ក្ដីប្រាថ្នាអតីត Freshie លេខ២ ប៉ងលើ ឈិត សុវណ្ណបញ្ញា បានសម្រេចហើយ

2017-08-26 02:52:10
ជីវិតតារា

2017-08-26 02:52:10
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតFreshie ជយលាភីលេខ២ជំនាន់ទី១៥ ឆ្នាំ២០១៦ អ៊ុង ដេវីត បានសម្រេចក្ដីស្រមៃក្រោយពីប៉ងលើ ឈិត សុវណ្ណបញ្ញា អស់រយៈពេលជាច្រើនឆ្នាំមកនេះ។

អ៊ុង ដេវីត បានប្រាប់ Sabay ខ្លួនស្រឡាញ់ពេញចិត្ត និងចាត់ទុក ឈិត សុវណ្ណបញ្ញា ជាIdol ម្នាក់មុនពេលចូលប្រឡូកក្នុងវិស័យសិល្បៈ និងតែងតែមានកូនចិត្តមួយលួចស្រមៃថា ថ្ងៃណាមួយបើបានថតបទចម្រៀងជាមួយនាង មិនដឹងជាសប្បាយចិត្តប៉ុណ្ណានោះទេ។ ប៉ុន្តែក្ដីស្រមៃ និងការទន្ទឹងរង់ចាំមិនបានធ្វើឲ្យកំលោះសង្ហាររូបនេះខកបំណងឡើយ ទីបំផុតលោកបានសម្ដែងជាមួយនាងក្នុងបទ "ហេតុអ្វីស៊ូម្ល៉េះ" ។

“ ពេលផលិតកម្មថោន ទាក់ទងមកខ្ញុំហើយប្រាប់ថា ថតMV ជាមួយបង ឈិត សុវណ្ណបញ្ញា ខ្ញុំសប្បាយចិត្តខ្លាំងណាស់បងពេលហ្នឹងស្ទើរតែចង់ហោះ ព្រោះមិននឹកស្មានថាបានសម្ដែងជាមួយ Idol ដែលខ្ញុំតែងតែស្រមើលស្រមៃតាំងពីនៅរៀនថ្នាក់វិទ្យាល័យមកម្ល៉េះបង"។ អ៊ុង ដេវីត ថ្លែងបញ្ជាក់។

គួរបញ្ជាក់ថាប្រឡូកសិល្បៈបានជាង១ឆ្នាំមកនេះ អ៊ុង ដេវីត បានលេចមុខមាត់ក្នុងខ្សែភាពយន្តភាគ និងខ្នាតធំជាបន្តបន្ទាប់មានដូចជារឿង"ឃុនឆាងឃុនផែន" រឿង"សន្យាជាតិមុន" រឿង "រាជិនីភូមិគ្រឹះ" និងជាច្រើនរឿងទៀត៕