- 2017-02-02 04:24:48
- ជីវិតតារា
ក្ដីស្រមៃ ពេជ្រ ថាណា ប៉ងលើ លី អ៊ីវ៉ាធីណា ឥឡូវបានសម្រេច
- 2017-02-02 04:24:48
- ចំនួនមតិ 0 | ចំនួនចែករំលែក 0
ក្ដីស្រមៃ ពេជ្រ ថាណា ប៉ងលើ លី អ៊ីវ៉ាធីណា ឥឡូវបានសម្រេច
ចន្លោះមិនឃើញ
ពេជ្រ ថាណា មានបទចម្រៀងច្រៀងជាបន្តបន្ទាប់ នៅផលិតកម្មថោន រហូតធ្វើឲ្យលោកមានឱកាសបានចាប់ដៃគូច្រៀងជាមួយកញ្ញា លី អ៊ីវ៉ាធីណា នេះជាក្ដីស្រមៃមួយ ដែលលោកធ្លាប់គិតអស់រយៈពេលជាយូរឆ្នាំ ចង់ចាប់ដៃគូជាមួយរៀមច្បងរូបនេះ។ ពេជ្រ ថាណា ប្រាប់ Sabay។
កំលោះសង្ហារមានស្រុកកំណើតមកពីខេត្តបន្ទាយមានជ័យបន្តថា បទចម្រៀងដែលលោកចាប់ដៃគូច្រៀងជាមួយកញ្ញា លី អ៊ីវ៉ាធីណា នោះគឺបទ "ព្រោះបងអស់ចិត្តឬទើបអូននឹកគេ" នៅក្នុងបទនេះលោក និង ធីណា ច្រៀងស៊ីចង្វាក់គ្នាបានល្អណាស់ទាំងការលើកដាក់សំឡេង។ "បាទបងខ្ញុំធ្លាប់ស្រមៃ ថាថ្ងៃណាមួយបើបានចាប់ដៃគូច្រៀងជាមួយបង លី អ៊ីវ៉ាធីណា មិនដឹងជាល្អប៉ុណ្ណាទេ តែឥឡូវនេះក្ដីស្រមៃខ្ញុំបានសម្រេចហើយបង"។ ថាណា ថ្លែង។
ម្ចាស់បទ "បេះដូងកាន់សីល" បន្ថែមថា បន្ទាប់ពីបានចាប់ដៃគូជាមួយ លី អ៊ីវ៉ាធីណា រួចមកទើបលោកដឹងថា នាងគឺជារៀមច្បងដែលរួសរាយរាក់ទាក់ និងតែងតែផ្ដល់បទពិសោធន៍ល្អៗឲ្យសិស្សប្អូនជំនាន់ក្រោយដូចជារូបលោក។ បើសិនជាមានឱកាស ពេជ្រ ថាណា ចង់ច្រៀងជាមួយ លី អ៊ីវ៉ាធីណា នៅបទក្រោយៗទៀត។
គួរបញ្ជាក់ថា បទចម្រៀងនៅទ្រនំថោនដែល ពេជ្រ ថាណា ទទួលបានការគាំទ្រពីសំណាក់ទស្សនិកជនមានដូចជាបទ "ព្រោះបងអស់ចិត្តឬទើបអូននឹកគេ" “បេះដូងកាន់សីល" “មហាមាណតុគុណ" “កាប់បំពង់រង់ចាំទឹកភ្លៀង" និងជាច្រើនបទទៀត នៅពេលខាងមុខនេះលោកក៏ត្រៀមបទចម្រៀង៤បទ ដើម្បីអបអរឆ្នាំថ្មីប្រពៃណីជាតិខ្មែរផងដែរ៕
