- 2018-07-09 03:51:50
- ជីវិតតារា
ស្មានមិនដល់ តារា៤រូប បាត់ភាពល្បីល្បាញ ធ្លាក់ខ្លួនរស់ក្នុងជីវភាពក្រខ្សត់
- 2018-07-09 03:51:50
- ចំនួនមតិ 0 | ចំនួនចែករំលែក 0
ស្មានមិនដល់ តារា៤រូប បាត់ភាពល្បីល្បាញ ធ្លាក់ខ្លួនរស់ក្នុងជីវភាពក្រខ្សត់
ចន្លោះមិនឃើញ
ក្រោយពីបានកសាងភាពល្បីល្បាញក្នុងវិស័យសិល្បៈ តារាមួយចំនួនបានបាត់មុខឈឹងពីវិថីនេះ ដោយមហាជនជាច្រើនយល់ថា ប្រហែលពួកគេកំពុងសម្ងំសោយសុខលើគំនរទ្រព្យ ឬចេញរស់នៅក្រៅប្រទេសកសាងជីវិតគ្រួសារ យ៉ាងរីករាយមិនខាន។ ប៉ុន្តែតារា៤ដួង ក្រោយពីបាត់មុខពីសិល្បៈ បែរជាត្រូវទស្សនិកជនប្រទះឃើញ រស់នៅក្នុងភាពក្រតោកយ៉ាក គួរឲ្យអាសូរយ៉ាងពន់ពេក។
១. លោក ច័ន្ទ រិទ្ធមេធានី
បន្ទាប់ពីបាត់មុខសូន្យឈឹងពីវិស័យសិល្បៈ តារាសម្ដែងជើងចាស់វ័យ៥៧ឆ្នាំរូបនេះ ត្រូវគេប្រទះឃើញរត់ម៉ូតូកង់បី។ លោកជាតារាភាពយន្តល្បីឈ្មោះកំឡុងទសវត្សរ៍ ៩០ រួមជំនាន់ជាមួយអ្នកនាង អម្ពរ ទេវី អ្នកនាង សុខ ស្រីមុំ ជាដើម។ មូលហេតុដំបូងដែលលោកចាកឆ្ងាយពីសិល្បៈ ត្រូវបានគេដឹងថា ដោយសារលោកឆ្អែតចិត្តនឹងអាជីពនេះពេក នៅពេលលោកខំប្រឹងប្រែង ប៉ុន្តែជាច្រើនលើក ខាងផលិតកម្មភាពយន្តតែងបោះសម្តីមើលងាយថាលោកជាតួលែងត្រូវប៉ាន់ ហើយពេលខ្លះមិនបើកប្រាក់ថ្លៃថតឲ្យលោកទៀតផង។
២. លោក ចាន់ សម័យ
តារាចម្រៀងល្បីឈ្មោះដោយសារបទ" មិនស្រលាញ់អូនមិនបាន" ធ្វើឲ្យមហាជនភ្ញាក់ផ្អើល ដោយលោកកំពុងរស់នៅក្នុងជីវភាពដុនដាប ដល់ថ្នាក់ដើរស្ទូចត្រីចិញ្ចឹមក្រពះតាមមាត់ទន្លេ។ មូលហេតុនេះ ត្រូវបានលោក មាស សាលី បញ្ជាក់ថា ដោយសារលោក ចាន់ សម័យ បរាជ័យលើរបររកស៊ី លើសពីនេះ ត្រូវចោរឆក់កាបូបអស់ប្រាក់គ្មានសល់ពីញើសឈាមរកបាននៅអាមេរិក ហើយលោកមានជំងឺរបេងឆ្អឹងទៀត មិនអាចឈរបានយូរ ទើបមិនអាចទៅប្រកបរបរអ្វីផ្សេងបាន។
៣. លោក សំ តារារិទ្ធី
តារាជើងចាស់និយមសម្តែងជាតួអង្គស្ដេចរូបនេះបានធ្លាក់ខ្លួនធ្វើជាសន្តិសុខអស់ប្រមាណជាង២ឆ្នាំមកហើយ។ តួអង្គក្នុងរឿង "បក្សីចាំក្រុង" រូបនេះ រស់ក្នុងជីវភាពខ្វះមុខខ្វះក្រោយ ព្រមទាំងមានជំងឺប្រចាំកាយផងដែរ។ ថ្វីត្បិតលោកមានឃ្លាតឆ្ងាយពីវិស័យសិល្បៈយូរហើយក្ដី តែលោកបញ្ជាក់ថា នៅតែស្រលាញ់ និងសង្ឃឹមថាអាចមានឱកាសប្រលូកក្នុងវិថីមួយនេះសាជាថ្មី។
៤. លោក ចៅ ចាន់ណារី
តារាសម្ដែងជើងចាស់ទស្សវត្សរ៍៩០រូបនេះ បានធ្លាក់ខ្លួនជាអ្នកពុះអុស និងលក់ខោអាវជជុះនៅខេត្តក្រចេះ ដោយរស់នៅក្នុងខ្ទមតូមមួយគួរឲ្យអាសូរ ក្រោយពីលោករកស៊ីខាត ហើយវក់នឹងល្បែង ជ្រុលគិតខុសមួយពេល។ បន្ទាប់ពីតារកំប្លែងនាយ កុយ បានប្រទះឃើញរួចមក លោក ចៅ ចាន់ណារី ក៏សម្រេចមកភ្នំពេញដើម្បីព្យាបាលជំងឺផង និងជួបសប្បុរសជនផង។ ដោយក្តីអាណិតអាសូរ តួអង្គក្នុងរឿង "កូនពស់កេងកងរូបនេះ" ទទួលបានការឧបត្ថម្ភពីសប្បុរសជនទាំងក្នុង និងក្រៅសិល្បៈ ជួយស្ដារជីវភាពក្រខ្សត់របស់លោកបានប្រសើរជាងមុន៕
