- 2017-05-27 02:06:50
- ជីវិតតារា
លី ម៉ារីណា រំលេចរូបភាពផ្អែមល្ហែមជាមួយគ្រួសារណាស់យប់មិញនេះ
- 2017-05-27 02:06:50
- ចំនួនមតិ 0 | ចំនួនចែករំលែក 0
លី ម៉ារីណា រំលេចរូបភាពផ្អែមល្ហែមជាមួយគ្រួសារណាស់យប់មិញនេះ
ចន្លោះមិនឃើញ
បន្ទាប់ពីប្រកាសចូលសិល្បៈជាថ្មីវិញ ម្សិលមិញនេះ អ្នកនាង លី ម៉ារីណា បានធ្វើពិធីខួបកំណើតគម្រប់៣៧ឆ្នាំ របស់ខ្លួន ដោយបានរំលេចរូបភាពផ្អែមល្ហែមជាមួយស្វាមី និងកូនយប់មិញ។
ក្នុងពិធីនេះក្រៅកម្មវិធីខួបកំណើត តារាស្រីរូបនេះ ប្រាប់ថា ធ្វើឡើងក្នុងន័យមួយទៀត គឺដើម្បីអបអរការវិញចូលវិថីសិល្បៈជាថ្មីវិញ។
ពិធីខាងលើ លី ម៉ារីណា បានធ្វើនៅឯភោជនីយដ្ឋានវីហ្វ្រែនបឹងត្របែក ដោយក្នុងនោះនាងបានអញ្ជើញសិល្បករសិល្បៈការិនីល្បីជាង៣០រូប។ លី ម៉រីណា ថ្លែងថា ជារឿងរាល់ឆ្នាំឲ្យតែដល់ថ្ងៃខួបនាងតែធ្វើជានិច្ចមិនដែលអាក់ខានឡើយ ទោះតិចក្ដីច្រើនក្ដី ហើយចំពោះការធ្វើទ្រង់ទ្រាយធំមានអ្នកសិល្បៈចូលរួមមិនសូវជាញឹកញាប់នោះទេ។
បច្ចុប្បន្នលី ម៉ារីមា បានសម្រេចចិត្តផ្អាកទៅរស់នៅអាមេរិកជាមួយស្វាមីមួយរយៈ បន្ទាប់ពីទៅរស់នៅទីនោះបានចំនួន២ឆ្នាំ ដោយទុកពេលមកស្រុកខ្មែរមើលថែកូននៅស្រុកខ្មែរ ព្រោះនៅសហរដ្ឋអាមេរិកខ្លួនមិនមានសាច់ញាតិជួយមើល។ នាងថ្លែងថា នាងនឹងទៅរស់នៅអាមេរិកវិញនៅពេលដែលកូនប្រុសរបស់នាង ដល់វ័យចូលរៀន ខណៈពេលនេះកូនប្រុសទើបតែមានវ័យ២ឆ្នាំប៉ុណ្ណោះ។
ដោយសារតែមកនៅស្រុកខ្មែរ មានពេលច្រើនគួបផ្សំមិនដាច់ចិត្តពីសិល្បៈ ហើយមានការសំណូមពរពីអ្នកមិត្តភ័ក្ដិក៏ដូចជាអ្នកដឹកនាំសម្ដែងផង លី ម៉ារីណា បានសម្រេចចិត្តថតខ្សែភាពយន្តជាថ្មីឡើងវិញ បន្ទាប់ពីបោះបង់ជិត១០ឆ្នាំ ។
លី ម៉ារីណា មិនបានទម្លាយចំណងជើងឡើយ ប៉ុន្តែនាងបានប្រាប់ថា ជារឿងបែបបុរាណ ដោយក្នុងនោះ តារាសម្ដែងសុទ្ធតែជាតារាជើងចាស់ ល្បីៗចូលរួមស្ដែង ហើយនាង និង លោក ទេព រិនដារ៉ូ ធ្វើជាតួ ឪពុកម្ដាយរបស់តួឯក។ រឿងនេះ សម្រាប់ចាក់លើកញ្ចក់ទូរទស្សន៍រស្មីហង្សមាស។
ក្រៅការសម្ដែងភាពយន្ត លី ម៉ារីណា បានបង្ហើបឲ្យដឹងថា ខ្លួនទើបតែទទួលធ្វើជាពិធីការិនីឲ្យTV3 ក្នុងកម្មវិធី ខ្សឹបដាក់មីក្រូដែរ។ បន្ថែមពីលើនេះ នាងគ្រោងនឹងទទួលការថតស្ប៉តពាណិជ្ជកម្មមួយចំនួនថែមទៀតផង៕
*Original Song ខ្មែរយើងមួយនេះឡូយ!
*ហៅថាស្រីស្អាត ពិតជាមិនខុសមែន
*អត្ថបទផ្សេងទៀតពី ស្នេហារបស់តារាៗយើង
