- 2017-08-15 23:27:00
- ព័ត៌មាន
ស្រីស្អាត នៅ សូនីតា ដឹកដៃ ខេម ទៅអូស្ត្រាលី ធ្វើរឿងគួរឲ្យសរសើរ
- 2017-08-15 23:27:00
- ចំនួនមតិ 0 | ចំនួនចែករំលែក 0
ស្រីស្អាត នៅ សូនីតា ដឹកដៃ ខេម ទៅអូស្ត្រាលី ធ្វើរឿងគួរឲ្យសរសើរ
ចន្លោះមិនឃើញ
តារាសម្ដែងកញ្ញា នៅ សូនីតា បានបង្ហើបឲ្យដឹងថា នាងគ្រោងចេញទៅច្រៀងនៅឯប្រទេសអូស្ត្រាលីជាមួយតារាចម្រៀងខេម ឆាប់នេះ ដើម្បីស្វែងរកថវិកាជួយដល់មន្ទីរពេទ្យគន្ធបុប្ផា។
ដំណើរចេញទៅច្រៀងនេះ នៅ សូនីតា ប្រាប់ថា ខ្លួនចូលរួមការប្រលងបវរកញ្ញាកូនខ្មែរកាត់អូស្ត្រាលី ក្រោមការធានារបស់អង្គការមួយនៅប្រទេសអូស្ត្រាលី។ បន្ថែមពីលើនោះនាង និង ខេម រួមជាមួយតារាផ្សេងទៀត ក៏ត្រូវច្រៀងលក់សំបុត្រ ដើម្បីស្វែងរកប្រាក់ដាក់ចូលមូលនិធិ យកមកជួយដល់មន្ទីរពេទ្យគន្ធបុប្ផាផងដែរ។ "ខ្ញុំនិងខេមដឹងថាបានទៅហើយ ព្រោះVISA ធ្លាក់មកហើយ អាចមានតារាចម្រៀងផ្សេងទៀតតែខ្ញុំអត់ច្បាស់ កម្មវិធីហ្នឹងច្រៀងលក់សំបុត្រ ដើម្បីជួយមន្ទីរពេទ្យគន្ធបុប្ផា" ស្រីស្អាតដែលល្បីថា មន្ត្រីថ្នាក់ផ្កាយទិញវិឡាឲ្យលើកឡើង។
នៅ សូនីតា បានបន្តឲ្យដឹងទៀតថា គម្រោងចេញនេះ នាងទៅចំនួន១ខែកន្លះ ដោយថ្ងៃ២៣ ខែ សីហា ឆ្នាំ ២០១៧។ ទោះបីជានាងទៅជាមួយតារាចម្រៀងខេម ក្នុងអាជីពជាតារាចម្រៀងដូចគ្នាបែបណាក្ដី តាមផែនការស្រីស្អាតរូបនេះមិនមានបទចម្រៀងណាមួយច្រៀងរួមគ្នាឡើយ គឺច្រៀងទោលម្នាក់ៗរៀងៗខ្លួនទាំងអស់។ "គាត់ច្រៀងតែគាត់ ខ្ញុំច្រៀងតែខ្ញុំ យើងអត់មានបទច្រៀងរួមគ្នាទេបង" សូនីតា បញ្ជាក់។
ទន្ទឹមការចេញទៅប្រទេសអូស្ត្រាលីនេះ នៅ សូនីតា ប្រាប់ថា ខ្លួនបានបដិសេធការងារថតភាពយន្តរហូតដល់ទៅ២រឿង ដែលជាការសោកស្ដាយបំផុតសម្រាប់ខ្លួននាង ដោយសារតែផលិតកម្មតម្រូវឲ្យនាងថតចំពេលដែលនាងទៅច្រៀងនេះតែម្ដង មិនអាចលើកពេលបាន។
នៅ សូនីតា រំពឹងថា ការចេញទៅច្រៀងនេះ នឹងទទួលបានជោគជ័យ មិនខុសពីការដែលនាងទៅរាល់ដងឡើង ត្បិតអីប្រទេសមួយនេះនាងធ្លាប់ទៅច្រៀងចំនួន២លើករួចមកហើយ គឺកាលពីដើមឆ្នាំ២០០៩ម្ដង និង ដើមឆ្នាំ២០១៧ម្ដង។ "បើមិនជោគជ័យ មិនមែនមែនSponser ចេះតែយកទៅរហូតទេបង ដឹងថាមានអ្នកគាំទ្រ មិនចាញ់រាល់ដងទេបង" នៅ សូនីតា បញ្ជាក់ជាចុងក្រោយ៕
