នៅមិនសុខ ជីជី ចេញប្រតិកម្មថា "ហួសហេតុ" រឿងសហព័ន្ធពិន័យតារាបាល់ទាត់មួយរូប

2017-06-01 05:25:38
ជីវិតតារា

2017-06-01 05:25:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ទើបប៉ុន្មាននាទីប៉ុណ្ណោះ ពិធីការិនី ជីជី បានចេញប្រតិកម្មថា "ហួសហេតុ" ក្រោយ សហព័ន្ធកីឡាបាល់ទាត់កម្ពុជា (FFC) បានចេញសេចក្ដីសម្រេចពិន័យកីឡាករ ទូច បញ្ចរ៉ុង មិនឲ្យចូលទីលានប្រកួតផ្លូវការចំនួន ៨ ខែ និងប្រាក់ចំនួន ១លានរៀល។

ការសម្រេចរបស់សហព័ន្ធ ជុំវិញករណីកីឡាករ ទូច បញ្ចារុង ក្រោយខ្សែការពារក្លឹបបឹងកេត រូបនេះបានប្រើហិង្សាយកក្បាលទៅបុកអាជ្ញាកណ្ដាល ។ អាន៖ FFC ចេញលិខិតពិន័យ ទូច បញ្ចរ៉ុង ជុំវិញករណីប្រើហិង្សាដាក់អាជ្ញាកណ្ដាល

បញ្ហានេះហើយ ទើបយប់មិញនេះ ជីជី បានប្រតិកម្ម ដោយនាងបានចែករំលែកព័ត៌មាន និងភ្ជាប់ជាមួយសារដ៏វែងអន្លាយមួយថា៖ "ដូចជាហួសហេតុពេកហើយព្យួរមិនអោយទាត់រយៈពេល៨ខែ បើគិតពីកំហុសវាអាចជាកំហុសតិចតួច ព្រោះតែស្រលាញ់កីឡា និងស្រលាញ់ក្រុមរបស់ខ្លួន ចុះបើបកទៅគិតវិញមុននិងមានថ្ងៃនេះតើគាត់ខំប្រឹងប្រែងតស៊ូហ្វឹកហាត់យ៉ាងណាខ្លះ? មិនដែលមានអ្នកណាចង់បំផ្លាញខ្លួនឯងបែបនេះទេ ចំពោះខ្ញុំគិតថាវាជាកំហុសអចេតនាច្រើនជាង សង្ឃឹមថា នឹងមានដំណោះស្រាយដែលល្អ យើងជាខ្មែរដូចគ្នាទេ វិស័យកីឡាកំពុងមានសន្ទុះពីប្រជាពលរដ្ឋខ្មែរ សុំកុំជាន់ពន្លិចគាត់បែបហ្នឹងអី"៕

ចុះប្រិយមិត្តវិញយល់យ៉ាងណា!