ផលិតករ​រូប​នេះ ​ក៏​បាន​បង្ហើប​ប្រាប់​ដែរ​ថា​ ចំណូល​ដែល​ទទួល​បាន​ពី​ Netflix គឺ​គ្រប់​គ្រាន់​ល្មម​ជួយ​

ឈុត​មួយ​ដែល​ធ្វើ​ឲ្យ​ប្រិយ​មិត្ត​ភ្ញាក់​ផ្អើល​ពេញ​រោង​ភាពយន្ត គឺ​នៅ​ពេល​ដែល​ សំ​ ថារ័ត្ន និង ហ្សង់ ប៉ូលី ​ថើប​គ្នា​ស្ដែងៗ​តែ​ម្ដង ហើយ​...

“Now You See Me 2” បាន​សម្ពោធ​ជា​ផ្លូវ​ការ​ហើយ​កាល​ពី​ល្ងាច​នៅ​រោង​ភាពយន្ត Major Cineplex by Cellcard ដែល​មាន​ការ​ចូល​រួម​ពី​តារា​ចម្រៀង ម៉ា ច័ន្ទបញ្ញា ក្រុម​ចម្រៀង SED2R ក្រុម​រាំ OMG ក្រុម​រាំ December ហើយ​ជា​ពិសេស​នោះ​មាន​ការ​ចូល​រួម​ពី​តួ​ Stunt ឈាម​ជ័រ​ខ្មែរ​-បារាំង ដែល​បាន​ចូល​រួម​សម្ដែង​នៅ​ក្នុង​ភាពយន្ត “Now You See Me 2” ផ្ទាល់​តែ​ម្ដង។     ​​“Now You See Me 2” ជា​ប្រភេទ​រឿង​បែប​ថ្ពិន​ភ្នែក​អាថ៌កំបាំង​លាយ​ឡំ​ជាមួយ​ភាព​កំប្លុក​កំប្លែង​​ជា​ពិសេស​បាន​ចូល​រួម​សម្ដែង​ពី​តារា​ល្បី​ៗ​ជា​ច្រើន​ដូច​ជា​ Jesse Eisenberg, Woody Harrelson, Dave Franco, Lizzy Caplan , និង Daniel Radcliffe ជាដើម។     ​​​​“Now You See Me 2” នឹង​ត្រូវ​ចាក់​បញ្ចាំង​នៅ​​តាម​បណ្ដា​រោង​ភាពយន្ត​ទំនើប​ក្នុង​ប្រទេស​កម្ពុជា​ចាប់​ពី​ថ្ងៃ​ទី ១៧ មិថុនា ខាង​មុខ​នេះ​ហើយ៕   សកម្មភាព​ខ្លះ​ៗ​នៃ​ការ​សម្ពោធ​ ​“Now You See Me 2” កាល​ពី​យប់​មិញ៖           អត្ថបទ៖ SAMEDY​​​

តួ Stunt ហូលីវូដ​មាន​ដើម​កំណើត​ខ្មែរ-បារាំង Jean-Paul Ly បាន​ធ្វើ​ដំណើរ​មក​ដល់​ប្រទេស​កម្ពុជា​ម្ដង​ទៀត​នៅ​ព្រឹក​ថ្ងៃ​ទី​២៧​នេះ​ ដើម្បី​ចូលរួម​សម្ដែង​ភាពយន្ត​ជា​លើក​ដំបូង​លើ​​ទឹក​ដី​កំណើត​របស់​ ឪពុក-​ម្ដាយ ខ្លួន។     រឿង​ថ្មី​នោះ​មាន​ចំណង​ជើង​ថា "Jail Break" ជា​វណ្ណកម្ម​ថ្មី​របស់​ផលិតកម្ម​ "កង​ចក្រ​ភាពយន្ត" ហើយ Jean-Paul Ly គឺ​ជា​តួ​ឯក​ក្នុង​រឿង​នោះ​តែ​ម្ដង។ "ខ្ញុំ​​រំភើប​មែន​ទែន​ដែល​បាន​សហការ​ជាមួយ​កម្ពុជា​ នេះ​ជា​លើក​ទី​៥​ហើយ​ លើក​នេះ​ខ្ញុំ​មក​រយៈ​ពេល​បី​ខែ​ដើម្បី​ថត​រឿង​នេះ​ ខ្ញុំ​សង្ឃឹម​ថា​នឹង​មាន​ការ​គាំទ្រ​ច្រើន​ពី​បង​ប្អូន​ខ្មែរ​នៅ​ក្នុង​និង​ក្រៅ​ស្រុក"៕     Jean-Paul Ly ​ជា តារា​សម្ដែង​ឈុត​គ្រោះថ្នាក់​ (Stunt) ​​​ក្នុង​ភាពយន្ត​ហូលីវូដ​ជា​ច្រើន​ដែល​មាន​ឈាមជ័រ​ជា​ខ្មែរ​កើត​នៅ​ទីក្រុង​ Lyon ​ប្រទេស​បារាំង​បាន​សាង​កេរ្តិ៍ឈ្មោះ​តាម​រយៈ​ការ​បង្ហាញ​ខ្លួន​ ក្នុង​ភាពយន្ត​ហូលីវូដ​ល្បីៗ​ដូចជា​រឿង​ “Lucy”,​ “Snow White and the Huntsman” និង​ “Street Fighter Assassin’ Fist” ​ជា​ដើម។     សូម​ទស្សនា​បទ​សម្ភាសន៍​​របស់​លោក Jean-Paul Ly៖     អត្ថបទ៖ SAMEDY​

កន្លង​មក​មាន​កូន​ខ្មែរ ៣ នាក់​ហើយ ដែល​ធ្លាប់​សាង​ភាព​ល្បីល្បាញ​តាម​រយៈ​ភាពយន្ត​បរទេស​ដោយ​សារ​តែ​ពួក​គេ​ហ៊ាន​សម្ដែង​ជា​តួ Stunt ក្នុង​ឈុត​វាយតប់ ឬ​ហក់លោត​ប្រថុយ​គ្រោះ​ថ្នាក់​ជា​ទី​បំផុត។     ហ្សង់ ប៉ូលី ( Jean-Paul Ly)៖ ជា​តារា​ហូលីវូដ​កូន​កាត់​ខ្មែរ​បារាំង​វ័យ ៣៣ ឆ្នាំ ធ្លាប់​បាន​ចូលរួម​សម្ដែង​នៅ​ក្នុង​ភាពយន្ត​ជា​ច្រើន​របស់​ហូលីវូដ​ក្នុង​នាម​ជា​តួ​វាយ​តប់។ ឆាប់ៗ​នេះ​រូប​គេ​នឹង​មក​ចូលរួម​សម្ដែង​ក្នុង​រឿង" Jailbreak” នៅ​ប្រទេស​កម្ពុជា​របស់​ផលិតកម្ម​កងចក្រ​ផង​ជាមួយ​តារា​ខ្មែរ​ដទៃ​ទៀត ក្នុង​តំណែង​ជា​តួ​វាយ​តប់​ដូច​គ្នា ដែល​ជា​លើក​ដំបូង​របស់​លោក​បន្ទាប់​ពី​បាន​បង្ហើយ​ការងារ​សម្ដែង​នៅ​ទ្វីប​អឺរ៉ុប។ ​   https://youtu.be/TpWcUzr6m0U   ចាន់ ម៉ូរីស ( Maurice Chan)៖ មាន​ឪពុក​ម្ដាយ​ជា​ខ្មែរ និង​បាន​ទៅ​រស់​នៅ​ប្រទេស​បារាំង​តាំង​ពី​ក្មេង​រហូត​មក​ដល់​បច្ចុប្បន្ន​មាន​វ័យ ៤០ ឆ្នាំ​ហើយ​សព្វ​ថ្ងៃ​ជា​ប្រធាន​ក្រុម Cascade Demo។ លោក​ធ្លាប់​ចូលរួម​សម្ដែង​ក្នុង​ភាពយន្ត​វាយ​តប់​ជា​ច្រើន​ជា​មួយ​តារា​ល្បីៗ​ដូច​ជា Jack Ly, Rambo ជា​ដើម។ ​បច្ចុប្បន្ន ម៉ូរីស កំពុង​ស្ថិត​នៅ​ប្រទេស​កម្ពុជា ដើម្បី​ពិភាក្សា​ពី​ការ​សម្ដែង​ភាពយន្ត និង​សិក្សា​ពី​គម្រោង​បើក​កន្លែង​បង្ហាត់​ហក់លោត​ក្លាយ​ជា​តួ Stunt នៅ​ទី​នេះ។   https://youtu.be/IXlAtnb68wE ណុប ដារ៉េន (Daren Nop)៖ ក៏​ជា​សមាជិក​ក្រុម Cascade Demo ដែរ ហើយ​ធ្លាប់​បាន​សម្ដែង​ក្នុង​ភាពយន្ត​ហូលីវូដ​ជា​ច្រើន​ក្នុង​នោះ​ភាពយន្ត​មាន​ចំណង​ជើង​ថា" Lucy” ទទួល​បាន​ការ​ពេញ​និយម​ពេញ​ពិភព​លោក​ដោយ​រក​ចំណូល​បាន​រាប់​រយ​លាន​ដុល្លារ​អាមេរិក។ លោក​បាន​ប្រាប់​មក​កាន់ Sabay ថា នោះ​ជា​ភាពយន្ត​ខ្នាត​ធំ​ចុង​ក្រោយ​មួយ ដែល​លោក​បាន​ចូលរួម​សម្ដែង​ឱ្យ​​ក្រុម Stunt របស់​លោក Jakie Chan(ឈិន ឡុង) និង​តួ Stunt អាមេរិក​ផ្សេង​ទៀត៕   https://youtu.be/3MVHg-Fbqvs អត្ថបទ៖ សំ ជំនាញ

