- 2018-06-04 08:24:22
- ព័ត៌មាន
អស់ពី ដេនី ក្វាន់ ល្បីថា តារាស្រីសិចស៊ី២ដួងនេះជាប់ក្នុងបញ្ជីខ្មៅរបស់ក្រសួង
- 2018-06-04 08:24:22
- ចំនួនមតិ 0 | ចំនួនចែករំលែក 0
អស់ពី ដេនី ក្វាន់ ល្បីថា តារាស្រីសិចស៊ី២ដួងនេះជាប់ក្នុងបញ្ជីខ្មៅរបស់ក្រសួង
ចន្លោះមិនឃើញ
ថ្មីៗនេះបណ្តាញសារព័ត៌មានក្នុងស្រុកមួយចំនួនបានបញ្ចេញដំណឹងទាក់ទងនឹងតារាស្រីសិចស៊ី២ដួងជាប់ឈ្មោះក្នុងបញ្ជីខ្មៅរបស់ក្រសួងវប្បធម៌ និងវិចិត្រសិល្បៈ។ រឿងរ៉ាវនេះផ្ទុះឡើងក្រោយពេលក្រសួងបានជូនដំណឹងអំពី ការលើកលែងពិន័យ ចំពោះតារាសម្ដែង ដេនី ក្វាន់ ឲ្យមានឱកាសចូលសម្ដែងឡើងវិញ កាលពីថ្ងៃទី ២៥ ខែឧសភា ឆ្នាំ២០១៥កន្លងទៅ។
តារាស្រី២ដួងដែលមានដំណឹងល្ហិចល្ហៀងជាប់ឈ្មោះក្នុងបញ្ជីខ្មៅរបស់ក្រសួង ក្រោមការតាមដានពីភាពសិចស៊ីនោះ គ្មាននរណាក្រៅពីតារាសម្តែងដែលធ្លាប់រងហិង្សាពីអតីតគូស្នេហ៍ ពេជ្រ អាវីហ្សា និងតារាសម្តែងស្រីល្បីដើមទ្រូងខ្នាតអឺរ៉ុប សេង សូណា ឡើយ។ ដំណឹងនេះហាក់ដូចជាច្បាស់លាស់ ព្រោះថាកន្លងមកតារាស្រីទាំង២រូបនេះ ហាក់មិនញញើត និងនៅតែបន្តបង្ហាញភាពសិចស៊ីរបស់ខ្លួន មិនបារម្ភរឿងក្រសួងព្រមាននោះទេ។
ទាក់ទងបញ្ហានេះ ឯកឧត្ដម ថៃ នរៈសត្យា រដ្ឋលេខាធិការ និងអ្នកនាំពាក្យក្រសួងវប្បធម៌ និងវិចិត្រសិល្បៈ បានឲ្យដឹងថាក្រោយពីក្រសួងប្រកាសដក បម្រាមពីកញ្ញា ដេនី ក្វាន់ បច្ចុប្បន្ននេះពុំមានឈ្មោះតារាណានៅក្នុងបញ្ជីខ្មៅរបស់ក្រសួងទេ។ ឯកឧត្តមថា ក្រសួងគ្មានពេលវេលាឯណាទៅតាមដានគ្រប់សកម្មភាពរបស់តារាទាំងអស់នោះ ប៉ុន្តែក្នុងករណីមានមហាជនជាច្រើនរិះគន់ទៅលើភាពសិចស៊ីរបស់តារារូបណានោះ ទើបក្រសួងចាប់ផ្តើមពិនិត្យមើល និងចាត់វិធានការទៅតាមផ្លូវច្បាប់។
តារាសិចស៊ី ដេនី ក្វាន់ ត្រូវបានក្រសួងវប្បធម៌ និងវិចិត្រសិល្បៈ សម្រេចបញ្ឈប់រាល់សកម្មភាពសិល្បៈទាំងអស់របស់នាងរយៈពេល១ឆ្នាំ ក្នុងកិច្ចប្រជុំមួយកាលពីថ្ងៃ ទី ២៥ ខែ មេសា ឆ្នាំ ២០១៧ ទាក់ទងនឹងបញ្ហាសិចស៊ី ដែលបានធ្វើឲ្យជះឥទ្ធិពលអវិជ្ជមានដល់សិល្បៈ៕
