កវីល្បីឈ្មោះ ងិន ម៉ានីយ៉ា ម្ដាយ ថៃ នរៈពិទូ ធ្វើខួបកំណើតអមដោយទឹកភ្នែក
អ្នកស្រី ងិន ម៉ានីយ៉ា ដែលជាកវីនិពន្ធល្បីឈ្មោះរបស់ផលិតកម្មរស្មីហង្សមាស និង ជាម្ដាយ Freshie Boy លេខ ១ ឆ្នាំ ២០០៦ ថៃ នរៈពិទូ បានធ្វើខួបកំណើតគម្រប់ ៥៤ ឆ្នាំ យ៉ាងឧឡារិក កាលពីយប់មិញ។
អ្វីដែលរឹតតែពិសេសក្នុងកម្មវិធីនោះ គឺអ្នកស្រីបានហូរទឹកភ្នែកទៅវិញព្រោះកូនស្រី ថៃ នារីសុជាតា អតីត Freshies Girl លេខ២ ឆ្នាំ២០១០ បានផ្ដល់ភាពភ្ញាក់ផ្អើលដល់កម្មវិធីទាំងមូល ដែលដំបូងនាង គឺរស់នៅប្រទេសថៃ និង ប្រាប់ថាមិនបានមកចូលរួមទេ។ តែពេលកម្មវិធីចាប់ផ្ដើមនាងបានបង្ហាញខ្លួន ហើយធ្វើឲ្យគ្រួសារបានជួបជុំគ្នា។ មិនត្រឹមតែប៉ុណ្ណោះក៏មានវត្តមានតារាល្បីៗ ចូលរួមយ៉ាងច្រើនកុះករទៀតផង៕
អត្ថបទ៖ទ្រី រ៉ាវី
