- 2017-03-09 03:07:35
- ជីវិតតារា
ស្នាមរបួសចាស់នៅឈឺទើប ស្រីអ៊ីត សម្រេចចិត្តបែបនេះ
- 2017-03-09 03:07:35
- ចំនួនមតិ 0 | ចំនួនចែករំលែក 0
ស្នាមរបួសចាស់នៅឈឺទើប ស្រីអ៊ីត សម្រេចចិត្តបែបនេះ
ចន្លោះមិនឃើញ
ស្រីអ៊ីត បានលើកឡើងថា ក្រោយពីលែងលះជាមួយស្វាមីរហូតមកដល់ពេលនេះនាង មិនទាន់មានបុរសណាម្នាក់នៅក្នុងចិត្តទេ ព្រោះមិនចង់ជួបស្នេហ៍ខកចិត្តជាលើកទី២នាំឲ្យឈឺចាប់ម្ដងទៀត។
សម្រាប់ជីវិតគូលើកទី២នេះ ស្រី អ៊ីត ថា មុននឹងសម្រេចចិត្តជ្រើសរើសយកបុរសណាម្នាក់ធ្វើជា មិត្ត១០០ ឆ្នាំត្រូវប្រើពេលវេលាឲ្យយូរដើម្បីមើលចិត្តគ្នាទៅវិញទៅមក។ ដែលមិនត្រូវឃើញគេភ្លាមស្រឡាញ់ភ្លែតទេ ព្រោះអនាគតប្ដីប្រពន្ធនៅវែងឆ្ងាយមិនមែនយកមួយថ្ងៃ១ខែឬមួយឆ្នាំបែកបាក់គ្នាដោយសារតែភាពមិនចុះសម្រុងនឹងគ្នាទេ។
តារាកំប្លែងមកពីខេត្តកំពង់ស្ពឺនិយាយថា៖ " ដូចបងប្អូនខ្លះមួយចំនួនគាត់បានដឹងហើយពីជីវិតប្ដីប្រពន្ធ មានភាពល្វីងជូរចត់យ៉ាងម៉េចខ្លះ ពេលដែលយើងរស់នៅអត់ចុះសម្រុងនឹងគ្នា អ៊ីចឹងខ្ញុំអត់អាចឃើញភ្លាមដាក់ចិត្តស្រឡាញ់ភ្លែតទេ ខ្លាចឈឺចាប់ទៅថ្ងៃក្រោយទៀត ដូចក្នុងពេលនេះអញ្ចឹង"។
កន្លងមកមានសារព័ត៌មានមួយចំនួនបានចុះផ្សាយថានាងមានស្នេហាជាមួយបុរសម្នាក់ក្រោយពីបែកបាក់ពីស្វាមីមិនមែនជាការពិតទេ នាងសុំច្រានចោល។ ទំនាក់ទំនងនាងជាមួយបុរសម្នាក់ហ្នឹងក្នុងនាមជាមិត្តរួមការងារជាមួយគ្នាតែប៉ុណ្ណោះគ្មានអ្វីលើសពីហ្នឹងទេ។ ស្រី អ៊ីត បញ្ជាក់៕
