Sabay news entertainment

បន្ទាប់ពីរៀបការទៅរស់នៅជាមួយស្វាមីជាជនជាតិថៃរួចមករហូតមកដល់ពេលនេះ អ្នកនាង ថន តារា មិនទាន់មានដំណឹងណាមួយលេចឭថានាងមានផ្ទៃពោះនៅឡើយទេ ខណៈពេលដែលរូបនាងនិងស្វាមីអន្ទះសារចង់បានកូនឆាប់ៗ។ អ្នកនាង ថន តារា បានផ្ងើសារជាម្លេងតាមរយៈហ្វេសប៊ុករបស់នាងប្រាប់ Sabay ឲ្យដឹងថា រូបនាងនិងស្វាមីពិតជាចង់បានកូនខ្លាំងណាស់នៅក្នុងពេលនេះ បើបានកាន់តែឆាប់កាន់តែល្អ។ ចំពោះការរំពឹងចង់បានកូនក្នុងពេលឆាប់ៗនេះដែរអ្នកនាង ថន តារា និងស្វាមី ចង់បានកូនស្រី ព្រោះនាង និងស្វាមីមានកូនប្រុសម្នាក់ហើយ។ តារាសម្តែងស្រីដែលមានសំណាងបានស្វាមីជាជនជាតិថៃបានបន្តទៀតថា "បង និងប្តីបងពិតជាចង់បានកូនខ្លាំងណាស់អូន នៅពេលនេះបងចង់បានកូននៅក្នុងឆ្នាំនេះ តែបើមិនបាននៅក្នុងឆ្នាំនេះទេសូមឲ្យមាននៅឆ្នាំក្រោយទៀត តែបើបានកូនភ្លោះសម្រាប់បង និងប្តីបងរឹតតែល្អ ព្រោះកូនភ្លោះមើលទៅគួរឲ្យស្រឡាញ់អូនព្រោះមានមុខមាត់ដូចគ្នា ធំពេញវ័យឡើងដំណាលគ្នា"។ នៅដើមខែតុលា ខាងមុខនេះ អ្នកនាង ថន តារា និងស្វាមីមានបំណងចង់ទៅលំហែកាយនៅហុងកុង ព្រោះតាំងពីរៀបការហើយនាង និងស្វាមីមិនទាន់បានចេញទៅកម្សាន្តនៅប្រទេសណានោះទេ ដោយសារតែស្វាមីរបស់នាងឈឺ ហើយកូនប្រុសនាងជាប់រវល់រៀនសូត្រ។ នាងបានបញ្ជាក់ថា ផែនការដើរកម្សាន្តទៅហុងកុងជាមួយស្វាមីនាពេលខាងមុខនេះ គឺអាចមានរយៈពេល ៤ ថ្ងៃ៕ រៀបការរួច ថន ដារ៉ា ខកខានទៅក្រេបទឹកឃ្មុំនៅ ហុងកុង ព្រោះ… អត្ថបទ៖ ឆុង ស៊ីណាន

2016-07-04 17:51:24
ព័ត៌មាន

រៀបការរួច ថន ដារ៉ា ខកខានទៅក្រេបទឹកឃ្មុំនៅ ហុងកុង ព្រោះ... រៀបការរួច ថន ដារ៉ា ខកខានទៅក្រេបទឹកឃ្មុំនៅ ហុងកុង ព្រោះ...

