- 2017-11-16 06:25:00
- ព័ត៌មាន
Mariah Carey លុបចោលរាល់ការសម្តែងភ្លាមៗ ដោយសារជំងឺរុកកួន
- 2017-11-16 06:25:00
- ចំនួនមតិ 0 | ចំនួនចែករំលែក 0
Mariah Carey លុបចោលរាល់ការសម្តែងភ្លាមៗ ដោយសារជំងឺរុកកួន
ចន្លោះមិនឃើញ
មើលទៅអ្នកគាំទ្ររបស់តារាចម្រៀង Mariah Carey មិនសូវសប្បាយរីករាយទេសម្រាប់ពិធីបុណ្យ Christmas ឆ្នាំនេះដោយសារ តែតារាចម្រៀងរូបនេះផ្ទាល់បាននិយាយថានាងត្រូវលុបចោលការប្រគំតន្ត្រីរបស់នាងទាំងប៉ុន្មានចោលដោយសារតែនាងមានជំងឺផ្ដាសាយពិបាកដកដង្ហើម។
ម្ចាស់បទ “All I Want for Christmas is You” រូបនេះបានសរសេរលើគណនីផ្ទាល់ខ្លួនរបស់នាងលើបណ្ដាញសង្គម Twitter ថា៖ “រដូវកាលថ្ងៃឈប់សម្រាកមកដល់ មើលទៅខ្ញុំទើបតែទទួលបានកាដូមួយសម្រាប់ខ្លួនឯង គឺការពិបាកដកដង្ហើមដោយជំងឺផ្ដាសាយកាលពីសប្ដាហ៍មុន។ ពិតជាអួអាប់ណាស់!”។
— Mariah Carey (@MariahCarey) November 15, 2017
នាងបន្តថាគ្រូពេទ្យបានប្រាប់ឲ្យនាងសម្រាកឲ្យបានច្រើន ដូច្នេះហើយទើបត្រូវផ្អាកការប្រគំតន្ត្រីក្នុងការប្រគំតន្ត្រីសម្រាប់បុណ្យ Christmas របស់នាងមួយចំនួន។ ទោះជាយ៉ាងណា តារារូបនេះបានសន្យាទៅកាន់អ្នកគាំទ្ររបស់នាងថា នាងនឹងព្យាយាមធ្វើយ៉ាងណាឲ្យជំងឺរបស់នាងជាសះស្បើយឲ្យបានឆាប់តាមដែលអាចធ្វើទៅបាន។
ការប្រគំតន្ត្រីរបស់នាងដែលគ្រោងធ្វើនៅទីក្រុង Chicagoនឹងត្រូវផ្អាកនៅសប្ដាហ៍នេះ ហើយការប្រគំតន្ត្រីក្រោយៗទៀតដែលធ្វើឡើងនៅទីក្រុង Windsor ខេត្ត Ontario ប្រទេស Canada ក៏ត្រូវបានលុបចោលផងដែរ៕
ចុចអាន៖
