ត្រៀមៗ!សុទ្ធតែ Idol ខ្មែរ-ថៃល្បីៗ ជុំគ្នានៅឆ្នេរឯករាជ្យយប់នេះ

2017-04-14 11:35:22
ព័ត៌មាន

2017-04-14 11:35:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ល្ងាចនេះនៅឆ្នេរឯករាជ្យក្រុង កំពង់សោម នឹងមានព្រឹត្តិការណ៍ប្រគំតន្ត្រីដ៏អស្ចារ្យគឺ Anchor Beach Carnival 2017 ដែលមានការចូលរួមពីតារាចម្រៀងជួរមុខខ្មែរ-ថៃ ជាច្រើនដួង។

នៅក្នុងពិធីសន្និសីទការប្រគំតន្ត្រីដែលបានប្រព្រឹត្តទៅកាលពីរសៀលមិញ អ្នកតំណាងក្រុមហ៊ុនស្រាបៀ Anchor បានលើកឡើងថាបន្ទាប់ពីមានភាពជោគជ័យយ៉ាងសម្បើមកន្លងមកទៅលើការប្រគំតន្ត្រីតាមខេត្តនានា ក៏ដូចជារាជធានីភ្នំពេញ។ សម្រាប់ ខេត្ត ព្រះសីហនុ នេះគឺជាឆាកតន្ត្រីចុងក្រោយរបស់ Anchor Beach Carnival 2017 ដែលនឹងប្រារព្ធធ្វើរយៈពេល៣ថ្ងៃជាប់គ្នា ១៤ ១៥ ១៦ សម្រាប់អបអរពិធីបុណ្យចូលឆ្នាំថ្មីប្រពៃណីខ្មែរ ជាពិសេសអ្នកគាំទ្រដែលនិយមស្រាបៀ Anchor ។

តារាជួរមុខខ្មែរ-ថៃដែលត្រៀមខ្លួនចូលមកបម្រើអារម្មណ៍អ្នកគាំទ្រទាំងអស់នៅក្នុងព្រឹត្តិការណ៍ប្រគំតន្ត្រីយក្ស Anchor Beach Carnival 2017 ទាំង៣ថ្ងៃមានដូចជា៖

ថ្ងៃទី ១៤៖ មានដូចជា៖ វី ឌីណែត លាង សុផាឡែន ខាន់ ជែមស៍ ទេព បូព្រឹក្ស ហ្សូណូ STEP រួមទាំង តារាថៃ តៅ ស៊ុមឆាយ ខេមខ្លាដ (នាយមេក) និង សនរ៉ាម ធេពផិថាក់ (នាយ ផា)។

ថ្ងៃទី ១៥៖ មានដូចជា៖ ក្រុមចម្រៀង P-Sand សុគន្ធ នីសា ណុប បាយ៉ារិទ្ធ សួស វីហ្សា ដួង វីរៈសិទ្ធ រួមទាំងតារាចម្រៀងថៃ Tono & The DUST និង ហ្វៀម តារាភូមិ តូគង់ស័ព្ទ។

ថ្ងៃទី ១៦ ជាថ្ងៃចុងក្រោយ៖ មានដូចជា៖ ឆាយ វីរៈយុទ្ធ ផន ស្រីខួច STEP ឈិន ម៉ានិច្ច ដួង វីរៈសិទ្ធ និង តារាចម្រៀងជួរមុខថៃ Bie The Star។

ភ្លេចចូលរួមទាំងអស់គ្នារាំលេងសប្បាយជាមួយព្រឹត្តិការណ៍ប្រគំតន្ត្រី Anchor Beach Carnival 2017 បីថ្ងៃជាប់គ្នា យប់ថ្ងៃទី ១៤ ១៥ ១៦ នៅឆ្នេរឯករាជ្យ ក្រុង កំពង់សោម៕