- 2017-07-04 03:14:13
- ព័ត៌មាន
ករុណា ពេជ្រ បញ្ជាក់សំណូក៥ ម៉ឺនដុល្លារចង់ក្លាយជាតារាចម្រៀងផលិតកម្មថោន
- 2017-07-04 03:14:13
- ចំនួនមតិ 0 | ចំនួនចែករំលែក 0
ករុណា ពេជ្រ បញ្ជាក់សំណូក៥ ម៉ឺនដុល្លារចង់ក្លាយជាតារាចម្រៀងផលិតកម្មថោន
ចន្លោះមិនឃើញ
រឿងរ៉ាវវាយប្រហារគ្នាលើបណ្តាញទំនាក់ទំនងសង្គមហ្វ៊េសបុក រវាងតារាចម្រៀង ពេជ្រ ថាណា និង ម៉ៃ សុគន្ធ ទាក់ទងតម្លៃចង់ក្លាយជាតារាចម្រៀងផលិតកម្មថោន ទោះបីឲ្យ ៥០០០០ ម៉ឺនដុល្លារអាមេរិកក៏ថោនមិនទទួលយកដែរ គឺជារឿងក្តៅគគុក ហើយប្រិយមិត្តកំពុងតែចង់ដឹងការពិត។
ឆ្លើយតបទៅនឹងរឿងរ៉ាវរវាងតារាចម្រៀងទាំងពីរខាងលើនេះដែរ អ្នកគ្រប់គ្រងផលិតកម្មថោនលោក ករុណា ពេជ្រ បានប្រាប់ Sabay ថា លោកមិនដឹងនោះទេ ប៉ុន្តែជាគោលការណ៍ផលិតកម្មថោន មិនតម្រូវឲ្យយកសំណូកពីបុគ្គលណាម្នាក់ឡើយ បើសិនជាពួកគេចង់ក្លាយជាតារាចម្រៀងរបស់ផលិតកម្មថោន អ្វីដែលសំខាន់ថោនផ្ដោតលើសំឡេង និងអត្តចរិត។
“កន្លងមកមានបុគ្គលមួយចំនួន គាត់បានឲ្យសំណូកមកផលិតកម្មថោន តែខាងយើងមិនដែលទទួលយកនោះទេ ទោះបីឲ្យប៉ុន្មានក៏ដោយ នេះជាគោលការណ៍របស់ក្រុមហ៊ុនយើង ព្រោះផលិតកម្មថោន គិតលើអត្តចរិតជាធំ បើបុគ្គលនោះយើងមើលឃើញថាគាត់ល្អ ខាងយើងទទួលគាត់ជាតារាចម្រៀងតែម្ដង"។ អ្នកគ្រប់គ្រងផលិតកម្មថោនរូបនេះថ្លែងបញ្ជាក់។
ដោយឡែក ពេជ្រ ថាណា វិញបានបកស្រាយថា រឿងរ៉ាវលេងឆាតហ្វេសប៊ុកនិយាយពីតម្លៃទាក់ទងចង់ក្លាយជាចម្រៀងរបស់ផលិតកម្មថោន ជាមួយ ម៉ៃ សុគន្ធ នោះលោកអត់ដឹងនោះទេ ព្រោះហ្វេសប៊ុករបស់លោកត្រូវបានគេហែកអាខោន។
"ខ្ញុំភ្ញាក់ព្រើតបងពេល ឃើញ ម៉ៃ សុគន្ធ គាត់បង្ហោះសារដែលខ្ញុំឆ្លើយឆ្លងជាមួយគាត់ ព្រោះខ្ញុំអត់បានលេងទេ សារហ្នឹងចេញមកពីណា ហើយខ្ញុំនិងគាត់មិនដែលមានរឿងជាមួយគ្នាទេ"។ ពេជ្រ ថាណា បញ្ជាក់៕
ចុចអាន៖ជុំវិញបញ្ហាតារាជាតិ
ចុចអាន៖ជក់ចិត្តបរទេស១ក្រុម លេងភ្លេងច្រៀងបទ "ឱស្វាយចន្ទី" ពីរោះកប់ហ្មង (វីដេអូ)
