- 2017-04-08 04:12:29
- ជីវិតតារា
សម្ពោធហាងថ្មី អែនជី ព្រលយផ្អាកពីសិល្បៈ ប្រសិនបើ.
- 2017-04-08 04:12:29
- ចំនួនមតិ 0 | ចំនួនចែករំលែក 0
សម្ពោធហាងថ្មី អែនជី ព្រលយផ្អាកពីសិល្បៈ ប្រសិនបើ.
ចន្លោះមិនឃើញ
តារាចម្រៀងក្នុងផលិតកម្មសាន់ដេ កញ្ញា អែនជី បានបើកសម្ពោធហាងផឹកស៊ីថ្មីមួយកាលពីល្ងាចមិញ ដោយក្នុងនោះ តារាស្រីរូបនេះបានព្រលយថា អាចផ្អាកពីសិល្បៈតែម្ដង ប្រសិនបើការងាររកស៊ីកាន់តែជោគជ័យ។
ហាងផឹកស៊ីដែលជាមុខជំនួញទី២របស់នាង បន្ទាប់ពីហាងសំលៀកបំពាក់ដែលកំពុងដំណើរការរាល់ថ្ងៃ មានយីហោ Mr. Oyster នៅតាមបណ្ដោយផ្លូវ វ៉េងស្រេង ម្ដុំសួនឧស្សាហកម្មកាណាឌីយ៉ា ។ ជំនួញនេះ នាងបានចូលហ៊ុនជាមួយគូដណ្ដឹងរបស់ខ្លួន ដោយចំណាយទុនប្រហែលជាង២ម៉ឺនដុល្លារ បើបូកទាំងផ្ទះដែលទើបទិញយកមកធ្វើទីតាំងហាងផងនេះ មានតម្លៃប្រមាណជាង១០ម៉ឺនដុល្លារ។
តារាស្រីរូបនេះ លើកឡើងថា អាជីវកម្មខាងលើ ជាការសាកល្បងរកស៊ីបែបភោជនីយដ្ឋាន ស្រដៀងទៅហ្នឹងអនាគតបងថ្លៃរបស់ខ្លួន គឺអ្នកនាង ផាន់ ម៉ូនីកា តារាចម្រៀងសាន់ដេដូចគ្នា។ ជំនួញនេះ ផាន់ ម៉ូនីកា មិនបានចូលហ៊ុនជាមួយឡើយ ហើយហាងមួយនេះ នាងផ្ដោតទៅលើ អាហារសមុទ្រ និងគ្រឿងក្លែមជាច្រើនប្រភេទ មានតម្លៃសមរម្យ ។
នាងថ្លែងថា ប្រសិនបើជំនួញមួយនេះ ជោគជ័យខ្លួន នឹងសម្រេចចូលរោងជ័យជាមួយគូដណ្ដឹងរបស់ខ្លួននៅចុងឆ្នាំនេះតែម្ដង ហើយក្រោយរៀបការរួច អាចផ្អាកសិល្បៈរយៈពេលយូរ ដោយទុកពេលមើលជំនួញ និង បង្កើតកូនជូនស្វាមី៕
