- 2017-07-15 09:18:10
- ព័ត៌មាន
ចាប់បានអ្នកលួចចូលផ្ទះតម្លៃ៨លានដុល្លាររបស់តារាចម្រៀងរ៉េប Drake
- 2017-07-15 09:18:10
- ចំនួនមតិ 0 | ចំនួនចែករំលែក 0
ចាប់បានអ្នកលួចចូលផ្ទះតម្លៃ៨លានដុល្លាររបស់តារាចម្រៀងរ៉េប Drake
ចន្លោះមិនឃើញ
ភូមិគ្រឹះរបស់កំពូលតារាចម្រៀងរ៉េប Drake នៅតំបន់ Hidden Hills រដ្ឋ California ដែលបានទិញក្នុងតម្លៃ៨លានដុល្លារត្រូវបានមនុស្សម្នាក់លួចចូលកាលពីល្ងាចថ្ងៃព្រហស្បតិ៍។
បើយោងទៅតាមសារព័ត៌មាន TMZ បុរសម្នាក់បានឡើងតាមគុម្ពោតព្រៃ ដើម្បីចូលទៅក្នុងផ្ទះរបស់ម្ចាស់បទ "Hotline Blink” នេះ។ ដោយសារតែផ្លូវចូលនៃទីតាំងរបស់ភូមិគ្រឹះជាផ្លូវធំព្រមទាំងមានការយាមយ៉ាងតឹងរឹងពីសន្តិសុខទៀតនោះ ជាហេតុធ្វើឲ្យមានការពិបាកក្នុងការចូលដោយមិនមានការអនុញ្ញាត។
ខណៈពេលនោះដែរ តារាចម្រៀងល្បីឈ្មោះ Drake មិនបានស្នាក់នៅទីនោះទេ ដោយសារតែភូមិគ្រឹះនេះកំពុងតែស្ថិតក្នុងការកែលំអឡើងវិញ។
អ្នកដែលលួចចូលផ្ទះនោះសារភាពថាខ្លួនគ្រាន់តែចង់ជួបតារាចម្រៀង Drake តែប៉ុណ្ណោះ មិនមែនដោយសារមូលហេតុអ្វីផ្សេងទេ។
ប្រភពមួយពីសមត្ថកិច្ចបានប្រាប់ TMZ ថា៖ "សន្តិសុខម្នាក់ដែលកំពុងតែនៅក្នុងតួនាទីយាមកន្លែងនោះបានឃើញអ្នកលួចចូលនោះនិងប្រាប់ឲ្យចេញ ប៉ុន្តែអ្នកដែលលួចចូលនោះមិនស្ដាប់និងបញ្ចេញសកម្មភាពឈ្លានពានចូលទីទាំងនោះ"។ គេមិនបានដឹងទេ ថាតើបុរសម្នាក់នោះមានអាវុធនៅជាប់ខ្លួនឫអត់? ព្រមទាំងថាតើមានអំពើហិង្សាណាមួយកើតឡើងឫអត់ រវាងបុរសម្នាក់នោះនិងសន្តិសុខដែលយាមភូមិគ្រឹះនោះ?
នេះមិនមែនជាលើកទី១ទេ ដែលភូមិគ្រឹះរបស់ Drake ធ្លាប់គេលួចចូល ដែលកាលពីខែមេសាមានស្រីម្នាក់បានលួចចូលព្រមទាំងយកទឹកសុទ្ធ Fiji ព្រមទាំង ទឹកក្រូច Pepsi និង Sprite៕
ចុចអានអត្ថបទ៖