Jean-Paul Ly ​ជា​ឈ្មោះ​​តារា​សម្ដែង​ឈុត​គ្រោះថ្នាក់​ (Stunt) ​​​ក្នុង​ភាពយន្ត​ហូលីវូដ​ជា​ច្រើន​ដែល​មាន​ឈាមជ័រ​ជា​ខ្មែរ។ ​​​​កូនកាត់​ខ្មែរ-ចិន​​ដែល​កើត​នៅ​ទីក្រុង​ Lyon ​ប្រទេស​បារាំង​រូប​នេះ​​បាន​សាង​កេរ្តិ៍ឈ្មោះ​តាម​រយៈ​ការ​បង្ហាញ​ខ្លួន​ក្នុង​ភាពយន្ត​ហូលីវូដ​ល្បីៗ​ដូចជា​រឿង​ "Lucy”,​ “Snow White and the Huntsman” និង​ "Street Fighter Assasin' Fist” ​ជា​ដើម។ ​ក្រៅ​ពី​នេះ​ ​តារា​វ័យ​ ៣១ ​ឆ្នាំ​​​ក៏​បង្ហាញ​ឲ្យ​គេ​ឃើញ​ទេពកោសល្យ​តាម​រយៈ​​រឿង​ភាគ​ទូរទស្សន៍​​ល្បី​​របស់​អង់គ្លេស ​"24 Live Another Day” ​​​ភាពយន្ត​ខ្លីៗ​ ​​និង​ការ​ផ្សាយពាណិជ្ជកម្ម​ជាច្រើន​ទៀត។     ​ពាក់ព័ន្ធ​នឹង​ប្រវត្តិ​ហាត់​ក្បាច់​គុណ​ ​អ្នក​ប្រយុទ្ធ​​​ដែល​មាន​ឈ្មោះ​ហៅក្រៅ​ថា ​Sora ​​មាន​បទ​ពិសោធន៍​ហាត់​គុន​ដល់​ទៅ​ ២៥ ​ឆ្នាំ​ឯណោះ​ ពោល​គឺ​លោក​ចូល​ហ្វឹកហាត់​​ក្បាច់​គុន​ការ៉ាតេ Shotokan ​ដំបូង​​​​តាំង​ពី​អាយុ ៥ ​ឆ្នាំ​មក​ម្ល៉េះ។ ​​​បន្ទាប់​ពី​នោះ​ ​​អ្នក​ប្រយុទ្ធ​​ខ្មែរ-បារាំង​បាន​​បន្ត​ហ្វឹកហាត់​​​វិជ្ជា​ការពារ​ខ្លួន​របស់​កូរ៉េ​ហាប់គីដូ, ​Capoeira, Tricking, ​ការ៉ាតេ​កីឡា, ​ប្រដាល់, ​កាយសម្ព័ន្ធ​ និង​តេក្វាន់ដូ​ជា​ហូរហែ។ អ្នក​លេង​ក្បាច់​គុណ​ចម្រុះ​ម្នាក់​នេះ​ក៏​ជា​សមាជិក​ក្រុម​សម្ដែង​ឈុត​គ្រោះថ្នាក់​អាជីព​កំពូល​របស់​បារាំង​ ​CASCADE DEMO ​ដូច​តារា​សម្ដែង​​ខ្មែរ-បារាំង​​ណុប ដារ៉ែន​ដែល​ Sabay ​ចុះផ្សាយ​មុន​នេះ​ដែរ។       ​​​ខាងក្រោម​ជា​​សមិទ្ធផល​ដែល​ Jean-Paul Ly ​សម្រេច​បាន​នា​ពេល​កន្លង​មក៖   FEATURE FILMS​​   2013 ​​សម្ដែង​ជំនួស​តួ​ឯក​ - រឿង​ STREET FIGHTER ASSASSIN' FIST - EUROPA FILMS Joey Ansah & Christian Howard 2013 ​​តួ​ Stunt​​ - ​រឿង ​LUCY - EUROPACORP Luc Besson (France) 2013 តួ​ Stunt​​ ​ -​ INERTIA - EUROPACORP Julien Rey & Samir El-Hammami 2013 តួ​ Stunt​​ ​ - ​រឿង​ PISTE NOIRE - ALAKIS PROD - Jalil Naciri & Florent Montcouquiol 2013 ​​​សម្ដែង​ - ​រឿង​GATWICK GANGSTERS - David