2016-07-04 17:51:24
ព័ត៌មាន

អតីតពិធីការិនី និងតារាសម្ដែង ថន ដារ៉ា បានឲ្យដឹងថា គម្រោងការដែលត្រូវទៅក្រេបទឹកឃ្មុំនៅហុងកុងរបស់គ្រួសារនាង បានពន្យារពេលភ្លាមៗបន្ទាប់ពីស្វាមីមានបញ្ហាសុខភាព។ រូបភាព៖ Facebook ស្វាមី ថន ដារ៉ា ថន ដារ៉ា បានប្រាប់ Sabay តាមរយៈសារអេឡិចត្រូនិកពីប្រទេសថៃមកថា ពេលនេះនាងខកខានមិនទាន់ទៅក្រេបទឹកឃ្មុំនៅហុងកុងឡើយ ព្រោះនាងស្វាមីនាងមានអាការៈពុលចំណីអាហារ រហូតដល់ចូលមន្ទីរពេទ្យ។ "អូរ! គាត់ពុលពីបីថ្ងៃហើយ គឺកាហ្វេ និងម្ហូបខ្លះទៀតខ្វះអនាម័យ ហើយសភាពជំងឺគ្មានអីធ្ងន់ធ្ងរទេ គ្រាន់តែ ពេទ្យឲ្យដាក់ថ្នាំសម្លាប់មេរោគ និងព្យួរសេរ៉ូមដល់ល្ងាចអាចទៅផ្ទះវិញបាន។ នេះជាបញ្ហាមួយដែលធ្វើឲ្យពួកបងមិនអាចទៅដើរលេងបាន។” បងស្រី ថន លក្ខិណា រូបនេះ ក៏បានបញ្ជាក់ផងដែរថា ទោះប្ដីមិនឈឺ ក៏មិនទាន់អាចធ្វើដំណើរកម្សាន្តបានដែរ ព្រោះកូនប្រុសតូចរបស់លោក ណាវៈរ៉ាត់ យូបំារ៉ុង ជាប់រវល់ក្នុងការសិក្សា។ ពិធីការិនីរូបនេះបញ្ជាក់ផងដែរថា ពួកនាងនឹងទៅក្រេបទឹកឃ្មុំ នៅបរទេស តែចាំមើលឲ្យស្វាមីជាគ្រាន់បើ និងទំនេរទាំងអស់គ្នាសិនទើបទៅ ព្រោះអ្នកទាំងពីរនៅមានពេលវេលាច្រើនទៀត៕ អត្ថបទ៖ទ្រី រ៉ាវី

2016-06-27 16:29:59
ព័ត៌មាន

រ៉ូបបែបម្ចាស់ក្សត្រីរបស់ ថន ដារ៉ា ដឹងថាតម្លៃប៉ុន្មានទេ? រ៉ូបបែបម្ចាស់ក្សត្រីរបស់ ថន ដារ៉ា ដឹងថាតម្លៃប៉ុន្មានទេ?

2016-06-27 16:29:59
ព័ត៌មាន

អ្នកស្រី ឌី ម៉ាឡែន ម្ចាស់ហាង ប៉ារ៉ាឌី អ្នកច្នៃម៉ូដឲ្យ ថន ដារ៉ា សម្រាប់អាពាហ៍ពិពាហ៍កាលពីយប់មិញ ប្រាប់ថា រ៉ូបរៀបការពណ៌សវែងអូសដីបែបម្ចាស់ក្សត្រីដែលគ្រងដោយកូនក្រមុំ ថន ដារ៉ា មានតម្លៃ ៣៨០០ដុល្លារ ចំណាយពេលកាត់ ៣សប្ដាហ៍ឯណោះ។ “តាមបងដឹង ថន ដារ៉ា ប្រាប់បងថា គាត់ប៉ងយូរហើយ ថ្ងៃណាបើគាត់បានរៀបការ កាត់ចង់បានរ៉ូប ដូចរ៉ូបរៀបការប្រពន្ធស្ដេចអង់គ្លេស William ដែរ ។ ណាមួយឥឡូវគាត់បានចូលរោងជាមួយយស្វាមីគាត់អ្នកមានមុខមានមាត់ក្នុងជួររាជការផងនោះ ដូច្នេះគាត់សម្រេចឲ្យខាងបងច្នៃជារ៉ូបនេះឡើងឲ្យសមទៅនឹងកម្មវិធីក៏ដូចស្វាមីរបស់គាត់ដែរ"។ ចង់ដឹងរ៉ូប ថន ដារ៉ា ស្រស់ស្អាតយ៉ាងណាទស្សនារូបភាពខាងក្រោម៖ អត្ថបទ៖ ថា ម៉ាលីដា

