- 2017-12-25 08:23:52
- ជីវិតតារា
ស្រីស្អាត រ៉ាប៊ី ពោលសរសើរ សុគន្ធ ថេរ៉ាយុ ចំៗ
- 2017-12-25 08:23:52
- ចំនួនមតិ 0 | ចំនួនចែករំលែក 0
ស្រីស្អាត រ៉ាប៊ី ពោលសរសើរ សុគន្ធ ថេរ៉ាយុ ចំៗ
ចន្លោះមិនឃើញ
ថ្មីៗ តារាចម្រៀងផលិតកម្មថោន កញ្ញា រ៉ាប៊ី បានពោលសរសើរតារាប្រុសរួមទ្រនំ សុគន្ធ ថេរ៉ាយុ ដៃគូចម្រៀងថា ជាបុរសល្អម្នាក់មិនងាយនឹងរកបាន។
រ៉ាប៊ី ថ្លែងដូច្នេះ បន្ទាប់ពីរួមការងារក្នុងផលិតកម្មតែមួយ និងធ្វើជាដៃគូចម្រៀងជាមួយគ្នាអស់ពេលប្រមាណជា២ឆ្នាំមក។ នាងថ្លែងថា "សម្រាប់បងយុ គាត់ជាបុរសល្អម្នាក់ គាត់ចិត្តបានណាស់ ហើយចូលចិត្តជួយគេណាស់ ឲ្យតែពឹងពាក់អី មិនដែលថាទេឡើយ គាត់បានជួយខ្ញុំក្នុងការងារជាច្រើនមកហើយ!"។
បើទោះពោលសរសើរដៃគូ ចំៗដូច្នេះ ប៉ុន្តែតារាស្រីដែលមានឈ្មោះដើមថា ផាន វីរ៉ាទី រូបនេះ បញ្ជាក់ថា ការសរសើររបស់នាង មិនតំណាងពីទឹកចិត្តស្រឡាញ់របស់នាងក្នុងន័យស្នេហាឡើយ ពោលគឺនាងស្រឡាញ់រាប់អានក្នុងនាមជាបង និងជាដៃគូរួមការងារតែប៉ុណ្ណោះ។
កញ្ញា រ៉ាប៊ី គឺជាតារាចម្រៀងចំណូលថ្មីមួយរបស់ថោន ដោយនាងទើបតែបានចូលរួមជាមួយផលិតកម្មនេះកាលពីចុងឆ្នាំ ២០១៥។ នាងត្រូវថ្នាក់លើ ចាត់ឲ្យចាប់ដៃគូជាមួយតារាប្រុសរូបនេះ ក្រោយចូលក្នុងគ្រួសារថោន។ ពួកគេបានចេញបទចម្រៀងរួមគ្នាជាច្រើនដូចជា "បងដូចជាប្លែកៗខុសមុន" “ស្នេហាពិតមិនគិតឈ្នះចាញ់" “ស្នេហ៍ស្មោះមួយគូ" និងបទ "ហាមញ៉ែក្នុងវត្ត" ជាដើម។
ដោយសារតែបែបនេះ នាង និងថេរ៉ាយុ ត្រូវបានគេឃើញមានភាពជិតស្និទ្ធខ្លាំងរហូតមក មិនថានៅក្នុងការសម្ដែង ឬក៏នៅខាងក្រៅឡើយ ពួកគេច្រើនទៅណាមកណាជាគូៗ។ ភាពយន្តស្និទ្ធទាំងនោះ ធ្វើឲ្យមានមន្ទិល ក្នុងន័យស្នេហា។ យ៉ាងនេះ ក៏ដោយ រ៉ាប៊ី បញ្ជាក់ថា ភាពជិតស្និទ្ធនោះ មិនមានបង្កប់ន័យស្នេហាឡើយ។
ក្នុងពេលបច្ចុប្បន្ន រ៉ាប៊ី ឬ រ៉ាទី បញ្ជាក់ថា នាង និង រ៉ាយុ គ្រាន់តែជាមិត្តរួមអាជីព រួមការងារ និងជាដៃគូចម្រៀង ឬបងប្រុសម្នាក់ប៉ុណ្ណោះ។ បែបនេះក្ដី នាងក៏មិនហ៊ានទាយទុកមុនដែរ ថានឹងមានអ្វីកើតឡើងនាពេលខាងមុខទៀត រវាងនាង និងដៃគូប្រុសម្នាក់នេះ។ ព្រោះថា អនាគតគឺជារឿងមិនអាចស្មានដឹង៕
