- 2017-11-24 00:30:00
- ព័ត៌មាន
ផ្ទះតារាណាខ្លះសង់ឡើងពិសេសសឹងអី តែដាក់លក់ហើយគ្មានអ្នកចង់ទិញ?
- 2017-11-24 00:30:00
- ចំនួនមតិ 0 | ចំនួនចែករំលែក 0
ផ្ទះតារាណាខ្លះសង់ឡើងពិសេសសឹងអី តែដាក់លក់ហើយគ្មានអ្នកចង់ទិញ?
ចន្លោះមិនឃើញ
ប្រិយមិត្តធ្លាប់បានដឹងហើយថា ភាគច្រើនតារាល្បីៗតែងតែផ្លាស់ប្ដូរលំនៅពីមួយកន្លែងទៅមួយកន្លែង ហើយផ្ទះចាស់របស់ពួកគេត្រូវដាក់លក់ឲ្យបានកាន់តែឆាប់កាន់តែល្អ។ បើតាមវិបសាយរបស់ Redfin បានឲ្យដឹងថា ផ្ទះដែលជារបស់តារាៗ ភាគច្រើនដាក់លក់ដាច់ប្រហែលក្នុងអំឡុងពេល ៣៦ថ្ងៃលើសផ្ទះជនសាមញ្ញ។
យ៉ាងណាក៏ដោយ សម្រាប់តារាប៉ុន្មានដួងនេះ មិនមានវាសនាដូចតារាដទៃនោះទេ ផ្ទះរបស់ពួកគេដាក់លក់ ប៉ុន្តែគ្មាននរណាម្នាក់មើលឃើញសោះ។
១. តារាចម្រៀង 50 Cent
ផ្ទះរបស់តារាចម្រៀង 50 Cent ដែលមានទីតាំងស្ថិតនៅទីក្រុង Farmington រដ្ឋ Connecticut ត្រូវបានដាក់លក់ដំបូងក្នុងតម្លៃ ១៨ លានដុល្លារក្នុងឆ្នាំ ២០១៥។ នៅក្នុងរដូវស្លឹកឈើជ្រុះឆ្នាំដដែល លោកបានទម្លាក់តម្លៃមកត្រឹម ៨,៥លានដុល្លារ។ ក្នុងឆ្នាំ ២០១៦ ដោយនៅតែលក់មិនដាច់ លោកក៏បានទម្លាក់តម្លៃបន្ថែមទៀត មកនៅត្រឹម ៥,៩លានដុល្លារប៉ុណ្ណោះ ហើយតម្លៃនេះនៅតែដាក់លក់រហូតមកដល់សព្វថ្ងៃនេះ។
២. កីឡាករបាល់បោះ Michael Jordan
កីឡាករបាល់បោះដ៏ល្បីល្បាញរូបនេះ បានដាក់លក់ផ្ទះដ៏ធំស្កឹមស្កៃរបស់លោកក្នុងតម្លៃ ២៩លានដុល្លារក្នុងឆ្នាំ ២០១២។ ៥ឆ្នាំក្រោយមក ដោយសារតែនៅតែលក់មិនចេញ លោកបានទម្លាក់តម្លៃចុះអស់ពាក់កណ្ដាលមកនៅត្រឹម ១៤,៨លានដុល្លារ។
៣. អ្នកច្នៃម៉ូដ Tommy Hilfiger
អ្នកច្នៃម៉ូដដ៏ល្បី Tommy Hilfiger និងប្រពន្ធរបស់លោកបានដាក់លក់ផ្ទះដែលច្នៃម៉ូដដ៏ប្រណីតរបស់ពួកគេក្នុងតម្លៃ ៨០លានដុល្លារ។ ក្រោយមកតម្លៃ ក៏ធ្លាក់មកនូវត្រឹម ៧៥លានដុល្លារ ក្រោយទៀតសល់ត្រឹម ៦៨,៩លានដុល្លារ ហើយចុះបន្ថែមទៀតនៅត្រឹម ៥៨,៩លានដុល្លារ។ ដោយនៅតែលក់មិនដាច់ ផ្ទះរបស់លោកដាក់លក់មកដល់សព្វថ្ងៃនេះ នៅត្រឹម ៥០លានដុល្លារតែប៉ុណ្ណោះ៕
ចុចអាន៖
