- 2018-07-12 04:58:15
- ជីវិតតារា
ឌុច សុភា ជម្រះមន្ទិលរឿងអាស្រូវស្នេហាជាមួយអ្នកនយោបាយមួយរូប កាលពីជាង១០ឆ្នាំមុន
- 2018-07-12 04:58:15
- ចំនួនមតិ 0 | ចំនួនចែករំលែក 0
ឌុច សុភា ជម្រះមន្ទិលរឿងអាស្រូវស្នេហាជាមួយអ្នកនយោបាយមួយរូប កាលពីជាង១០ឆ្នាំមុន
ចន្លោះមិនឃើញ
ក្រោយត្រលប់មកប្រលូកក្នុងវិស័យសិល្បៈវិញ ថ្មីៗនេះតារាសម្តែង ឌុច សុភា បានទម្លាយពីជីវិតសិល្បៈ និងគ្រួសារស្ទើរគ្មានសល់ ពិសេសទំនាក់ទំនងស្នេហ៍ជាមួយអ្នកនយាបាយម្នាក់ នៅក្នុងបទសម្ភាសមួយ។
ក្នុងវគ្គសំណួរចាក់ដោត ដែលមហាជនតែងចង់ដឹង ពិធីករបានសួរថា៖ ធ្លាប់លេចឮព័ត៌មានថា អ្នកបង ឌុច សុភា មានទំនាក់ទំនងជាមួយអ្នកនយោបាយម្នាក់ ដែលមានតួនាទីជាប្រធានគណបក្សមួយ? តើជាការពិតដែរទេ?
ឆ្លើយតបទៅនឹងសំណួរដ៏រសើបរនេះ អ្នកនាង ឌុច សុភា រកនឹកបន្តិច ហើយឆ្លើយថា ជារឿងមួយហួសចិត្ត ព័ត៌មាននេះបានកើតឡើងលើអ្នកនាងជាង១០ឆ្នាំមកហើយ អ្នកមេម៉ាយរូបនេះអះអាងដាច់អហង្ការថា អ្នកនាងអត់មានពាក់ព័ន្ធជាមួយអ្នកនយោបាយរូបនោះទេ សូម្បីតែមុខក៏មិនដែលបានជួបដែរ។
"ដល់ពេលឮព័ត៌មាននេះកើតឡើង បងអាណិតគាត់វិញ ពីព្រោះមនុស្សយើងអត់ដែលស្គាល់គ្នាសោះ បែរជាមកចោទប្រកាន់អីចឹង... បញ្ហាហ្នឹងកើតឡើង បងតាំងចិត្តថាឈប់ពីសិល្បៈ បងហួសចិត្ត បងឈឺចិត្ត បើយើងធ្វើ OK បងទទួល មនុស្សបងគឺត្រង់ បងមានតែបញ្ចប់សិល្បៈ នៅផ្ទះសប្បាយចិត្តជាង"។
មិនលាក់លៀមទេ អ្នកនយោបាយល្បីមានទំនាក់ទំនងស្នេហ៍ជាមួយអ្នកនាងនោះ គឺសម្តេចក្រុមព្រះ នរោត្តម រណឫទ្ធិ ព្រះប្រធានគណបក្ស គណបក្សហ៊្វុនស៊ិនប៉ិច។ ក្រៅពីរងព័ត៌មានអាស្រូវខាងលើ តារាសម្តែងរូបនេះបញ្ជាក់ថា កាលណោះក៏មានលេចឮដំណឹងថា អ្នកនាងមានទំនាក់ទំនងជាមួយតារាចម្រៀង សាន ផានិត អ្នកនាងជាមនុស្សស្រលាញ់ស្រីដូចគ្នា ព្រោះចូលចិត្តស្លៀកខោខោវប៊យអាវយឺត ដែលព័ត៌មានទាំងនេះ ឌុច សោភា ហួសចិត្តជាខ្លាំង និងច្រានចោលទាំងអស់។
ក្រោយផ្ទុះរឿងអាស្រូវខាងលើនេះ តារាសម្តែងដ៏ល្បី ឌុច សុភា បានចាកឆ្ងាយពីសិល្បៈ ក្រោយមកទៀតក៏រៀបការជាមួយអ្នកជំនួញ និងជាប៉ូលិសអន្តោប្រវេសន៍ នៅឆ្នាំ២០០៩។ ក្រោយរួមរស់ជាមួយគ្នាបានកូនប្រុសម្នាក់ ចំណងស្នេហារបស់អ្នកនាង និងស្វាមីក៏ត្រូវដើរដល់ទីបញ្ចប់ ខណៈអ្នកនាងសម្រាលកូនបានត្រឹម១៤ថ្ងៃប៉ុណ្ណោះ។
