- 2017-05-04 08:35:04
- ព័ត៌មាន
ក្រសួងវប្បធម៌ឆ្លើយតបវិញ ក្រោយ ក្រសួងព័ត៌មាន សុំភស្តុតាងករណីបញ្ឈប់ ដេនី ក្វាន់ លែងឲ្យឡើងទូរទស្សន៍
- 2017-05-04 08:35:04
- ចំនួនមតិ 0 | ចំនួនចែករំលែក 0
ក្រសួងវប្បធម៌ឆ្លើយតបវិញ ក្រោយ ក្រសួងព័ត៌មាន សុំភស្តុតាងករណីបញ្ឈប់ ដេនី ក្វាន់ លែងឲ្យឡើងទូរទស្សន៍
ចន្លោះមិនឃើញ
ព្រឹកមិញនេះ ឯកឧត្ដម ខៀវ កាញារីទ្ធ បានបង្ហោះសារ និងលិខិតមួយទាក់ទងនឹងបញ្ហារបស់ ដេនី ក្វាន់ ដែលក្រសួងវប្បធម៌ និងវិចិត្រសិល្បៈ ស្នើសុំឲ្យឈប់ឡើងគ្រប់កម្មវិធីទូរទស្សន៍រយៈពេល១ឆ្នាំ តែពេលនេះក្រសួងព័ត៌មានមិនទាន់សម្រេច និងសុំឲ្យមានភស្តុតាងច្បាស់ជាងនេះសិន។
បន្ទាប់ពីមានសេចក្ដីសម្រេចផ្លូវការមួយរបស់ក្រសួងវប្បធម៌ និងវិចិត្រសិល្បៈ ឲ្យបញ្ឈប់រាល់សកម្មភាពសិល្បៈរបស់តារាសម្ដែង ដេនី ក្វាន់ ពេលនេះ លិខិតសំណើផ្លូវការរបស់ក្រសួងវប្បធម៌ និងវិចិត្រសិល្បៈ បានទៅដល់ដៃក្រសួងព័ត៌មានហើយ ប៉ុន្តែសេចក្ដីស្នើសុំឲ្យនាងផ្អាកឡើងគ្រប់ស្ថានីយទូរទស្សន៍ចំនួន១ឆ្នាំនោះ នៅមិនទាន់បញ្ជាក់ច្បាស់នោះទេ។
បញ្ហានេះ ឯកឧត្តម ខៀវ កាញារីទ រដ្ឋមន្ត្រីក្រសួងព័ត៌មានថា ត្រូវមានភស្តុតាងច្បាស់លាស់ និងមានទម្ងន់សិន មុននឹងសម្រេចដាក់ទោសនាង។
ឯកឧត្ដម បានបញ្ចេញសារខ្លីនៅលើបណ្ដាញសង្គមហ្វេសប៊ុកថា "ខ្ញុំមិនដែលស្គាល់នាងទេ ហើយក៏មិនឈឺក្បាលរឿងនាងស្លៀកពាក់នៅក្រៅឆាកដែរ តែការហាមឃាត់ការសំដែងរបស់នាងត្រូវមានភស្តុតាងច្បាស់លាស់ (ក្រោយការណែនាំហើយ)”។
ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានប្រកាសឡើងបន្ទាប់ពីក្រសួងព័ត៌មាន ទទួលបានលិខិតសំណើពីក្រសួងវប្បធម៌ និងវិចិត្រសិល្បៈ លេខ ១៨១ \២៨ ,០៤ ,២០១៧ ដើម្បីផ្ដល់កិច្ចសហការហាមឃាត់ គ្រប់ស្ថានីយទូរទស្សន៍ និងអាជីវកម្មដែលមានមុខរបរពាក់ព័ន្ធ នឹងវិស័យសិល្បៈវប្បធម៌ ឲ្យផ្អាកទទួលយកតារាសម្ដែង ដេននី ក្វាន់ ជាតារាសម្ដែង។
ប៉ុន្តែយ៉ាងណាមិញនៅក្នុងកំណត់ហេតុលិខិត របស់ក្រសួងព័ត៌មាន ឯកឧត្ដម ខៀវ កាញារីទ្ធ បានសរសេរចោទជាសំណួរថា "តើរឿងណាខ្លះ និងសកម្មភាពអ្វីខ្លះ ដែលនាងបានរំលោភ ពីការណែនាំរបស់ក្រសួងវប្បធម៌?”។
ពាក់ព័ន្ធបញ្ហានេះ ឯកឧត្តម ថៃ នរសត្យា ទីប្រឹក្សាក្រសួងវប្បធម៌ និងវិចិត្រសិល្បៈ មិនទាន់អាចសុំការអធិប្បាយបានទេរសៀលនេះ៕
៕
