ឈីន រតនៈ តក់ស្លុតខ្លាំងពេលដឹងថាម្ដាយមានជំងឺ២ប្រភេទបន្ថែមលើជំងឺរ៉ាំរៃ

2017-05-26 07:16:47
ជីវិតតារា

2017-05-26 07:16:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ឈីន រតនៈ បានប្រាប់ Sabay ថា នាងពិតជាតក់ស្លុតក្នុងចិត្តយ៉ាងខ្លាំង បន្ទាប់ពីដឹងថាអ្នកមានគុណរបស់ខ្លួនមានជំងឺ២ ប្រភេទទៀតបន្ថែមពីលើជំងឺរ៉ាំរៃកំពុងតែព្យាបាល។

កន្លងមកអ្នកម្ដាយរបស់ ឈីន រតនៈ មានជំងឺលើសឈាម និង ទឹកនោមផ្អែម ដែលជាប្រភេទជំងឺរ៉ាំរៃត្រូវប្រើពេលវេលាព្យាបាលរាប់ខែ តែអ្វីដែលធ្វើឲ្យនាងនឹកស្មានមិនដល់នោះ ថ្មីៗនេះស្រាប់តែលេចចេញនៅជំងឺពោះវៀនដុះខ្នែង និងគ្រោះក្នុងថង់ប្រមាត់លើអ្នកមានគុណរបស់ខ្លួនថែមទៀត។នេះបើតាមការបញ្ជាក់ឲ្យដឹងពី ឈីន រតនៈ។

ឈីន រតនៈ បន្ថែមថា៖ “ចាសបងជំងឺពោះវៀនដុះខ្នែងរបស់ម៉ាក់ខ្ញុំគ្រូពេទ្យបានធ្វើការវះកាត់រួចហើយ ប៉ុន្តែមានលក្ខណៈធ្ងន់ធ្ញរដោយសារតែគាត់មានជំងឺទឹកនោមផ្អែមអញ្ចឹងទៅពេលវះកាត់វាធ្វើឲ្យប៉ះពាល់កាន់តែខ្លាំងឡើង ហើយពេលនេះសុខភាពរបស់ម៉ាក់ ខ្ញុំគាត់ខ្សោយខ្លាំងណាស់"។

ក្រោយពីធ្វើការវះកាត់ហើយមកដល់ពេលនេះអ្នកមានគុណរបស់នាងមិនទាន់បានចេញពីមន្ទីរពេទ្យនៅឡើយ ព្រោះនៅតាមដានស្ថានភាពជំងឺបន្តទៀត។ ចំណែកឯថវិកាក្នុងការព្យាបាលម្ដាយពេលនេះគឺមានបងប្អូនជួយចេញថ្លៃព្យាបាលខ្លះតែទៅថ្ងៃខាងមុខទៀតប្រហែលមានតែនាងម្នាក់ឯងទេដែលចេញថ្លៃមើលថែជំងឺម្ដាយ។ ម្ចាស់បទ "សុំថែមម៉ោង" លើកឡើងដូច្នេះ។

នាងបញ្ជាក់ថា៖ " តែនាងខ្ញុំ នឹងខិតខំប្រែងប្រែងមើលថែម៉ាក់ ពេលនេះខ្ញុំពិតជាអាណិតគាត់ខ្លាំងណាស់អត់ដឹងថាគាត់ឈឺចាប់ខ្លាំងប៉ុណ្ណោះទេ។ខ្ញុំយកគាត់មកព្យាបាលនៅពេទ្យរុស្ស៊ីបង"៕

ព័ត៌មានទាក់ទង ឈីន រតនៈ

រឿងរ៉ាវទាក់ទងភាពយន្ត២០១៧

ចុងក្រោយ តារាកំប្លែងហ៊្វុយសូ សម្រេចចិត្តលក់ផ្ទះព្យាបាលជំងឺ

អត្ថបទ៖ ឆុង ស៊ីណាន