- 2017-07-04 08:29:19
- ព័ត៌មាន
អបអរ! ថ្ងៃនេះជាខួបអាពាហ៍ពិពាហ៍ ១៨ឆ្នាំ របស់ David Beckham និង Victoria
- 2017-07-04 08:29:19
- ចំនួនមតិ 0 | ចំនួនចែករំលែក 0
អបអរ! ថ្ងៃនេះជាខួបអាពាហ៍ពិពាហ៍ ១៨ឆ្នាំ របស់ David Beckham និង Victoria
ចន្លោះមិនឃើញ
គូស្នេហ៍ដ៏ល្បីល្បាញជុំវិញពិភពលោក David និង Victoria Beckham បានចាប់ដៃគ្នាសាងសុភមង្គលគ្រួសារអស់រយៈពេលជិត ២០ឆ្នាំហើយ ហើយថ្ងៃនេះ គឺជាខួប ១៨ឆ្នាំនៃអាពាហ៍ពិពាហ៍របស់ពួកគេទាំង២។
រំឭកទៅថ្ងៃដំបូងដែល David និង Victoria បានជួបគ្នាដំបូង គឺនៅក្នុងកម្មវិធីប្រកួតបាល់ទាត់បែបសប្បុរសធម៌មួយ កាលពីឆ្នាំ ១៩៩៧ ក្រោយមក ១ឆ្នាំពួកគេក៏បានប្រកាសពីថ្ងៃភ្ជាប់ពាក្យតែម្ដង។ នៅឆ្នាំ ១៩៩៩ គូស្នេហ៍ទាំង ២ក៏បានរៀបការជាមួយគ្នា។
មកទល់ពេលបច្ចុប្បន្ន ប្ដីប្រពន្ធគូនេះ ទទួលបានកូនប្រុសស្រីគួរឲ្យស្រលាញ់ ចំនួន ៤នាក់។ អ្វីដែលមហាជនចាប់អារម្មណ៍មកលើគូស្នេហ៍នេះ ក្រៅពីសុភមង្គល និងក្ដីស្រលាញ់ដែលមានឲ្យគ្នាទៅវិញទៅមកមិនចេះរីងស្ងួតនោះ គឺម៉ូដសំលៀកបំពាក់ដែលពួកគេតែងស្លៀកចេញក្រៅម្ដងៗ។ ចំពោះ David ថ្វីត្បិតតែជាអតីតកីឡាករបាល់ទាត់ តែលោកតែងបង្ហាញនូវម៉ូដទាន់សម័យ ព្រោះមានភរិយាជាអ្នកច្នៃម៉ូដដ៏ជំនាញ ហើយពួកគេតែងកាន់ដៃគ្នាចូលរួមកម្មវិធីជាច្រើនកម្រអវត្តមានម្នាក់ណាស់។ ប្ដីប្រពន្ធគូស្នេហ៍តារាគូនេះ សាងក្ដីសុខរួមគ្នា ជាមួយកូនៗ ៤នាក់ យ៉ាងមានសុភមង្គល ហើយត្រូវបានចាត់ទុកថាជាគ្រួសារគំរូមួយដែរ ក្នុងចង្កោមសិល្បៈ៕
ចុចអាន៖
