មិនខ្វល់នឹងពាក្យពេបជ្រាយ ស្រីអ៊ីត រឹតតែជំរុញកូនស្រីឲ្យប្រលូកក្នុងសិល្បៈ

2017-11-29 07:55:30
ជីវិតតារា

2017-11-29 07:55:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាធ្លាប់រងពាក្យ ព្រោះតែលេងសិល្បៈទើបបែកបាក់គ្រួសារក៏ដោយ ក៏អ្នកនាងអ៊ីត នៅតែឲ្យកូនស្រីខ្លួនចូលប្រលូកក្នុងវិស័យសិល្បៈដែរ។ អ្នកនាងថា អ្នកក្រៅរង្វង់សិល្បៈក៏មានអ្នកបែកបាក់គ្នាដែរ ម្យ៉ាងគ្រួសារខ្លួនជាអ្នកសិល្បៈស្រាប់។

ង៉ា ស្រីណាន ជាកូនស្រីតែម្នាក់គត់របស់អ្នកនាងអ៊ីត ។ នាងតូចនេះសម្បុរស្រអែមស្រស់ មានទម្រង់បែបខ្មែរ ស្រស់ស្អាតគួរឲ្យស្រលាញ់ ឆ្នាំនេះមានអាយុ១៣ឆ្នាំ នាងក៏មានចំណង់ចំណូលចិត្តខាងសិល្បៈខ្លាំងដែរ។

អ្នកនាង អ៊ីត និងកូនស្រី

មានគ្រួសារ២ជំនាន់ហើយជាអ្នកសិល្បៈ ធ្លាក់មកដល់ជំនាន់ ៣ នេះ គឺអ្នកនាងអ៊ីតថា នាងមិនមានជំទាស់កូនស្រីខ្លួនក្នុងការប្រលូកក្នុងសិល្បៈទេ។ តារាកំប្លែងមកពីខេត្តកំពង់ស្ពឺបានប្រាប់ Sabay ថា តាំងពីអាយុ ៨ ឬ៩ឆ្នាំ កូនស្រីរបស់នាងស្រលាញ់ខាងសិល្បៈរាំ កំប្លែង និងការច្រៀងខ្លាំង។

មានសែស្រឡាយជាអ្នកសិល្បៈស្រាប់ អ្នកនាងអ៊ីតបញ្ជាប់ថា គ្រួសារមិនមានអ្នកហាមឃាត់ចំពោះការចូលសិល្បៈរបស់កូនខ្លួនទេ គឺមានតែខិតខំបង្ហាត់ថែម។ អ្នកនាងអ៊ីតបញ្ជាក់ថា កន្លងមកកូនស្រីនាងតែងតែដើរច្រៀងតាមវង់ភ្លេង អកកេស ហើយក៏ធ្លាប់ចូលរួមក្នុងកម្មវិធីមរតសំនៀងដែរ។ ស្រីអ៊ីតបន្តថា «ខ្ ញុំឪពុកម្តាយខ្ញុំស្រលាញ់សិល្បៈ ហើយកូនស្រីខ្ញុំក៏ដូចគ្នា គាត់ចូលចិត្តច្រៀង និងរាំ ក្រុមគ្រួសារខ្ញុំមិនហាមឃាត់នោះទេ ។ សម្រាប់ខ្ញុំចង់ឲ្យកូនចូលទាំងអស់ ចម្រៀង សម្ដែង កំប្លែង រាំជាដើម»។

គ្រួសារ អ្នកនាង អ៊ីតសុទ្ធសឹងជាអ្នកសិល្បៈ ពោលគឺម្តាយ និងឪពុកជាអ្នកល្ខោនបាសាក់និងភ្លេងការប្រពៃណី ចំណែកឯនាយក្រូច និងអ្នកនាងអ៊ីតក៏បន្តវេនជាអ្នកសិល្បៈទៀត ។ តែមិនបញ្ឈប់ត្រឹមនេះឯណា មកជំនាន់ចៅ ក៏មាននាយចឺម និង ង៉ា ស្រីណាន ក៏ចូលចិត្តបន្តទៀត៕

អត្ថបទៈ ស្រីអូន