូលរួមកម្មវិធីរហូតដល់ ២,៥ ម៉ែត្រ ខណៈមនុស្សយន្តទាំងនោះដើរដោយសេរីកាត់តាមហ្វូងមនុស្ស អមនឹងចង្វាក់ភ្លេង EDM។

DJ ឆ្នើមៗមួយចំនួនដែលនឹងចូលរួមក្នុងកម្មវិធីរំភើបមួយនេះ មាន DJ Maily, DJ Ara (មកពីហ្វីលីពីន), DJ Snow Y និង DJ Pink។

ក្រៅពីទស្សនីយភាពគួរឲ្យទាក់ទាញ ភ្ញៀវចូលរួមកម្មវិធីនឹងត្រូវបានលើកទឹកចិត្តក្នុងការប៉ះ និងទំនាក់ទំនងជាមួយមនុស្សយន្ត Sonic Droids ដែលបង្កភាពភ្ញាក់ផ្អើលខុសៗគ្នាក្នុងគោលបំណងផ្ដល់ការកម្សាន្តសម្រាប់អ្នកចូលចិត្តវិស័យតន្ត្រីទាំងនេះ និងបើកទំព័រថ្មីសម្រាប់ពួកគេបង្កើនបទពិសោធន៍ក្នុងការចូលរួមកម្មវិធីតន្ត្រី។

\t \t\t \t\t \t \t \t\t \t\t \t

ពេលមនុស្សយន្ត Droid នីមួយៗ ត្រូវបានណែនាំឲ្យស្គាល់ក្នុងកម្មវិធីជប់លៀងនេះ តន្ត្រីអមជាមួយទស្សនីយភាពដែលបានរចនារៀបចំឡើងដើម្បីបង្កើនភាពទាក់ទាញ នឹងធានាថា Heineken Green Room “Touch The Music” គឺពិតជាកម្មវិធីពិសេសមួយដែលមិនអាចបំភ្លេចបានដោយប្របាច់បញ្ចូលគ្នារវាងតន្ត្រី និងកាយវិញ្ញាណផ្សេងៗគ្នា។

លោក Gianluca de Tondo ប្រធានគ្រប់គ្រងជាន់ខ្ពស់នៃម៉ាកសញ្ញាសាកលនៅក្រុមហ៊ុន HEINEKEN ថ្លែងថា៖ "អតិថិជនរបស់យើងស្រឡាញ់តន្ត្រី។ យ៉ាងណាក៏ដោយ ក្រៅពីការស្ដាប់តន្ត្រី ពួកគេកំពុងស្វែងរកបទពិសោធន៍ដែលធ្វើឱ្យពួកគេមានអារម្មណ៍រស់រវើក។ ក្រុមមនុស្សនេះគឺតែងស្វែងរកបទពិសោធន៍ថ្មីៗ និងប្លែកៗ ដូច្នេះហើយ Heineken® ពិតជារីករាយក្នុងការជំរុញលើកកម្ពស់បទពិសោធន៍ស្តាប់តន្ត្រីតាមកាយវិញ្ញាណឆ្នាំនេះ"។

យុទ្ធនាការនេះចាប់ផ្ដើមជាមួយនឹងវីដេអូបង្ហោះលើបណ្ដាញសង្គមមួយចំនួនដែលបានផ្ដល់យោបល់ល្អៗអំពីបទពិសោធន៍ស្ដាប់តន្ត្រីដែលភ្ញៀវចូលរួមកម្មវិធីនឹងទទួលបានភាពសប្បាយរីករាយក្នុងកម្មវិធី Heineken Green Room “Touch The Music”។

សូមចូលរួមបើកទំព័រថ្មីនៃការទទួលយកបទពិសោធន៍ស្ដាប់តន្ត្រីនៅថ្ងៃទី៣០-៣១ ធ្នូ ២០១៦ នៅក្លឹប Marquee។ សម្រាប់ព័ត៌មានបន្ថែម សូមចូលផេក Heineken។

ទទួលយកបទពិសោធន៍ស្ដាប់តន្ត្រីលើសពីបទពិសោធន៍ស្ដាប់តន្ត្រីតាមវិធីធម្មតាដូចបច្ចុប្បន្ន!

ដោយ៖ សុផាត