2016-06-27 17:43:26
ជីវិតតារា

មង្គលការ ថន ដារ៉ា សម្បូរទាំងភ្ញៀវសិល្បៈ មន្រ្តីរាជការ និងអ្នកជំនួញ មង្គលការ ថន ដារ៉ា សម្បូរទាំងភ្ញៀវសិល្បៈ មន្រ្តីរាជការ និងអ្នកជំ...

2016-06-27 17:43:26
ជីវិតតារា

កាលពីយប់មិញនេះកម្មវិធីមង្គលការតារាសម្ដែងស្រីដែលមានដើមកំណើតមកពីខេត្ត កោះកុង ថនដារ៉ាគេសង្កេតឃើញមានភ្ញៀវកិត្តិយសច្រើនឋានៈ ទាំងមន្រ្តីរាជការ អ្នកជំនួញ ជាពិសេស គឺអ្នកសិល្បៈយ៉ាងច្រើនកុះករបានចូលរួម។ ចំពោះវត្តមានភ្ញៀវទាំងអស់ដែលបានចូលរួមពិធីជ័យរវាងតារារបស់ប្រទេសកម្ពុជា និងមន្រ្តីជាន់ខ្ពស់ក្នុងរាជរដ្ឋាភិបាលថៃ មានចំនួន៧០តុ នេះបើតាមសមីខ្លួនធ្លាប់ប្រាប់ដល់ Sabay។ តោះកុំបង្អង់យូរទៅទស្សនាទិដ្ឋភាពមង្គលការតារាខ្មែរ និងមន្ត្រីថៃទាំងអស់គ្នា៖ អត្ថបទ៖ទ្រី រ៉ាវី

2016-06-26 16:43:45
ជីវិតតារា

ទិដ្ឋភាពពិធីហែជំនូន ថន តារា ព្រឹកនេះ ទិដ្ឋភាពពិធីហែជំនូន ថន តារា ព្រឹកនេះ

2016-06-26 16:43:45
ជីវិតតារា

ព្រឹកនេះ គឺជាពិធីហែជំនូនរបស់តារាសម្ដែង និងជាពិធីការិនី ថន តារា នៅគេហដ្ឋាននាងផ្ទាល់។ កម្មវិធីនេះមានភ្ញៀវចូលរួមយ៉ាងច្រើនកុះករ ប៉ុន្តែមិនសូវមានអ្នកសិល្ប:ច្រើនឡើយដោយឃើញមានតែលោក សុវណ្ណ រិទ្ធ កញ្ញា លី ច័ន្ទសីហា និងគូដណ្ដឹង តែប៉ុណ្ណោះ។ ក្រៅពីនោះគឺជាអ្នកជំនួញ និងភ្ញៀវខាងកូនកំលោះដែលភាគច្រើនជាជនជាតិថៃ។ បើតាមប្អូនស្រីកូនក្រមុំកញ្ញា ថន លក្ខិណា បានប្រាប់ថា អ្នកសិល្បៈនឹងអញ្ជើញចូលរួមនាពេលល្ងាចនៅកោះពេជ្រ ហើយព្រឹកនេះប្រហែលជាគេរវល់ទើបមិនបានចូលរួម៕ តោះ…ទស្សនាទិដ្ឋភាពព្រឹកនេះទាំងអស់គ្នា៖ អត្ថបទ៖ទ្រី រ៉ាវី

2016-06-25 18:04:41
ព័ត៌មាន

បទសម្ភាសន៍ផ្ដាច់មុខ ថន តារា មុនថ្ងៃរៀបការមកដល់ស្អែកនេះ! បទសម្ភាសន៍ផ្ដាច់មុខ ថន តារា មុនថ្ងៃរៀបការមកដល់ស្អែកនេះ!

