- 2017-02-14 02:51:50
- ជីវិតតារា
ករុណា ពេជ្រ ជម្រះរឿង យក់ ថិតរដ្ឋា និង ឈិត សុវណ្ណបញ្ញា
- 2017-02-14 02:51:50
- ចំនួនមតិ 0 | ចំនួនចែករំលែក 0
ករុណា ពេជ្រ ជម្រះរឿង យក់ ថិតរដ្ឋា និង ឈិត សុវណ្ណបញ្ញា
ចន្លោះមិនឃើញ
កាលពីម្សិលមិញលេចវត្តមានតារាចម្រៀង យក់ ថិតរដ្ឋា និង ឈិត សុវណ្ណបញ្ញា ថតត្រៀមបទចូលឆ្នាំឲ្យផលិតកម្មថោននៅក្បែរភ្នំបាសិទ្ធ ក្នុងនោះ ករុណា ពេជ្រ ដែលជាអ្នកគ្រប់គ្រងទូទៅនៅថោន បានប្រាប់ Sabay ថាពេលនេះអ្នកទាំងពីរ បានក្លាយជាតារាចម្រៀងរបស់ផលិតកម្មថោនហើយ អ្នកទាំងពីរក៏មានបទចម្រៀងជាច្រើនសម្រាប់ចូលឆ្នាំថ្មីប្រពៃណីជាតិខ្មែរនាពេលខាងមុខនេះ។
លោកបន្តថា បទចម្រៀងដែល ឈិត សុវណ្ណបញ្ញា និង យក់ ថិតរដ្ឋា ច្រៀងសម្រាប់ឆ្នាំថ្មីនេះក្នុងម្នាក់មានចំនួន៥បទ ២ បទជាបទទោល និង៣ បទជាបទឆ្លងឆ្លើយ។ ក្រៅពីបទចម្រៀងបែបប្រពៃណីត្រៀមចូលឆ្នាំខ្មែរ ខាងលើនេះថោនក៏បានត្រៀមបទចម្រៀងសម័យជាច្រើនបទសម្រាប់អ្នកទាំងពីរ។ "បាទខ្ញុំសង្ឃឹមថាការបង្ហាញវត្តមានអ្នកនាង យក់ ថិតរដ្ឋា និង ឈិត សុវណ្ណបញ្ញា នឹងទទួលបានការគាំទ្រពីទស្សនិកជនពុកម៉ែបងប្អូនទាំងអស់គ្នា"។ លោក ថ្លែង។
លោកបន្ថែមថា ជារៀងរាល់ឆ្នាំថោនតែងតែចេញបទចម្រៀងឲ្យគ្រប់តារាចម្រៀងទាំងអស់ដែលនៅទ្រនំថោនមិនដែលខ្វះម្នាក់ណានោះទេ៕
