PeyPey Dy បញ្ជាក់ពីគម្រោងរៀបការ

2017-12-26 06:04:27
ជីវិតតារា

2017-12-26 06:04:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីស្វែងយល់ចិត្តថ្លើមគ្នាជាមួយនារីម្នាក់ឈ្មោះ ដា ជាកូនអ្នកភ្នំពេញរួចមក ថ្មីៗនេះ PeyPey Dy ក៏បានបង្ហើបប្រាប់ពីគម្រោងរៀបការផងដែរ។

ជុំវិញគម្រោងរៀបការ PeyPey Dy បានប្រាប់ Sabay ថា អំឡុងពេលនេះខ្លួន និងគូស្នេហ៍ មិនទាន់មានគម្រោងរៀបការក្នុងពេលឆាប់ៗនេះឡើយ ប្រហែលជា ២ ទៅ ៣ ឆ្នាំទៀតចាំសម្រេចចិត្តចូលរោងការក៏មិនទាន់ហួសពេលដែរ ម្យ៉ាងទៀតពួកគេទាំងពីរនៅក្មេងខ្ចី ដូច្នេះរង់ចាំឲ្យចាស់ចិត្តគំនិតរៀងៗខ្លួនជាងនេះបន្តិចសិន។

លោកថា៖"ឥឡូវពួកយើងអាយុទើបតែមានអាយុ ២៣-២៤ ឆ្នាំនៅឡើយ រឿងរៀបការអត់ទាន់គិតទេបង ប្រហែលជា ២ ទៅ ៣ ឆ្នាំទៀតព្រោះខ្ញុំ និងគាត់មានការងាររវល់រៀងៗខ្លួន"។

ការនិយាយអំពីគម្រោងរៀបការ PeyPey Dy ចង់ប្រាប់ទៅពុកម៉ែបងប្អូនមួយចំនួនថា ក្ដីស្រលាញ់របស់លោក និងគូស្នេហ៍គឺជាស្នេហាពិតដែលផុសចេញឡើងពីបេះដូង មិនបានបោកប្រាស់ភ្នែកមហាជនដើម្បីភាពល្បីល្បាញនោះទេ ព្រោះលោកមានកេរ្តិ៍ឈ្មោះបោះសំឡេងតាំងពីមុនចូលសិល្បៈមកម្ល៉េះ។ ដូច្នេះចង់បានភាពល្បីល្បាញមកធ្វើអ្វីទៀត។

បន្ថែមពីនេះលោកថា ខ្លួនមិនបានខឹងសម្បារទៅលើមហាជន ចំពោះការគិតអវិជ្ជមានចំពោះស្នេហាខ្លួនដែរ។ មានតែពេលវេលាទេជាអ្នកបកស្រាយនៅថ្ងៃខាងមុខថាជាការពិត ឬបោកប្រាស់៕