សេង សូណា ចោរលួចម៉ូតូយប់មិញ
តារាសម្ដែងល្បីតាមដើមទ្រូង កញ្ញា សេង សូណា នៅម៉ោងប្រមាណជា៣ទៀបភ្លឺយប់មិញនេះ ត្រូវចោរលួចម៉ូតូអស់១គ្រឿង នៅឯបន្ទប់ជួលមួយកន្លែងជិតវត្តគៀនឃ្លាំង ត្រើយខាងកើតនៃរាជធានីភ្នំពេញ។
ម៉ូតូដែលបាត់នោះ គឺម៉ាក Today ស្លាក់លេខ FM-6104 ពណ៌ឈាមជ្រូក ដោយសេង សូណា បានទិញក្នុងតម្លៃជាង៥០០ដុល្លារ។ តារាស្រីរូបនេះប្រាប់ថា ម៉ូតូ Today នេះ នាងបានទិញឲ្យប្អូនប្រុសរបស់ខ្លួនជិះទៅរៀន ហើយម្ដងម្កាលនាងក៏ជិះទៅធ្វើការផងដែរ។
សូណា បានឲ្យដឹងថា យប់មិញ ប្អូនរបស់ខ្លួនបានទៅលេងបន្ទប់ជួលជីដូនមួយ នៅម្ដុំជិតវត្តគៀនឃ្លាំង ដោយស្នាក់នៅទីនោះមួយយប់។ ក្នុងបន្ទប់នោះ មានគ្នាទាំងអស់៣នាក់ ដោយមានម៉ូតូ៣គ្រឿង ដាក់នៅទីនោះ មានសង់២០១៥មួយគ្រឿង និងស្កុបពីមួយគ្រឿង ប៉ុន្តែចោរបែរជាលួចតែម៉ូតូ Today ទៅវិញ។
សេង សូណា បានលើកឡើងជាចម្ងល់ថា ហេតុអ្វីបានជាម៉ូតូទំនើបៗបែរជា ចោរមិនយក មកលួចម៉ូតូប្អូនរបស់ខ្លួនទៅវិញ ហើយចោរដែលលួចនោះ ដឹងកន្លែងសោដែលប្អូននាង ទុកថែមទៀតផង។បច្ចុប្បន្ននាង បានកំពុងតែរៀបចំពាក់បណ្ដឹងទៅ នគរបាលប៉ុស្តិ៍ ដើម្បីស្វែងរកម៉ូតូនេះមកវិញហើយ៕
អត្ថបទ៖ ខុត សីហា
