- 2017-11-10 09:26:12
- ព័ត៌មាន
វីវរហើយ! ត្រចៀកកាំ ជាប់បម្រាមពីទីផ្សារមូលបត្រចិនរហូត ៥ឆ្នាំ
- 2017-11-10 09:26:12
- ចំនួនមតិ 0 | ចំនួនចែករំលែក 0
វីវរហើយ! ត្រចៀកកាំ ជាប់បម្រាមពីទីផ្សារមូលបត្រចិនរហូត ៥ឆ្នាំ
ចន្លោះមិនឃើញ
ព័ត៌មានដ៏កក្រើកមួយកំពុងផ្ទុះឡើង នៅប្រទេសចិន ពាក់ព័ន្ធនឹងរឿងរ៉ាវពិន័យ ចំពោះតារាសម្ដែងស្រីចិន Zhao Wei និងស្វាមីរបស់នាងលោក Huang Youlong ដែលបានលួចបន្លំឯកសារមួយចំនួនទាក់ទងនឹងជំនួញ។
បទបម្រាមនេះ ត្រូវបានដាក់ទោសជាកំហិតចំពោះ តារាស្រី Zhao Wei ឫ "ត្រចៀកកាំ" ទាក់ទងនឹងករណីលួចបន្លំទីផ្សារមូលបត្រចិន (CSRC) កាលពីថ្ងៃ ពុធ ទី ០៨ ខែវិច្ឆិកាកន្លងទៅ។ បើតាមសេចក្ដីរាយការណ៍ នាងនឹងត្រូវជាប់បម្រាម ពីទីផ្សារមូលបត្ររយៈពេលដល់ទៅ ៥ឆ្នាំឯណោះ។
ខាងក្រុមហ៊ុនរបស់នាង “Longwei Culture & Media” បានប្រកាសកាលពីខែធ្នូ ឆ្នាំមុនថា វាអាចនឹងត្រូវចំណាយ អស់ ៣ពាន់លានយ័ន (ប្រហែល ៤៥១,៧៤លានដុល្លារ) ដើម្បីទទួលបានក្រុមហ៊ុនគំនូរជីវចល “Zhejiang Sunriver Culture” ដែលបានចុះបញ្ជីក្នុងទីក្រុងសៀងហៃ។
ទោះជាយ៉ាងណានៅដើមខែកុម្ភៈ ក្រុមហ៊ុនរបស់តារាស្រីរូបនេះបានឲ្យដឹងថាខ្លួននឹងច្រានចោលការដេញថ្លៃភាគហ៊ុនចំនួន ២៩ភាគរយ បន្ទាប់ពីនិយតករបានចេញលិខិតស្នើសុំព័ត៌មានបន្ថែមអំពីកិច្ចព្រមព្រៀងនេះ។
ដោយឡែក ខាងការស៊ើបអង្កេត ទីផ្សារមូលបត្រចិន បានរកឃើញថា Zhao Wei និងក្រុមហ៊ុនរបស់នាងបានរំលោភលើច្បាប់នៃការបញ្ចេញព័ត៌មានដោយមានចេតនាប្រមូលផ្ដុំ និងទិញទាំងគ្មានធនធានគ្រប់គ្រាន់ ឬគ្មានការគាំទ្រពីស្ថាប័នហិរញ្ញវត្ថុ ។
ជាក់ស្ដែង បើតាមការប្រកាស អ្នកដែលល្មើសនឹងច្បាប់ នឹងត្រូវពិន័យជាទឹកប្រាក់ក្នុងម្នាក់ ៣០០ ០០០យ័ន (ប្រហែល ៤៥ ០០០ដុល្លារ) ឯណោះ៕