2016-06-25 18:04:41
ព័ត៌មាន

ថ្ងៃ អាទិត្យ ទី ២៦ ស្អែកនេះ គឺជាថ្ងៃមង្គលការរបស់តារាសម្ដែង ថន តារា ដែលបានស្វាមីជាមន្ត្រីក្នុងជួររាជការប្រទេសថៃ។ ប៉ុន្តែរសៀលម្សិលមិញ តារាសម្ដែងសាច់សខាងលើ ផ្ដល់បទសម្ភាសន៍ពិសេសដល់ Sabay ពាក់ព័ន្ធនឹងគម្រោងទៅថ្ងៃអនាគតបន្ទាប់ពីរៀបការរួច។ តារា បានអង្គុយរៀបរាប់ដោយទឹកមុខញញឹមញញែម ហើយមានម្ចាស់ស្នេហ៍នៅក្បែរខ្លួន និងបានកាន់ដៃគ្នាជាប់ រៀបរាប់ពីគ្រោងសាងស្នេហ៍ដំបូង គម្រោងទៅថ្ងៃអនាគត និងអារម្មណ៍របស់ខ្លួនថា "ពេលជិតមកដល់ថ្ងៃរៀបការនេះ ខ្ញុំមានអារម្មណ៍ភ័យផងអរផង ព្រោះមិនធ្លាប់មានពិធីអ្វីសងរោងអ្វីទាំងអស់ អាចនិយាយថា នេះជាពិធីធំបំផុតក្នុងឆាកជីវិតហើយជាកាដូដ៏ធំបំផុតដែលគាត់បានផ្ដល់ឲ្យ។” បងស្រីតារាសម្ដែង ថន លក្ខិណា ក៏បានបន្តរៀបរាប់ពីគម្រោងទៅថ្ងៃអនាគតថា បន្ទាប់ពីរៀបការរួចនាងត្រូវទៅរស់នៅប្រទេសថៃហើយ ដើម្បីទៅជួយមើលការខុសត្រូវលើមុខជំនួញរបស់ស្វាមី ដោយមិនបានបន្តការងារសិល្បៈក្នុងស្រុកបន្តទៀតទេ។ យ៉ាងនេះក្ដី ស្វាមីនាងលោក យូបំារ៉ុង ដែលជាមន្ត្រីក្នុងជួររដ្ឋាភិបាលថៃ បានប្រាប់ Sabay ដោយអនាគតភរិយាជាអ្នកបកប្រែថា លោកមិនរារាំងភរិយាចំពោះការងារសិល្បៈឡើយ ក្នុងនោះប្រសិនបើនៅតែមានផលិតករណាចង់បាននាងមកសម្ដែង លោកក៏មិនហាមឃាត់អ្វីទាំងអស់ ព្រោះលោកក៏ស្រលាញ់ការសម្ដែងនេះដែរ គ្រាន់តែមិនអាចបានច្រើនដូចពេលមុនប៉ុណ្ណោះ។ ចំណែកឯគម្រោងក្រេបទឹកឃ្មុំវិញគឺអ្នកទាំងពីរថានឹងទៅសាងអនុស្សាវរីយនៅទឹកដីហុងកុង និងត្រឡប់មកសៀមរាបទឹកដីអង្គរ ព្រោះមន្ត្រីក្នុងជួររដ្ឋាភិបាលថៃរូបនេះស្រលាញ់ទីនោះយ៉ាងខ្លាំង។ ថន តារា និងស្វាមី ណាវៈរ៉ាត់ យូបំារ៉ុង នឹងចាប់ផ្ដើមពិធីសូត្រមន្តនាល្ងាចថ្ងៃ ២៥ ខែមិថុនា នេះ២០១៦ ។ សូមរង់ចាំតាមដានទិដ្ឋភាពនៃពិធីមង្គលរបស់ពួកគេ ដែលក្រុមការងារ Sabay នឹងផ្ដិតមកជូនប្រិយមិត្តតាមកម្មវិធីបន្តបន្ទាប់…!!! អត្ថបទ៖ទ្រី រ៉ាវី

