- 2017-02-13 23:11:00
- ជីវិតតារា
មិនធម្មតាទេ តារាសម្ដែងកំប្លែង ភីម៉ៃ ត្រូវផលិតករថៃកោះហៅហើយ!
- 2017-02-13 23:11:00
- ចំនួនមតិ 0 | ចំនួនចែករំលែក 0
មិនធម្មតាទេ តារាសម្ដែងកំប្លែង ភីម៉ៃ ត្រូវផលិតករថៃកោះហៅហើយ!
ចន្លោះមិនឃើញ
បន្ទាប់ពីបានសាកល្បងថតភាពយន្តឲ្យ ផលិតកម្មមកពីប្រទេសថៃ ដែលមកសហការផលិតជាមួយផលិតកម្មក្នុងស្រុកបានមួយរឿងមក លោក ភីម៉ៃ ត្រូវបានអ្នកដឹកនាំរឿងពេញចិត្ត ហើយគ្រោងអញ្ជើញ តារារូបនេះទៅថតនៅថៃតែម្ដង។ នេះបើតាមការបង្ហើបឲ្យដឹងពី សាមីខ្លួន។
តារាសម្ដែងមាឌយក្ស ភីម៉ៃប្រាប់ថា កាលពីពេលថ្មីៗនេះខ្លួនបានថតភាពយន្តឲ្យផលិតកម្មមកពីប្រទេសថៃបាន១រឿង ដោយការសម្ដែងរបស់លោកត្រូវបានផលិតករថៃពេញចិត្តជាខ្លាំង។
លោកបានរៀបរាប់ឲ្យដឹងថា ភាគីថៃបានមកសហការជាមួយផលិតកម្មខ្មែរចំនួន២ គឺ ផលិតកម្ម"រដ្ឋកញ្ញា"និង ផលិតកម្ម"រស្មីតាន់តាន់" ផលិតភាពយន្តខ្មែរ សម្រាប់ចាក់នៅក្នុងប្រទេសកម្ពុជា ប្រទេសថៃ និង ឡាវ។ កិច្ចសហការលម្អិតយ៉ាងណាទៀត លោកមិនបានដឹងឡើយ។
លោក ភីម៉ៃ បានបន្តឲ្យដឹងថា ភាពយន្តដែលលោកបានថតកន្លងមកនោះមានតារាសម្ដែងខ្មែរផង និង តារាសម្ដែងមកពីប្រទេសថៃផង។ ភាពយន្តនោះបានថតចប់ជាងកន្លះខែ ចំណងជើងនិងពេលវេលាត្រូវចាក់បញ្ចាំងឡើង មិនត្រូវបានទម្លាយឲ្យដឹងឡើយ ប៉ុន្តែលោកអាចសន្និដ្ឋានថាអាចមានចំណែងជើងថា"រត់ពេញភូមិ"។
លោក ភីម៉ៃ បានឲ្យដឹងបន្ថែមថា បន្ទាប់ពីបានធ្វើការយ៉ាងស្និទ្ធស្នាលជាមួយផលិតករថៃមក ខាង ផលិតករថៃបានបង្ហាញសញ្ញាវិជ្ជមាន ដោយចង់បានលោកទៅថតនៅទីនោះជាខ្លាំង ក្នុងនោះបានឧស្សាហ៍ទាក់ទងមកលោកជាញឹកញាប់។
មូលហេតុដែលនាំ ផលិតករថៃចង់បានទៅសម្ដែងនេះ ភីម៉ៃ ប្រាប់ថា ក៏ព្រោះតែរូបលោកមានលក្ខណៈស្រដៀងនឹងតារាកំប្លែងល្បីឈ្មោះមួយចំនួននៅប្រទេសថៃ នេះបើតាមការប្រាប់ពីផលិតករថៃប្រាប់មកលោកផ្ទាល់។
មិនទាន់ច្បាស់ថា ខាងផលិតកម្មថៃគ្រោងហៅ លោក ទៅថតនៅពេលណាច្បាស់លាស់ឡើយ គ្រាន់តែ តម្រុយចង់បានទៅតែប៉ុណ្ណោះ។ ភីម៉ៃថា ប្រសិនបើចេញទៅថតនៅប្រទេសថៃពិតមែននោះ វាគឺជាមោទនភាពសម្រាប់ខ្លួនខ្លាំងណាស់ ហើយលោកស្វាគមន៍ដោយក្ដីពេញចិត្ត៕
