- 2017-05-13 03:32:46
- ជីវិតតារា
មនុស្សតិចណាស់ដែលដឹងថា ប្រពន្ធហុងដាដែលគេសម្លាប់គឺជាតារាកំប្លែងនៅ CTN
- 2017-05-13 03:32:46
- ចំនួនមតិ 0 | ចំនួនចែករំលែក 0
មនុស្សតិចណាស់ដែលដឹងថា ប្រពន្ធហុងដាដែលគេសម្លាប់គឺជាតារាកំប្លែងនៅ CTN
ចន្លោះមិនឃើញ
ភរិយាក្រោយរបស់តារាកំប្លែងល្បីនាយហុងដាឈ្មោះ ស៊ឹម ចន្ធី ត្រូវបានជនសង្ស័យជាកូនប្រពន្ធមុនរបស់នាយហុងដាបានសម្លាប់កាលពីយប់ថ្ងៃទី១១ ខែឧសភា នៅខុនដូមួយកន្លែង។ ភ្លាមៗក្រោយពេលបែកធ្លាយករណីឃាតកម្មនេះ មហាជនភាគច្រើនមិនសូវស្គាល់ច្បាស់ពីភរិយាក្រោយរបស់នាយហុងដាឡើយ។
តាមពិតទៅភរិយាក្រោយរបស់នាយហុងដាជាតារាកំប្លែងគួរឲ្យចាប់អារម្មណ៍ និងស្រស់ស្អាតម្នាក់។ ជារឿយៗនាងបានសម្តែងក្នុងកម្មវិធីបើកឆាកមួយដែលការបង្ហាញពីរឿងព្រេងបុរាណខ្មែរដែលចាក់ផ្សាយលើកញ្ចក់ទូរទស្សន៍ MyTV ។ អ្នកជិតស្និទ្ធ សាច់ញាតិ និងអ្នករង្វង់សិល្បៈបានស្គាល់ ស៊ឹម ចន្ធី ច្បាស់ ជាតារាកំប្លែងមួយរូប។ មហាជនទើបតែស្គាល់នាងនៅពេលលោក សុវណ្ណ រិទ្ធី ហៅលោកតាវិចទ័រ ក៏ដូចជាអ្នកសិល្បៈរួមអាជីពបានទៅចូលរួមពិធីបុណ្យសពនាង។ រឹតតែច្បាស់ទៀតនោះកាលពីល្ងាចមិញនេះលោកតាវិចទ័របានបង្ហោះរូបថតយ៉ាងច្បាស់ និងវីដេអូឃ្លីបនៃការសម្តែងកំប្លែងរបស់ភរិយាហុងដារូបនេះ។
ករណីឃាតកម្មនេះបានកើតឡើងខុនដូមួយដែលជាកន្លែងដែលជារបស់នាយហុងដា។ ភរិយាយក្រោយនេះអាយុទើប១៩ឆ្នាំ និងទើបឆ្លងទន្លេបាន៦ខែ។ ជនសង្ស័យគឺជាកូនប្រុសប្រពន្ធមុនរបស់នាយហុង។ រហូតមកដល់ពេលនេះជនសង្ស័យសម្លាប់ម្ដាយចុងរបស់ខ្លួន ត្រូវបានប៉ូលិសចាប់ខ្លួនហើយ ក្រោមការបញ្ជាពីលោក សេង ឈាង មេបញ្ជាការកងរាជអាវុធហត្ថខណ្ឌជ្រោយចង្វា។ យុវជនជាប់សង្ស័យ ត្រូវបានចាប់ខ្លួនបាននៅក្រោយវត្តចាស់ ខណ្ឌជ្រោយចង្វានៅរសៀលនេះ៕
សកម្មភាពសម្តែង