2016-06-20 17:58:12
ព័ត៌មាន

ថន តារា អនាគតស្វាមី ពាក់ចិញ្ចៀនប្រចាំត្រកូលឲ្យ ថន តារា អនាគតស្វាមី ពាក់ចិញ្ចៀនប្រចាំត្រកូលឲ្យ

2016-06-20 17:58:12
ព័ត៌មាន

តារាសម្ដែង ថន តារា និងចូលរោងជ័យជាមួយពោះម៉ាយកូន១ដែលមានតួនាទីជាមន្ត្រីធំម្នាក់ក្នុងជួររាជរដ្ឋាភិបាលថៃនៅថ្ងៃ ២៦ ខែ មិថុនា ឆ្នាំ ២០១៦ ខាងមុខនេះហើយ ក្នុងនោះ តាមព័ត៌មាន នាងត្រូវបានអនាគតស្វាមីបំពាក់ចិញ្ចៀនពេជ្រប្រចាំត្រកូលឲ្យ១វង់។ នេះបើតាមការបង្ហើបប្រាប់ពីកញ្ញា ថន លក្ខិណា ជាប្អូនស្រី។ កញ្ញា ថន លក្ខិណា ដែលចេញមុខឆ្លើយជំនួសបងស្រី មិនបានប្រាប់ពីតម្លៃចិញ្ចៀនពេជ្រខាងលើឡើយ ប៉ុន្តែនាងបានប្រាប់ថា ចិញ្ចៀននោះគឺជាចិញ្ចៀនប្រចាំត្រកូលរបស់អនាគតបងថ្លៃខ្លួន ដែលមានតម្លៃមិនអាចកាត់ថ្លៃបាន។ កញ្ញា ថន តារា និង លោក ណាវៈរ៉ាត់ យូបំារ៉ុង ដែលមាននាទីជាមន្ត្រីមួយរូបក្នុងជួររដ្ឋាភិបាលថៃ បានស្គាល់គ្នាកាលពីពេលថ្មីៗនេះ ក្នុងកម្មវិធីមួយ។ លក្ខិណា អ្នកនាំពាក្យបងស្រីប្រាប់ថា កាលណោះ ខ្លួននិងបងស្រី បានទៅធ្វើអ្នកបកប្រែភាសាថៃឲ្យកម្មវិធីធំមួយ ហើយពេលនោះលោក ណាវៈរ៉ាត់ យូបំារ៉ុង ក៏បានឃើញបងស្រីរបស់ខ្លួន រួចក៏មានទំនាក់ទំនងគ្នារហូតមក។ ងាកមកថ្លៃបណ្ណាការដែលខាងប្រុសជូនមកក្រុមគ្រួសារខាងស្រីវិញ កញ្ញា ថន លក្ខិណា ក៏មិនបានទម្លាយឲ្យដឹងដែរ តែនាងបានប្រាប់ថា អាចនឹងទម្លាយឲ្យដឹងនៅថ្ងៃរៀបការតែម្ដង។អាពាហ៍ពិពាហ៍របស់ថន តារា និងធ្វើនៅនៅកោះពេជ្រ អាគារ A ដែលគ្រោងអញ្ជើញភ្ញៀវប្រហែល ៧០ តុ។ តាមការបញ្ជាក់ ថន តារា នឹងចេញទៅរស់នៅជាមួយស្វាមីនៅប្រទេសថៃក្រោយពីរៀបការរួច៕ អត្ថបទ៖ ខុត សីហា