- 2018-06-22 02:28:49
- ជីវិតតារា
James Ma ទម្លាយហេតុផលមិនប្រើឈ្មោះពិត និងមិនដេកស៊ីលុយហូរហៀររបស់គ្រួសារ
- 2018-06-22 02:28:49
- ចំនួនមតិ 0 | ចំនួនចែករំលែក 0
James Ma ទម្លាយហេតុផលមិនប្រើឈ្មោះពិត និងមិនដេកស៊ីលុយហូរហៀររបស់គ្រួសារ
ចន្លោះមិនឃើញ
James Ma គឺជាតារាសម្ដែងថៃមានប្រភពចេញពីគ្រួសារអ្នកមានស្ដុកស្ដម្ភ ដែលមានរកស៊ីនាំចេញ នាំចូលត្បូង ព្រមទាំងមានមុខគួរសមក្នុងវិស័យអចលនទ្រព្យ។
ថ្លែងប្រាប់អ្នកសារព័ត៌មានកាលពីពេលថ្មីៗ កំលោះសង្ហាកូនអ្នកមានរូបនេះ បានឲ្យដឹងថា មហាជនមួយចំនួនច្បាស់ជាដឹងច្បាស់ពីឈ្មោះពិតរបស់លោក គឺ "Assarasakorn"។ នៅពេលចាប់ផ្ដើមចូលសិល្បៈ អ្នកចាត់ការរបស់លោកគឺ A-Supachai ចង់ឲ្យអ្នកគាំទ្រទាំងអស់ងាយចងចាំឈ្មោះលោក ទើបប្ដូរឈ្មោះក្នុងសិល្បៈថាជា "James" តែម្ដងទៅ ដោយភ្ជាប់ជាមួយត្រកូល "Ma” ពីក្រោយ។
ជាទូទៅ តារាថៃតែងមានឈ្មោះហៅក្រៅ ផ្សំជាមួយឈ្មោះពិតពេលចូលសិល្បៈ ប៉ុន្តែសម្រាប់តារាប្រុសកម្ពស់ ១៨៥សង់ទីម៉ែត្ររូបនេះបែរជាអះអាងថា ខ្លួនមិនមានឈ្មោះហៅក្រៅដូចគេទេ។ មួយវិញទៀត មុនសម្រេចយកឈ្មោះក្នុងសិល្បៈនេះ លោកក៏បានពិភាក្សាជាមួយគ្រួសារ និងអ្នកចាត់ការដែរ។
ងាកទៅនិយាយពីក្រុមហ៊ុនរបស់គ្រួសារវិញ James លើកឡើងថា វាជារបរជំនួញរបស់គ្រួសារ មិនមែនជារបស់លោកដាច់មុខនោះទេ។ សម្រាប់លោក មិនមែនជាអ្នកមានឡើយ ដូចនេះលោកត្រូវខិតខំធ្វើការរកលុយដោយខ្លួនឯងទើបជីវិតមានន័យ៕
