ទីបំផុត ម៉ៅ ហាជី សម្រេចបំណងលើ មាស សុខសោភា ស្រេច!

2017-05-02 03:13:55
ជីវិតតារា

2017-05-02 03:13:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលនេះក្ដីសុបិនរបស់ ម៉ៅ ហាជី ដែលប៉ងលើកញ្ញា មាស សុខសោភា បានសម្រេចហើយក្រោយពីក្លាយខ្លួនជាតារាចម្រៀងក្នុងផលិតកម្មថោន។

ម៉ៅ ហាជី បានប្រាប់ Sabay ថា កន្លងមកលោកធ្លាប់ឃើញ មាស សុខសោភា តែតាមកញ្ចក់ទូរទស្សន៍ និងកម្មវិធីប្រគំតន្ត្រីខនសឺតនានាតាមខេត្តតែប៉ុណ្ណោះ មិននឹកស្មានថាខ្លួនមានឱកាសបានចូលផលិតកម្មថោនជាមួយនាង អ្វីដែលពិសេសថែមទៀតនោះគឺលោកបានចាប់ដៃគូច្រៀងរួមគ្នាជាលើកទី១ផងដែរ។

“ពិតជារំភើបខ្លាំងណាស់ដែលបានច្រៀងជាមួយគាត់ ព្រោះខ្ញុំស្រឡាញ់ និងគាំទ្របងស្រីមាស សុខសោភា យូរហើយ កន្លងមកខ្ញុំតែងស្រមៃថា ថ្ងៃណាមួយបើខ្ញុំក្លាយជាតារាចម្រៀងហើយបានចាប់ដៃគូច្រៀងរួមគ្នាជាមួយគាត់មិនដឹងជាល្អយ៉ាងណានោះទេ ។ តែពេលនេះក្ដីស្រមៃខ្ញុំបានក្លាយជាការពិតហើយ ថោនបានរៀបចំបទចម្រៀងចូលឆ្នាំឲ្យខ្ញុំច្រៀងជាមួយគាត់"។ ម៉ៅ ហាជី និយាយ។

តារាចម្រៀងមកពីខេត្តបាត់ដំបងរូបនេះបន្ថែមថា ក្រៅពីបទចម្រៀងចូលឆ្នាំ ខាងផលិតកម្មថោនក៏បានរៀបចំ និងត្រៀមបទចម្រៀងមួយចំនួនទៀតឲ្យលោកច្រៀងជាមួយ មាស សុខសោភា ជាបន្តបន្ទាប់ទៀតផងដែរ៕