សុខ ជំនោរ កវីនិពន្ធ​ដ៏​ល្បីល្បាញ និង ភរិយា​សំណព្វ​ចិត្តបាន​ចាប់ដៃគ្នា​ចូល​រោង​ជ័យ​កាលពី​ចុងឆ្នាំ ២០១៧។ ក្រោយពីបង្ហាញភាពផ្អែមផ្ហែមក្នុងបណ្តាញទំនាក់ទំនងសង្គមមិនដែលដាច់ ថ្មីៗនេះគូស្វាមីភរិយា១គូនេះមានដំណឹងល្អផ្ទួនៗគ្នា។

ដំណឹងល្អទី១ គឺភរិយាលោកកំពុងពពោះកូនដំបូង ធ្វើឲ្យកវិរូបនេះរំភើបជាខ្លាំងក្នុងការត្រៀមខ្លួនធ្វើជាឪពុក។ លោក​ សុខ ជំនោរ បាន​បញ្ជាក់​ថា​នៅ​ពេល​នេះ​ភរិយា​លោក​មាន​ទម្ងន់​បាន​ចំនួន ៩សប្ដាហ៍​ហើយ​។ ចំពោះ​លោក កូន​ចង់​បាន​ទាំង​ពី​រ កូន​ស្រីក៏​បាន ​កូន​ប្រុស​ក៏​ឥត​បញ្ហា។

ចំណែករឿងល្អទី២ លោក និងភិរិយាសំណព្វចិត្តកំពុងបើកអាជីវកម្មថ្មីមួយទៀត គឺហាងលក់អង្ករ មានឈ្មោះថា "ស្រែខ្មែរ"​ ដោយភិរិយារបស់លោកជាអ្នកកាន់កាប់ក្នុងជំនួយលក់អង្ករបោះដុំ-រាយ ដោយអះអាងថាធម្មជាតិសុទ្ធសាធមិនមានជាតិគីមីឡើយ។