- 2017-05-13 04:20:33
- ជីវិតតារា
កូនហុងដា ញៀនថ្នាំនិងងុបនឹងស្រីទើបសម្លាប់ម្តាយចុងយកគ្រឿងអលង្ការ
- 2017-05-13 04:20:33
- ចំនួនមតិ 0 | ចំនួនចែករំលែក 0
កូនហុងដា ញៀនថ្នាំនិងងុបនឹងស្រីទើបសម្លាប់ម្តាយចុងយកគ្រឿងអលង្ការ
ចន្លោះមិនឃើញ
ជាករណីប្លន់ពិតប្រាកដមែន ដោយសារឃាតកញៀនថ្នាំ និងឈ្លក់វង្វេងនឹងស្រីហើយអត់លុយក៏រឹតកសម្លាប់យកគ្រឿងអលង្កាលក់យកលុយដើម្បីបំពេញតម្រេករបស់ខ្លួន។ បើតាមលោកអេងហ៊ី អ្នកនាំពាក្យកងរាជអាវុធហត្ថលើផ្ទៃប្រទេសបានបញ្ជាក់ថា កូនប្រុសនាយហុងដា ដែលជាជនសង្ស័យបាន សារភាពថាខ្លួនញៀនថ្នាំអត់លុយទិញជក់ ទើបសម្លាប់ម្តាយក្រោយប្លន់យកគ្រឿងអលង្កានិងលុយទៅទិញថ្នាំញៀនជក់។
លោកអេង ហ៊ី បានបន្តថា បន្ទាប់ពីមានការភ្ញាក់ផ្អើលយ៉ាងកក្រើកពេញផ្ទៃប្រទេស ក៏ដូចជាបណ្តាញសង្គមហ្វេសប៊ុក ករណីកូនប្រុសនាយហុងដា ដែលជាប់ពាក់ព័ន្ធករណីឃាតកម្មសម្លាប់ប្រពន្ធក្រោយរបស់ឳពុកខ្លួន(នាយហុងដា) ហើយគេចខ្លួនបាត់។ ពេលនេះជនសង្ស័យត្រូវបានអាវុធហត្ថខណ្ឌជ្រោយចង្វារនៃរាជធានីភ្នំពេញ ឃាត់ខ្លួនបានហើយ ក្រោយពេលកម្លាំងអាវុធហត្ថរាជធានីភ្នំពេញសាកសួរ ជនសង្ស័យបានសារភាពជាបឋម គួរឲ្យស្លុតចិត្តនិងភ្ញាក់ផ្អើលថា មូលហេតុ ព្រោះតែខ្លួនញៀនថ្នាំអត់លុយទិញជក់ ទើបសម្លាប់ម្តាយក្រោយ ប្លន់យកគ្រឿងអលង្ការនិងលុយទៅទិញថ្នាំញៀនជក់។
បើតាមចម្លើយរបស់ជនសង្ស័យឈ្មោះអឿន សុខខេង នេះមិនមែនជារឿងឃាតកម្មដោយគំនុំទេ គឺជាការសម្លាប់ប្លន់យគ្រឿងអលង្ការលុយ មាសប្រាក់ និងម៉ូតូ ដើម្បីលក់យកទៅទិញថ្នាំញៀនប្រើប្រាស់ ។
ក្នុងប្រតិបត្តិការនេះ កម្លាំងអាវុធហត្ថឃាត់ខ្លួនបានពីរនាក់ គឺកូនប្រុសនាយហុងដា និងស្រីស្នេហ៍ នៅផ្ទះគ្មានលេខ ក្រោយវិហារចាម ភូមិ១ សង្កាត់ជ្រោយចង្វា ខណ្ឌជ្រោយចង្វា។
បច្ចុប្បន្ន សមត្ថកិច្ចកំពុងកសាងសំណុំរឿងរបស់ជនសង្ស័យអឿន សុខខេងនិងស្រីស្នេហ៍ដែលជាអ្នកសមគំនិត ដើម្បីបញ្ជូនទៅកាន់សាលាដំបូងរាជធានីភ្នំពេញតាមនីតិវិធី ៕
