- 2017-08-21 04:44:01
- ព័ត៌មាន
អត់ភ័យសោះ! ពេជ្ជរិទ្ធ ត្រដាងដៃឲ្យ ACU ឆែកមួយសេរី ថ្ងៃប្រឡងទី១(វីដេអូ)
- 2017-08-21 04:44:01
- ចំនួនមតិ 0 | ចំនួនចែករំលែក 0
អត់ភ័យសោះ! ពេជ្ជរិទ្ធ ត្រដាងដៃឲ្យ ACU ឆែកមួយសេរី ថ្ងៃប្រឡងទី១(វីដេអូ)
ចន្លោះមិនឃើញ
ព្រឹកថ្ងៃដំបូងនៃការប្រឡងសញ្ញាប័ត្រមធ្យមសិក្សាទុតិយភូមិ ឆ្នាំ ២០១៧ បានចាប់ផ្ដើមហើយកាលពីព្រឹកមិញនេះ។ ក្នុងនោះ តារាចម្រៀង និងអ្នកនិពន្ធបទភ្លេង ប្រចាំក្រុមចម្រៀង SmallWorld SmallBand ម៉ម ពេជ្ជរិទ្ធ ក៏បានរួសរាន់ទៅប្រឡងទាំងព្រលឹមដែរ។
សម្រាប់ការប្រលងសញ្ញាប័ត្រធំជាងប្រចាំជីវិតសិក្សាថ្នាក់ចំណេះទូទៅនេះ ពេជ្ជរិទ្ធ មានឈ្មោះប្រឡងនៅ មណ្ឌល "វិទ្យាល័យ ជា ស៊ីម សន្ធរម៉ុក" ក្នុងរាជធានីភ្នំពេញ ។ ឆ្លៀតពេលកំពុងរាយការណ៍នៅទីតាំងផ្ទាល់ Sabay បានឆ្មក់យកសកម្មភាពខ្លះៗរបស់ ពេជ្ជរិទ្ធ ដែលគេបានមកដល់មណ្ឌលប្រឡងនៅអំឡុងម៉ោង៦ព្រឹក។ គេហាក់ដូចជា មិនមានការព្រួយបារម្ភ ដូចបេក្ខជនមួយចំនួនឡើយ ដោយលើកដៃត្រដាងឡើងឲ្យក្រុម "អ្នកអង្កេតការណ៍" ពិនិត្យដោយសេរីតែម្ដង។
ថ្លែងមកកាន់ Sabay នៅព្រឹកនេះ លោកបានឲ្យដឹងថា ខ្លួនមិនមានភាពភិតភ័យ ឬតក់ស្លុតអ្វីទេ ទោះបីជាការប្រឡងមានភាពតឹងរឹងយ៉ាងណាក៏ដោយ។ ផ្ទុយទៅវិញ លោកបែរជាសប្បាយចិត្ត ព្រោះបានប្រឡងនៅវិទ្យាល័យ និងអគារដែលខ្លួនរៀនស្រាប់ ថែមទាំងនៅជិតផ្ទះទៀត។
សម្រាប់វិញ្ញាសា ដំបូងដែលត្រូវប្រឡងព្រឹកនេះមានដូចជា ប្រវត្តិវិទ្យា និង ជីវវិទ្យា លោកថាមិនសូវបារម្ភឡើយ ព្រោះរៀនចេះបានច្រើនគួរសម៕
ចុចអាន៖
