- 2017-10-17 09:14:35
- ព័ត៌មាន
សាច់ញាតិអតីតស្វាមី សាន ស្រីឡៃ បង្ហើបពីមូលហេតុឈានដល់ការបាញ់សម្លាប់
- 2017-10-17 09:14:35
- ចំនួនមតិ 0 | ចំនួនចែករំលែក 0
សាច់ញាតិអតីតស្វាមី សាន ស្រីឡៃ បង្ហើបពីមូលហេតុឈានដល់ការបាញ់សម្លាប់
ចន្លោះមិនឃើញ
ករណីបាញ់សម្លាប់អតីតបេក្ខភាព The Voice Cambodia រដូវកាលទី២ អ្នកនាង សាន ស្រីឡៃ កើតឡើងទំនងជាលោក ជ័យ រិន គ្មានអ្វីជាទីពឹងទើបឈានដល់ផ្តាច់ជីវិតទាំង២នាក់តែម្តង។ នេះបើយោងតាមប្រភពពីសាច់ញាតិលោក ជ័យ រិន ដែលជាអនុប្រធាន គយប្រចាំច្រក ខេត្ត ត្បូងឃ្មុំ។
ប្រភពីសាច់ញាតសុំមិនបញ្ចេញឈ្មោះ បានបញ្ជាក់ថា លោក ជ័យ រិន ទើបតែផ្លាស់ការងារពីខេត្តបន្ទាយមានជ័យ ទៅកាន់ខេត្តត្បូងឃ្មុំ ប្រមាណ ៣ ទៅ៤ខែប៉ុណ្ណោះ មុនពេលករណីបាញ់សម្លាប់នេះកើតឡើង។
ប្រភពបន្តថា ការបាញ់សម្លាប់នាង សាន ស្រីឡៃ ដែលមិនទាន់លែងលះគ្នាដាច់ស្រេច ហើយបាញ់ខ្លួនឯងតាមក្រោយ អាចមកពីលោកគ្មានអ្វីត្រូវពឹងពាក់តទៅទៀត បើទោះនៅសល់តំណែងអនុប្រធានគយក៏ដោយ។
ទាំងនេះក៏ព្រោះតែការរស់នៅជាមួយអតីតបេក្ខភាព The Voice Cambodia កន្លងមក លោកគ្មានសល់ទ្រព្យសម្បត្តិអ្វីនោះទេ ហើយថែម សាន ស្រីឡៃ សុំចែកផ្លូវជាមួយលោកទៀត។
ម្យ៉ាងទៀតលោកថា ប្រពន្ធដើម កូនទាំង៤នាក់ និងបងប្រុសបង្កើត ដែលកំពុងកាន់តំណែងជាមន្ត្រីគយ ប្រចាំខេត្តស្វាយរៀង ក៏លែងរវីរវល់ជាមួយលោកដែរ ព្រោះតែការងប់ងល់លើរឿងនេះ។ ហេតុផលទាំងនេះ អាចធ្វើឱ្យមន្ត្រីគយរូបនេះគិតថាគ្មានសល់អ្វីទៀតសម្រាប់ខ្លួនទៀត ក៏បញ្ចប់ជីវិតអតីតភរិយា ហើយបញ្ចាប់ជីវិតខ្លួនឯងតាមក្រោយបែបនេះ។
បើទោះជាយ៉ាងនេះក្ដីកញ្ញា សាន គង្គា ត្រូវជាប្អូនបង្កើតរបស់ សាន ស្រីឡៃ អះអាងថា ការស្លាប់របស់បងស្រីរបស់នាង កើតឡើងដោយភ្លើងប្រច័ណ្ឌទៅវិញទេ ព្រោះកន្លងមក អតីតបងថ្លៃបានសុំឱ្យនាងឈប់ពីសិល្បៈជាញយដង ប៉ុន្តែអតីតបេក្ខភាព The Voice Cambodia មិនព្រម រហូតមានរឿងរកាំរកូសកើតឡើងមិនចេះចប់ មុនកើតហេតុការណ៍ដ៏រន្ធត់នេះ៕
