_medium.jpg)
- 2017-11-24 04:43:00
- ព័ត៌មាន
ក្តៅ! លី អ៊ីវ៉ាធីណា និង អ៊ីវ៉ា ដាក់ពាក្យប្ដឹងបុរសដែលថា ធ្លាប់ឡើងគ្រែជាមួយខ្លួន
- 2017-11-24 04:43:00
- ចំនួនមតិ 0 | ចំនួនចែករំលែក 0
ក្តៅ! លី អ៊ីវ៉ាធីណា និង អ៊ីវ៉ា ដាក់ពាក្យប្ដឹងបុរសដែលថា ធ្លាប់ឡើងគ្រែជាមួយខ្លួន
ចន្លោះមិនឃើញ
នៅថ្ងៃទី ២៤ ខែ វិច្ឆិកា ឆ្នាំ ២០១៧ នេះកញ្ញា លី អ៊ីវ៉ាធីណា រួមទាំង អ៊ីវ៉ា បានសម្រេចគ្នាដាក់ពាក្យប្ដឹងវែករកមុខបុរសម្នាក់ពីបទ បរិហារកេរ្តិ៍ អ្នកទាំងពីរជាសាធារណៈ។
លី អ៊ីវ៉ាធីណា បានប្រាប់ Sabay ថា នាងហួសចិត្តយ៉ាងខ្លាំង មិនគួរណាបុរសម្នាក់ហ្នឹងហ៊ាន ប្រើពាក្យពេចន៍អសុរោះព្រមទាំងបង្ហោះរូបមួលបង្កាច់មកលើខ្លួន និងអ៊ីវ៉ា ថារូបគេធ្លាប់បានគេងជាមួយ នាងដូច្នេះសោះ។
នាងថា៖ “និយាយទៅ បុរសម្នាក់ហ្នឹងគាត់ផុស រូបខ្ញុំ និងអ៊ីវ៉ា នៅលើហ្វេសប៊ុកបែបហ្នឹង ពិតជាធ្វើឲ្យប៉ះពាល់កិត្តិយសពួកខ្ញុំយ៉ាងខ្លាំង ហេតុដូច្នេះហើយ ទើបខ្ញុំទាំងពីរនាក់ សម្រេចដាក់ពាក្យប្ដឹងពីបទ "បរិហារកេរ្តិ៍" ចង់ដឹងថាហេតុអ្វីបានគាត់ធ្វើដូច្នេះ"។
ពាក់ព័ន្ធរូបថតហ្វេសប៊ុកឈ្មោះ ឆៃណាតូ ថតជាមួយនាងហើយយកទៅបង្ហោះ លី អ៊ីវ៉ាធីណា ថា ជារូបចាស់ថតនៅពេលដែលនាងទៅច្រៀងខនសឺត ហើយបុរសម្នាក់នោះមកសុំថតជាមួយខ្លួនក្នុងនាមជាអ្នកគាំទ្រ នាងក៏យល់ព្រមថតជាមួយដោយមិននឹកស្មានថា មានរឿងបែបនេះកើតឡើងឡើយ។
លី អ៊ីវ៉ាធីណា បញ្ជាក់ថា ទោះបីជាមានការសុំអង្វរពីម្ចាស់ហ្វេសប៊ុកឈ្មោះ ឆៃណាតូ មិនឲ្យដាក់ពាក្យប្ដឹងក្ដី តែនាង និង អ៊ីវ៉ា មិនអាចឈប់បានទេ ព្រោះនេះជារឿងកេរ្តិ៍ឈ្មោះកិត្តិយស មិនមែនយកមកលេងសើចបានតាមតែនឹកឃើញនោះទេ៕
