- 2017-01-16 23:11:00
- ព័ត៌មាន
Jeanette Aw ឆ្លើយតបទៅ ដួង សុខគា មួយឃ្លាខ្លីៗ តែមានន័យសម្រាប់ខ្មែរយើងទាំងមូល
- 2017-01-16 23:11:00
- ចំនួនមតិ 0 | ចំនួនចែករំលែក 0
Jeanette Aw ឆ្លើយតបទៅ ដួង សុខគា មួយឃ្លាខ្លីៗ តែមានន័យសម្រាប់ខ្មែរយើងទាំងមូល
ចន្លោះមិនឃើញ
កំពូលតារាសម្ដែងស្រីជនជាតិសិង្ហបុរី Jeanette Aw និងពិធីករលោក ដួង សុខគា បានជួបគ្នាលើកដំបូងបំផុតក្នុងមង្គលការកូនក្រមុំខ្មែរមួយថ្មីៗ ដោយគ្រានោះនាងបានឆ្លើយតបហូរហែ បន្ទាប់ពីត្រូវពិធីករទូរទស្សន៍ស៊ីធីអិន ចោទសួរសំណួរមួយចំនួន។
លោក ដួង សុខគា បានប្រាប់ Sabay ថាលោកភ្ញាក់ផ្អើល ក្រោយជួបតារាស្រីល្បីឈ្មោះសិង្ហបុរី ក្នុងមង្គលការខ្មែរមួយថ្មីៗនេះដោយនឹកស្មានមិនដល់។ ដូច្នេះហើយ ក្នុងគ្រានោះលោកបានសួរសំណួរនាងខ្លះៗ។
"ខ្ញុំបានសួរថា តើនេះជាការចូលរួមកំដរកូនក្រមុំខ្មែរ និងចូលរួមមង្គលការខ្មែរជាលើកទី១ ឬយ៉ាងណា។ ហើយគាត់ក៏បានឆ្លើយថា ជាលើកទី១ទាំងការស្លៀកបំពាក់ប្រពៃណីខ្មែរ និងការចូលរួមមង្គលការខ្មែរ"។
លោក ដួង សុខគា បន្តថា Jeanette Aw ក៏បានឆ្លើយប្រាប់លោកទៀតថា នាងពិតជាមោទនៈ និងសប្បាយរីករាយមែនទែនដែលបានស្លៀកបំពាក់ប្រណីខ្មែរ ព្រោះថា សម្លៀកបំពាក់ប្រពៃណីខ្មែរមើលទៅស្រស់ស្អាតណាស់។
“នេះជាលើកទី១ហើយ ដែលខ្ញុំឃើញអ្នកកំដរមានងារជាតារាសម្តែងជួរមុខ ប្រទេសសិង្ហបុរីមកធ្វើជាកូនកំដរឲ្យជនជាតិខ្មែរយើង"។ សុខគា បន្ថែម ។ លោក បន្តថា បើតាមលោកដឹងពីភាគីខាងកូនក្រមុំនាង Jeanette Aw មកលេងកម្ពុជាច្រើនដងហើយ តែមកនេះក្នុងគោលបំណងមកចូលរួមមង្គលការមិត្តភក្តិជាជនជាតិខ្មែរ និងក្នុងនាមជាអ្នកកូនកំដរផង។
ពិធីករសម្បូរទៅដោយវោហាស័ព្ទរូបនេះបន្តថា នាង Jeanette Aw ក្រៅពីមានរូបសម្រស់ស្រស់ស្អាតហើយ ថែមទាំងមានភាពរួសរាយរាក់ទាក់ទៀត មិនបានប្រកាន់ខ្លួនថាជាកំពូលតារាសម្តែងជួរមុខរបស់សង្ហិបុរីអ្វីនោះទេ៕
