ក្រុមសិល្បករ អេឡិច ច័ន្ទត្រា យកថ្ងៃនៃបុណ្យសេចក្ដីស្រឡាញ់ចុះជួបកុមារៗកំព្រា

2017-02-14 09:48:42
ជីវិតតារា

2017-02-14 09:48:42
ចំនួនមតិ 0 | ចំនួនចែករំលែក 0

ចន្លោះមិនឃើញ

សិល្បករខ្មែរជាច្រើននាក់ថ្ងៃនេះ បានចេញសកម្មភាពចែករំលែកក្ដីស្រឡាញ់រៀងខ្លួន ក្នុងនោះអេឡិច ច័ន្ទត្រា ដែលបានធ្វើទានដល់ចាស់ៗ១០គ្រួសារមុននេះ ឥឡូវក្នុងថ្ងៃនៃបុណ្យសេចក្ដីស្រឡាញ់ លោកបានចុះទៅជួប និងចែករំលែកក្ដីស្រឡាញ់ដល់កុមារកំព្រាជាច្រើននាក់។

អេឡិច ច័ន្ទត្រា និងលោកជំទាវ យឹម ឆៃលីន

សកម្មភាពខាងលើ អេឡិច និងមិត្តភ័ក្ដិមួយចំនួនទៀតមានដូចជា ពេជ្រ សិរីរត័្ន អ្នកនាងម៉េង កែវពេជ្ជតា ជាដើម បានអមដំណើរ លោកជំទាវ យឹម ឆៃលីន ហ៊ុន ម៉ានី ជានាយិកាក្រុមប្រឹក្សាភិបាលកិត្តិយស អង្គការ AFESIP បានចុះជួបប្អូនៗ កុមាររស់នៅក្នុងមណ្ឌលចាកឆ្ងាយពីគ្រួសារ ធ្លាប់ទទួលរងគ្រោះដោយការបំពារបំពាន និងជួញដូរផ្លូវភេទទៅអង្គការ សុម៉ាលី ម៉ម។

ក្រុមសិល្បករ បាននាំយក សម្លការី នំបញ្ជុក នំបុ័ង ភីហ្សា និងភេជ្ជៈ ជូនប្អូនៗក្នុងថ្ងៃបុណ្យនៃសេចក្ដីស្រលាញ់។ នេះជាសកម្មភាពថ្មីមួយទៀតរបស់ អេឡិច បន្ទាប់ពីប៉ុន្មានថ្ងៃមុននេះ លោក និងក្រុមគ្រួសារបានធ្វើទានម្ដងរួចមកហើយ ដល់ចាស់ៗចំនួន ១០គ្រួសារ។

តារាប្រុសរូបនេះ បានប្រាប់ Sabay ថា អ្វីដែលពួកលោកធ្វើ គឺគ្រាន់តែចង់ចែករំលែកនូវអ្វីខ្លួនអាចធ្វើ។ សំខាន់ គឺពួកលោកចង់ផ្ដល់ដល់ប្អូននូវភាពកក់ក្ដៅ កុំអោយពួកគេមានអារម្មណ៍ឯកា ព្រោះមកត្រឹមនេះ ពួកគេបានឆ្លងកាត់ជីវិតលំបាកលំបិនច្រើនណាស់មកហើយ ស្របតាមឆន្ទៈរបស់លោកជំទាវ។

បន្ទាប់ពីបញ្ចប់សកម្មភាពសប្បុរសនៅថ្ងៃបុណ្យនៃក្ដីស្រឡាញ់នេះ អេឡិច នឹងត្រូវធ្វើដំណើរទៅប្រទេសអូស្ត្រាលីនៅ២ថ្ងៃបន្ទាប់ ដើម្បីធ្វើបេសកកម្មសិល្បៈបម្រើអារម្មណ៍បងប្អូនខ្មែរដែលរង់នៅកន្លែងមួយចំនួនរបស់អូស្ត្រាលី ដែលមានដូចជា ស៊ីដនី អាដេឡាយ ម៊ែលប៊ន និងប្រ៊ីសបេន ជាដើម៕