Manning 2013 តួ​ Stunt​​ ​ - ​រឿង​ GATWICK GANGSTERS - David Manning ​រឿង​ភាគ​ទូរទស្សន៍​ 2014 ​តួ​ Stunt​​ ​ - ​រឿង ​24 LIVE ANOTHER DAY - 20th Century Fox ​ភាពយន្ត​ខ្លី​ 2014 ​សម្ដែង​ - ​រឿង​LES AVENTURES DE TRANH ET NOWAK - KIWI PRODUCTIONS Godefroy Ryckewaert (France) 2014 ​​សម្ដែង​ - ​រឿង​ CHAMELEON - Ki Films Beau Fowler 2014 ​អ្នក​សម្របសម្រួល​​សម្ដែង​ឈុត​គ្រោះថ្នាក់​ - ​រឿង​ CHAMELEON - Ki Films Beau Fowler 2014 ​អ្នក​សម្របសម្រួល​​សម្ដែង​ឈុត​គ្រោះថ្នាក់​ - ​រឿង​ ​UNDERGROUND - AW Prod Stephane Tin 2014 តួ​ Stunt​ - ​រឿង​ WHITEDOLOMYTE (pilot) - Aiko Horiuchi 2014 ​តួ​ Stunt​ - ​រឿង ​NIGHT SAVIOR - AW Prod Stephane Tin 2014 តួ​ Stunt​ - ​រឿង​ PiCCADILLY RUMBLE - AW Prod Stephane Tin 2013 ​​អ្នក​សម្របសម្រួល​ឆាក​ប្រយុទ្ធ​ - ​រឿង​The Fight Room - Cork Prod Niall Johnson 2013 តួ​ Stunt​ - ​រឿង​ Knighthood & Decoy - thechannelflip Jamie Lennox 2013 ​សម្ដែង​ - ​រឿង​ Face Off - AW Prod Stephane Tin 2013 ​​អ្នក​បង្កើត​ក្បាច់​ប្រយុទ្ធ​ - ​រឿង​ Face Off - AW Prod Stephane Tin ការ​ផ្សាយពាណិជ្ជកម្ម​ 2014 ​​អ្នក​លេង​សាមូរ៉ៃ​ - SNICKERS COMMERCIAL with M. Bean - House of flying Bean - With Rowan Atkinson​   ​STILL PHOTOGRAPHY   2014 ​​ម៉ូដែល​សម្ដែង​ឈុត​ប្រយុទ្ធ​ - CALM & READY - Thomas Sherman ​​​ សម្ដែង​ជា​ Background​ 2014 ​ ទាហាន​ - ​រឿង​ "DISCLOSED PROJECT" - Disney Company 2014 ​​អ្នក​ជំងឺ​សរសៃប្រសាទ​ - រឿង ​CHASING SHADOWS - ITV DRAMA 2013 ​អ្នក​យាម​វាំង​ - ​រឿង ​CINDERELLA - Disney Company - Kenneth Branagh   ទស្សនា​វីដេអូ​ក្រៅ​ឆាក​ដែល​ Jean-Paul Ly ​សម្ដែង​ក្នុង​រឿង​ "Street Fighter Assasin' Fist”៖   http://youtu.be/qtM0WJR0pGw   វីដេអូ​ហ្វឹកហាត់​​ ​និង​​សម្ដែង​​​របស់​ Jean-Paul Ly៖   http://youtu.be/ipJBu1luZ3s   អាន៖​ បទ​សម្ភាស​ជាមួយ​កំពូល​តារា​សម្ដែង​ខ្មែរ​​ក្នុង​ភាពយន្ត​ហូលីវូដ ណុប ដារ៉ែន   ប្រែ​សម្រួល៖ ​សីហា ប្រភព៖ ​lyjeanpaul, imdb