Sabay news entertainment

តារាចម្រៀងរ៉េបអាមេរិក Jay Z បានចូលរួមក្នុងកម្មវិធី Jimmy Kimmel Live កាលពីសប្ដាហ៍មុន ដើម្បីផ្សព្វផ្សាយការប្រគំតន្ត្រីសប្បុរសធម៌ Tidal X ប៉ុន្តែអ្វីដែលគួរឲ្យចាប់អារម្មណ៍ពេលដែលតារាវ័យ៤៥ឆ្នាំឡើងសម្ដែង គេឃើញមានលេចចេញអក្សរខ្មែរ "ញូវយ៉ក" នៅពីក្រោយឆាក។ ក្នុងកម្មវិធី Jimmy Kimmel Live ស្វាមីរបស់ Beyoncé បានលើយកបទ "Empire State of Mind" ដែលរៀបរាប់ពីទីក្រុងញីវយ៉កដែលជាស្រុកកំណើតរបស់ខ្លួន។ អំឡុងពេលតារារូបនេះចម្រៀងដល់ចំណុចមួយដែលតារាស្រី Alicia Keys ច្រៀងបន្តគេឃើញមានអក្សរប្រទេសជាច្រើនដែលសរសេរពាក្យ "New York” លោតនៅខាងក្រោយ ក្នុងនោះក៏មានអក្សរខ្មែរផងដែរ ត្រង់នាទី ១:១៧និង២:១៥ដែលសរសេរថា "ញូវយ៉ក"។ ការប្រគំតន្ត្រីសប្បុរសធម៌ Tidal X នឹងរៀបចំនៅមជ្ឈមណ្ឌលBarclays Center ដែលមានការចូលរួមពី Beyoncé, Nicki Minajនិង Usher ។ សូមទស្សនាវីដេអូខាងក្រោម៖ https://youtu.be/qooJO1JjkUw ចុចអាន៖បទចម្រៀងថ្មីរបស់ Justin Bieber គឺចង់សូមទោសដល់ Selena Gomez ? ប្រែសម្រួល៖ ហេង សុធារិទ្ធិ ប្រភព៖wbt, youtube

2015-10-08 17:46:43
ជីវិតតារា

Beyonce និង Jay Z រកបានផ្ទះជួលថ្មី ក្រោយម្ចាស់ផ្ទះចាស់បង្ខំឲ្យរើចេញ Beyonce និង Jay Z រកបានផ្ទះជួលថ្មី ក្រោយម្ចាស់ផ្ទះចាស់បង្ខំឲ...

2015-10-08 17:46:43
ជីវិតតារា

តារាចម្រៀងអាមេរិក Beyonce និង Jay Z នឹងត្រូវរើចូលនៅភូមិគ្រឹះថ្មីដែលមានតម្លៃ ១៥ម៉ឺនដុល្លារ ក្នុងមួយខែ បន្ទាប់ពីបានបង្ខំចិត្តរើចេញពីភូមិគ្រឹះចាស់ដែលពួកគេបានជួលកន្លងមក។ យោងតាមសារព័ត៌មាន TMZ ប្ដីប្រពន្ធតារាចម្រៀងទាំងពីររូបបានចុះកិច្ចសន្យាជួលផ្ទះថ្មីនេះ ដែលមានទីតាំងស្ថិតនៅតំបន់អភិជន Holmby Hills នៃទីក្រុង Los Angeles។ ផ្ទះដែលមានបន្ទប់គេងចំនួន៥ និងបន្ទប់ទឹកចំនួន៦នេះ គឺជាកម្មសិទ្ធិរបស់មហាសេដ្ឋីអង់គ្លេសម្នាក់ ដែលមានតម្លៃសរុបចំនួន ៤៥លានដុល្លារ។ ប្រភពដដែលបានបញ្ជាក់ថា Beyonce និង Jay Z នឹងរើទៅនៅផ្ទះថ្មីនេះ នៅចុងសប្ដាហ៍នេះ។ ជាមួយអាងហែលទឹកទាំងក្នុងនិងក្រៅផ្ទះ សួនច្បារធំទូលាយ រួមទាំងទឹកជ្រោះលើផ្ទៃដីសរុបជិត ២០០០ម៉ែត្រការ៉េ ផ្ទះថ្មីនេះនឹងមិនធ្វើឲ្យកូនស្រី Blue Ivy របស់តារាទាំងពីររូបខ្វះកន្លែងលេងឡើយ។ មុនចូលនៅផ្ទះនេះ គ្រួសារតារាទាំងពីររូបបានជួលភូមិគ្រឹះមួយនៅទីក្រុង Los Angeles ដែរនិងមានតម្លៃ ១៥ម៉ឺនដុល្លារក្នុងមួយខែដូចគ្នា ក៏ប៉ុន្តែម្ចាស់ផ្ទះបានប្រាប់ឲ្យពួកគេរើចេញកាលពីខែមុន ដោយសារគេបានសម្រេចចិត្តលក់ផ្ទះនោះ។ គូស្នេហ៍តារាដែលមានទ្រព្យសម្បត្តិច្រើនលំដាប់ទីពីរលើពិភពលោកនេះ មាន Apartment ផ្ទាល់ខ្លួនមួយនៅទីក្រុង New York ក៏ប៉ុន្តែពួកគេបានសម្រេចចិត្តមកនៅទីក្រុង Los Angeles ជាអចិន្ត្រៃយ៍ដោយជឿថានៅទីនោះ កូនស្រីរបស់ពួកគេអាចមានអនាគតប្រសើរជាង។ តារាទាំងពីររូបបានផ្លាស់ពីអគារ Empire State នៅ New York មកទីក្រុង Los Angeles រដ្ឋ California កាលពីដើមឆ្នាំនេះ ហើយកូនស្រីរបស់ពួកគេ Blue Ivy បានចូលរៀននៅមត្តេយ្យសាលាដែលមានតម្លៃ ១៥០០០ដុល្លារក្នុងមួយឆ្នាំ ៕ ចុចអាន៖Jay Z នាំ Beyonce ទៅលេងសមុទ្រដើម្បីបញ្ចប់មន្ទិលសង្ស័យរឿងលែងលះ ប្រែសម្រួល៖ វ៉ាន់ថន ប្រភព៖ dailymail