នោះ! បាត់មុខមួយរយៈ តារាដើមទ្រូង សេង សូណា វិលវិញជាមួយអាជីពថ្មី (វីដេអូ)

2017-08-09 08:42:29
វីដេអូ

2017-08-09 08:42:29
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបាត់មុខពីវិថីសិល្បៈមួយរយៈធំ តារាល្បីដើមទ្រូង សេង សូណា បានប្រកាសថា បានវិលចូលសិល្បៈវិញហើយ។ ការវិលជាថ្មី តារារូបនេះបានប្ដូរអាជីពពីតារាសម្ដែង មកជាតារាចម្រៀងវិញម្ដង ហើយបច្ចុប្បន្នកំពុងតែផលិតចម្រៀងភាគច្រើនជា Original Song ។

សេង សូណា ប្រាប់ថា នាងត្រូវបានផលិតកម្មខ្មែរនៅក្រៅស្រុកមួយទាក់ទងឲ្យនាងច្រៀង បន្ទាប់ពីម្ចាស់ផលិតកម្មរូបនោះ ឃើញភាពសិចស៊ី និងសមត្ថភាពរបស់នាង។ ផលិតកម្មនោះឈ្មោះថា "ផលិតកម្មក្រៅស្រុក" ដែលមានម្ចាស់ជាខ្មែររស់នៅប្រទេសបារាំង។"គាត់ឃើញខ្ញុំល្បីសិចស៊ី អាចច្រៀងបានព្រោះធ្លាប់ទៅច្រៀងលេង KTV ជាមួយគ្នា អ៊ីចឹងគាត់ចង់ជួយខ្ញុំ លូវធ្វើបាន២បទហើយ គាត់គ្រោងធ្វើបទចម្រៀងឲ្យខ្ញុំ១វ៉ុលម្នាក់ឯងតែម្ដង ភាគច្រើន Original Song ទាំងអស់ហ្នឹង" សេង សូណា លើកឡើង។

តារាសិចស៊ី រូបនេះបានបន្តថា តាមគោលដៅម្ចាស់ផលិតកម្មគ្រោងនាំនាងទៅច្រៀងនៅ ប្រទេសបារាំង និងកាណាដា បន្ទាប់ពីបទចម្រៀងរបស់នាង ត្រូវបានមហាជនស្គាល់ ហើយគម្រោងចេញទៅច្រៀងនៅទីនោះឆាប់ៗ ពោលអាចនៅចុងឆ្នាំ២០១៧ ឬដើមឆ្នាំ២០១៨នេះ។

២បទដែល សេង សូណា បានច្រៀង ទើបតែផលិតបានជិត១ខែមកនេះ ក្នុងនោះមានបទទី១ "មើលមេឃរំលែកចិត្តនឹកបងគ្រាមុន" និងបទទី២" អាសូណាអត់ខ្វល់"។ នាងថា នៅអាទិត្យក្រោយខាងផលិតកម្មនឹងចេញទៅថតជា MV នៅក្នុងទឹកខេត្ត កំពង់ចាម ដោយការថតនោះយកឡានសុទ្ធតែទំនើបៗថែមទៀតផង។ ជាមួយគ្នានោះ ខាងផលិតកម្មបានតម្រូវឲ្យនាងចេះលេង ហ្គីតា ដើម្បីឲ្យស៊ីទៅនឹងភាពសិចស៊ី ហើយបច្ចុប្បន្ននាងកំពុងតែរៀនជំនាញនេះ។

សេង សូណា លើកឡើងថា នាងមិននឹកស្មានថា ខ្លួនអាចច្រៀងបានឡើយ ហើយនាងពិតជាសប្បាយចិត្តជាខ្លាំងនៅពេលដែលម្ចាស់ផលិតកម្មខាងលើផ្ដល់ឱកាសបែបនេះ។ នាងសង្ឃឹមថា ទីផ្សារសិល្បៈរបស់នាង នឹងងើបឡើងវិញហើយខ្លាំងជាងមុនទៅទៀត បន្ទាប់ពីផែនការដែលបានរៀបរាប់ខាងលើ។

អ្វីជាពិសេសជាងនេះទៅទៀតនោះ តារាស្រីល្បីដើមទ្រូងខ្នាតអឺរ៉ុបរូបនេះ រំពឹងទីផ្សារនៅក្រៅប្រទេសច្រើនជាងនៅក្នុងស្រុក ព្រោះតាមគោលការណ៍ផលិតកម្មចង់យកនាងទៅរស់នៅ និងច្រៀងនៅប្រទេសបារាំងតែម្ដង៕

អត្ថបទៈ ស៊ុនហួត