- 2017-01-04 07:46:36
- ព័ត៌មាន
ភ្ញាក់ផ្អើល សន សៀវម៉ី ប្រកាសថា នាងនឹងហក់ចូលប្រឡូកសិល្បៈម្ដង
- 2017-01-04 07:46:36
- ចំនួនមតិ 0 | ចំនួនចែករំលែក 0
ភ្ញាក់ផ្អើល សន សៀវម៉ី ប្រកាសថា នាងនឹងហក់ចូលប្រឡូកសិល្បៈម្ដង
ចន្លោះមិនឃើញ
កីឡាការិនីជម្រើសជាតិតេក្វាន់ដូ សន សៀវម៉ី បានប្រាប់ Sabay ថា ថ្ងៃណាមួយបើមានឱកាសរូបនាងចង់ចូលសម្តែងខ្សែភាពយន្តម្ដង។
សៀវម៉ី បន្តថា កន្លងមកមានផលិតកម្មក្នុងស្រុកមួយចំនួន បានទាក់ទងឲ្យសម្តែងខ្សែភាពយន្តដែរ តែនាងមិនបានទទួលថតនោះទេ ព្រោះជាប់រវល់ហាត់តេក្វាន់ដូ។ ចំពោះរឿងដែលបណ្តាផលិតកម្មទាក់ទងមកនាងភាគច្រើនសុទ្ធតែរឿងវាយតបទាំងអស់ ណាមួយត្រូវហ្នឹងរឿងពិតខាងក្រៅរបស់នាងទៀតផង តែនាងអត់ទទួល។
ទើបតែពេលនេះ នាងបានផ្លាស់ប្ដូរគំនិតវិញ ព្រោះចង់មានចំណែកខ្លះក្នុងសិល្បៈ បន្ទាប់ពីមានស្នាដៃច្រើនហើយក្នុងកីឡាតេក្វាន់ដូ។ សន សៀវម៉ី ថ្លែង “ច៎ាសបងបើសិនជាមានឱកាសថ្ងៃណាមួយខ្ញុំចង់ថតខ្សែភាពយន្ត ព្រោះខ្ញុំចង់បន្សល់ទុកស្នាដៃមួយចំនួននៅក្នុងសិល្បៈ ម្យ៉ាងទៀតខ្ញុំជាកីឡាការិនីមួយរូបដែលស្រឡាញ់ និងតែងតែគាំទ្រសិល្បៈខ្មែរយើងដែរ ព្រោះសិល្បៈគឺជាចំណែកមួយជួយផ្សព្វផ្សាយវប្បធម៌ខ្មែរយើង"។
កីឡាការិនីកំពស់១ម៉ែត្រ៨៣សង់ទីម៉ែត្របន្ថែមថា រូបនាងស្រឡាញ់សិល្បៈតាំងពីអាយុ៨ ឆ្នាំមកម៉្លេះ ជាពិសេសផ្នែកដើរម៉ូដតែម្តង។ នាងតែងតែទស្សនាការដើរបង្ហាញម៉ូដរបស់តារាបរទេសនៅតាមកញ្ចក់ទូរទស្សន៍ និងតែងតែស្រមៃថា ថ្ងៃណាមួយ នឹងក្លាយជាតារាបង្ហាញម៉ូដជាក់ជាមិនខាន់៕
ប្រិយមិត្តគាំទ្រទេ បើ សៀវម៉ី ចូលសិល្បៈ?
