មកដឹងរឿងរ៉ាវ ពាក់ព័ន្ធនឹងការទាក់ទងសង្សារថ្មីរបស់ Kendall Jenner

2018-05-31 02:30:00
ជីវិតតារា

2018-05-31 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងនិងម៉ូដែល Kendall Jenner កំពុងតែចំណាយពេលទាក់ទងជាមួយកីឡាករបាល់បោះ NBA លោក Ben Simmons នេះបើតាមប្រភពជាច្រើនប្រាប់សារព័ត៌មាន E!New។

កីឡាករ Ben Simmons

អ្នកទាំងពីរចាប់ផ្ដើមទាក់ទងគ្នា ដោយសារតែមានទំនាក់ទំនងក៏ដូចជាណែនាំពីមិត្តភ័ក្ដិជិតស្និទ្ធ។ ពួកគេក៏ចាប់ផ្ដើមចំណាយពេលជាមួយគ្នា ប៉ុន្តែសម្រេចចិត្តមិនបង្ហាញលេចធ្លោពីទំនាក់ទំនងនេះ។ នេះបើតាមប្រភពមួយជិតស្និទ្ធនឹង Kendall បានបញ្ជាក់។

ប្រភពនោះបានបន្ថែមថា "Kendall គិតថា Ben គឺពិតជារស់រាយគួរឲ្យចង់ចំណាយពេលជាមួយ ប៉ុន្តែគូស្នេហ៍នេះខិតខំធ្វើយ៉ាងណាកុំឲ្យចំណងស្នេហ៍នេះលាតត្រដាងខ្លាំងពេក។"

តារា Reality Show វ័យ ២២ឆ្នាំនេះទើបតែជួបកីឡាករវ័យ២១ឆ្នាំ នេះនៅទីក្រុង New York ហើយក៏បានជួបគ្នានៅទីក្រុង Los Angeles ផងដែរ។

Ben បានចំណាយពេលជាច្រើនជាមួយ Kendall ដោយពេលមួយ លោកត្រូវបានគេប្រទះឃើញចាកចេញពីផ្ទះរបស់ Kendall Jenner ទៀតផង។

Kendall និង Blake Griffin

ថ្មីៗនេះ Kendall ទើបតែបានបែកបាក់ជាមួយសង្សារចាស់ ដែលជាកីឡាករ NBA ដូចគ្នាលោក Blake Griffin ប៉ុន្តែពួកគេនៅតែទាក់ទងដូចមិត្តភ័ក្ដិធម្មតា។

ប៉ុន្តែអ្វីដែលគួរឲ្យចាប់អារម្មណ៍បំផុតនោះគឺ សង្សារថ្មីរបស់នាងគឺកំពុងតែមានព័ត៌មានថា មានរឿងរ៉ាវជាមួយតារាចម្រៀង Tinashe។ បើយោងទៅតាមទស្សនាវដ្ដី People ប្អូនប្រុសរបស់នាងបានចោទប្រកាន់ Ben ថាក្បត់បងស្រីខ្លួនដោយបង្ហោះសារលើបណ្ដាញសង្គម Twitter ហើយក៏លុបចោលទៅវិញ៕