តារាម៉ូដែល ឃឹម ហ្សានីត ចេញទៅប្រកួតនៅ ហ្វីលីពីន
លោក ឃឹម ហ្សានីត តារាម៉ូដែលក្នុង SUN Super Models Cambodia ម្សិលមិញនេះ បានចេញទៅប្រទេសហ្វីលីពីន ដើម្បីចូលរួមប្រកួតកម្មវិធីមួយឈ្មោះថា Mister United Continents Cambodia 2016 ។
តាមការឲ្យដឹងពីលោក ខម ប្រសិទ្ធ ប្រធានក្រុម SUN Super Models Cambodia បានឲ្យដឹងថា ការប្រកួតខាងលើ ចាប់ផ្ដើមចាប់ពីថ្ងៃទី១១ ដល់ថ្ងៃទៅ ២៣ ខែ កក្កដា ២០១៦ ដោយមានបេក្ខជន២២រូប មកពីប្រទេសផ្សេងគ្នាជុំវិញពិភពលោកចូលរួម។ សម្រាប់ប្រទេសកម្ពុជា បានបញ្ជូនតារាម៉ូដែលតែម្នាក់គត់ គឺ លោក ឃឹម ហ្សានីត ។
ប្រធានក្រុមម៉ូដែលរូបនេះបានបន្តឲ្យដឹងថា មុនឈានដល់ការសម្រេចបញ្ជូនលោក ឃឹម ហ្សានីត ទៅចូលរួមប្រកួត តារាម៉ូដែលរូបនេះបានឆ្លងកាត់ការប្រលង ដោយការដាក់ពិន្ទុពីគណៈកម្មការយ៉ាងត្រឹមត្រូវ កាលពីដើមឆ្នាំនេះ។
ឃឹម ហ្សានីត មានវ័យ២៣ ឆ្នាំមានកម្ពស់ 1,85 ម៉ែត្រ មានស្រុកកំណើតក្នុងរាជធានីភ្នំពេញ។ តារារូបនេះ មិនហ៊ានរំពឹងថា ខ្លួនអាចឈ្នះការប្រកួត១០០%ឡើយ ប៉ុន្តែលោកបានប្ដេជ្ញាចិត្ត និងខិតខំឲ្យអស់ពីលទ្ធភាព ដើម្បីយកពានណាមួយនៃការប្រកួតមកជូនក្រុមម៉ូដែលរបស់ខ្លួន ក៏ដូចជាប្រទេសជាតិទាំងមូលឲ្យបាន។ឭ
ងាកមកការជូនដំណើរលោក ឃឹម ហ្សានីត នៅឯអាកាសយានដ្ឋានអន្តរជាតិភ្នំពេញម្សិលមិញវិញ ក្រៅពីក្រុម គ្រួសារ មានតារាជាច្រើនបានមកជូនដំណើរ ដែលពួកគេ គឺជាតារាក្នុងក្រុម SUN Super Models Cambodia តែម្ដង៕
អត្ថបទ៖ ខុត សីហា
